Greatest Ever Comics-தலை சிறந்த காமிக்ஸ்கள்

காமிக்ஸ் புத்தகங்கள் விற்பனைக்கு

2011-09-20T19:07:00.000+05:30

பேரன்பிற்கும் பெருமதிப்புக்கும் உரிய அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கங்களையும் தெரிவித்து கொள்கிறேன். சென்ற பதிவானது பெருவாரியான மக்களையும், காமிக்ஸ் ரசிகர்களையும் கவர்ந்துள்ளது கண்கூடாக தெரிந்தது. அதே சமயம் பதிவு இடுவதில் ஏன் ஒரு தொய்வு என்று கேட்டும் பல மின் அஞ்சல்கள். என்னுடைய பனி நிமித்தமாக நியூசிலாந்து சென்று மூன்று மாதங்கள் அங்கேயே தங்க வேண்டிய சூழல். அதனாலேயே இந்த தாமதம். இனிமேல் தொடர்ந்து பதிவிட முயல்கிறேன்.

சமீப காலங்களில் காமிக்ஸ் பற்றிய விழிப்புணர்வு பெரிதும் வந்துள்ளது. அமெரிக்க தமிழ் FM ரேடியோவில் என்னை பேட்டி கண்டபோது நான் சில காமிக்ஸ் தளங்களை பற்றி குறிப்பிட்டு பேசி இருந்தேன். அந்த தளங்களை பற்றிய விவரம் தமிழர்களிடையே பரவி இருந்தது குறிப்பிடத்தக்கது. குறிப்பாக முத்து விசிறியின் தளம். அப்போது முதல் பலரும் பழைய காமிக்ஸ்களை வாங்குவது பற்றியே எனக்கு மின் அஞ்சல் அனுப்பி வருகின்றனர். அவர்களுக்கு பதில் அளிக்கும் வகையில் இந்த பதிவு இடப்பட்டுள்ளது.

காமிக்ஸ் நண்பர் நிதர்சன் – 9677142992:

திருச்சியை சேர்ந்த தமிழ் காமிக்ஸ் ரசிகராகிய திரு நிதர்சன் அவர்கள் சென்னையில் தங்கி உள்ளார். அவர் தற்போது மறுபடியும் பனி நிமித்தம் காரணமாக அயல்நாடு செல்ல இருப்பதால் அவரிடம் இருக்கும் பல காமிக்ஸ் புத்தகங்களை விற்பனை செய்ய நினைக்கிறார். வழக்கமாக நாம் காமிக்ஸ் விற்பனை செய்பவர்களை ஊக்குவிப்பதில்லை. ஆனால் நண்பர் நிதர்சன் சற்றே வித்தியாசமானவர். கண்டபடி விலை பேசும் கயவர்களிடையே இவர் நேர்மையாக புத்தக விலை என்னவோ அதனையே கொடுத்தால் போதும் என்று விற்கிறார். அவரை தொடர்பு கொள்ளுங்கள். அவரிடம் இருக்கும் புத்தகங்களின் போட்டோக்கள் இதோ:

லயன் காமிக்ஸ் அலுவலகத்தில் இருக்கும் புத்தகங்கள்: 04562 272649

இன்றுகூட கிங் விஸ்வா'வின் தமிழ் காமிக்ஸ் உலகத்தில் ஒருவர் வந்து பழைய காமிக்ஸ் எங்கே கிடைக்கும் என்று கேட்டு இருக்கிறார். அவர்களுக்கு எல்லாம் பதிலாக இந்த பத்தி:

கடந்த பதினைந்து வருடங்களில் வந்த லயன் காமிக்ஸ், முத்து காமிக்ஸ் மற்றும் காமிக்ஸ் கிளாசிக்ஸ் இதழ்களை லயன் காமிக்ஸ் அலுவலகத்தில் இருந்து நீங்கள் தபால் மூலம் வாங்கலாம். நீங்கள் செய்யவேண்டியது எல்லாம் எந்தெந்த புத்தகங்கள் வேண்டும் என்பதை (கீழ்க்காணும் லிஸ்ட்'டில் இருந்து) முடிவு செய்து அவற்றின் மொத்த விலைக்கு மணி ஆர்டரோ அல்லது காசோலையோ அனுப்பினால் உடனடியாக லயன் காமிக்ஸ் ஆபீசில் இருந்து உங்களுக்கு புத்தகங்களை அனுப்பி வைப்பார்கள்: புத்தகங்களின் பட்டியல் இதோ:

நண்பர்களே, இது வரை பொறுமையாக படித்தமைக்கு நன்றி. இதனைப் போலவே இன்னமும் பல கட்டுரைகளை வழங்கலாமா? அல்லது சென்ற பதிவைப்போல சிறப்பு நாட்களை பற்றிய பதிவுகளையாவது இடலாமா? இல்லை, இதுபோலவே நம்ம பழைய ஸ்டைலில் பல அறிய தமிழ் காமிக்ஸ்களை உங்கள் பார்வைக்கு வழங்கலாமா? நீங்கள் கூறுங்கள். முடிவெடுப்போம்.

உங்களின் விமர்சனங்களையும் பதில்களையும் எனக்கு ஏன் நீங்கள் பின்னுட்டமாக இட கூடாது?

நன்றியுடன்,
ஒலக காமிக்ஸ் ரசிகன்.

சித்திரை முதல் நாள் - சிறப்பு பதிவு - எரிந்த மனிதன்

2011-04-14T08:15:00.000+05:30

பேரன்பிற்கும் பெருமதிப்புக்கும் உரிய அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கங்களையும் தெரிவித்து கொள்கிறேன். சென்ற பதிவானது பெருவாரியான மக்களையும், காமிக்ஸ் ரசிகர்களையும் கவர்ந்துள்ளது கண்கூடாக தெரிந்தது. ஆனால் அதே சமயம் ஒலக காமிக்ஸ் ரசிகரின் பழைய ஸ்டைல் பதிவுகள் வேண்டும் என்றும் பல்லாயிரக்கணக்கான வேண்டுகோள்கள் வந்த வண்ணம் இருக்கின்றன (ங்கொப்புரானே சத்தியமா). ஆகையால் இதோ பழைய பாணியில் ஒரு சிறப்பு பதிவு. இந்த பதிவானது இன்று பிறந்த நாள் கொண்டாடும் நம்ம காமிக்ஸ் உலகின் 'முடி' சூடிய மன்னராகிய கிங் விஸ்வாவிற்கு அர்ப்பணம்.

முத்து காமிக்ஸ் இதழ்களில் வெளிவந்த கதைகளில் இரும்புக்கை மாயாவிக்கு பிறகு மிகவும் புகழ் பெற்ற கதை வரிசை லாரன்ஸ் டேவிட் மற்றும் ஜானி நீரோ ஸ்டெல்லா ஆகும். அதுவும் ஜானி நீரோ மற்றும் ஸ்டெல்லா கதையில் வரும் கர்னல் ஜேக்கப் கதாபாத்திரம் மிகவும் சிறப்பு பெற்றது. அவர் ஜானி நீரோவை சந்திக்க வருவது, ஸ்டெல்லா அவர்களின் பேச்சை கேட்பது, ஸ்டெல்லாவை கழட்டி விட ஜானி நீரோ நினைப்பது, ஸ்டெல்லா எப்படியாவது ஜானி நீரோவுடன் ஒட்டிக்கொண்டு, பல சமயங்களில் ஜானி நீரோவை காப்பாற்றுவது என்று இந்த கதை சிறப்பாக செல்லும்.

அதைப்போலவே அகொதீக கழக சதிகளை முறியடிக்கும் இரட்டை உளவாளிகளான லாரன்ஸ் டேவிட்டையும் யாராலுமே மறக்க முடியாது. லாரன்ஸ் முழுக்க முழுக்க மூளை பலத்தையும், டேவிட் தன்னுடைய அசாத்திய உடல் வலுவையும் கொண்டு அகொதீக கழக கண்மணிகளை வெற்றி பெரும் விதமே தனி பாங்கு. இந்த இரண்டு விதமான கதை வரிசைகளும் ஒன்றாக ஒரே கதையில் வந்தால் எப்படி இருக்கும் என்ற ஒரு விபரீதமான சிந்தனையின் விளைவே இந்த பதிவு.

இந்த பதிவையும், இந்த முழு நீள காமிக்ஸ் கதையையும் படித்தது ரசிக்கும் முன்பு நீங்கள் நெடுநாள் முன்பு படித்த "தலை கேட்ட தங்க புதையல் (லாரன்ஸ் டேவிட் சாகசம்) + தங்க விரல் மர்மம் (ஜானி நீரோ சாகசம்)" ஆகிய இரண்டு கதைகளையும் சற்றே நினைவில் கொள்ளுங்கள். மிகவும் முக்கியம். அந்த இரண்டு கதைகளையும் நினைவில் கொண்டு வந்த பின்பு இந்த கதையை படிக்க செல்லுங்கள். அப்போதுதான் வசதி.

வரலாற்றின் பக்கங்களை கூர்ந்து படித்தவர்களுக்கு ஸ்பானிஷ் மன்னனாகிய ஹெர்னான் கோர்டஸ் படையெடுத்து அஸ்டெக் சாம்ராஜ்ஜியத்தை அழித்தது நினைவில் வரலாம். மேலும் விவரங்கள் அறிய இந்த இணைப்பில் படித்தது தெரிந்து கொள்ளுங்கள். ~~இனிமேல் சற்றும் பொறுத்திராமல் உடனடியாக பொன்னர் சங்கர் படத்திற்கு போவோம்,~~ ச்சே பழக்க தோஷம். இனிமேல் சற்றும் பொறுத்திராமல் உடனடியாக பதிவிற்கு போவோம்.

பூவிழி காமிக்ஸ் - எரிந்த மனிதன் - கதை & படம் ஐஸ்வர்யா. முதல் பக்கம் - தலை கேட்ட தங்க புதையல் முதல் பக்கங்கள்

முதல் கட்டங்களில் வெறும் கொள்ளையர்களாக இருந்தவர்கள் கடைசியில் திடீரென்று அஸ்டெக் கொள்ளையர்களாக மாறிவிடுவது ஒரு திருப்பம் என்றாலும்கூட வரலாற்றை படித்தவர்களுக்கு அது ஒரு கசப்பான விஷம் (விஷமே மோசம், அதில் கசப்பான விஷம் என்றால் என்ன என்பதை இந்த கதையை முழுவதுமாக படித்தது தெரிந்து கொள்ளுங்கள்).

பை தி வே, இந்த பக்கங்கள் எல்லாம் அப்படியே தலை கேட்ட தங்க புதையல் கதையின் ஆரம்ப பக்கங்கள் என்பதை சொல்ல வேண்டிய அவசியம் இல்லையென்றே கருதுகிறேன். For those who came in late, முத்து காமிக்ஸில் வந்த தலை கேட்ட தங்க புதையல் என்ற கதையின் ஆரம்ப காட்சிகளை இவர்கள் அப்படியே தழுவி வரைந்து இருக்கிறார்கள். அப்புறம் ஒரு முக்கியமான விஷயம் - இன்னமும் கூட லயன் காமிக்ஸ் ஆபீசில் காமிக்ஸ் கிளாசிக்ஸ் வரிசையில் வந்த தலை கேட்ட தங்க புதையல் வெறும் பத்து ரூபாய்க்கே கிடைக்கிறது. இல்லாதவர்கள் வாங்கி படியுங்கள். (Phone Number to Contact Lion Comics Office: 04562-72649).

பூவிழி காமிக்ஸ் - எரிந்த மனிதன் - கதை & படம் ஐஸ்வர்யா - இரண்டாம் பக்கம் - தலை கேட்ட தங்க புதையல்

மக்கா, வழக்கமாக காமிக்ஸ் புத்தகங்களில் கதைக்கேற்ப படம் வரைவார்கள். ஆனால் இங்கேயோ நிலைமை தலைகீழ். என்ன படம் மாடலுக்கு கிடைத்ததோ அதற்கேற்ப கதையின் போக்கை அமைத்திருக்கிறார்கள். இந்த பக்கத்தில் கடைசி இரண்டு கட்டங்களில் இருந்து தலை கேட்ட தங்க புதையல் கதையில் இருந்து நம்ம கதை உடனடியாக ஒரு யூ டர்ன் போட்டு தங்க விரல் மர்மம் (ஜானி நீரோ, ஸ்டெல்லா மற்றும் கர்னல் ஜேக்கப்) கதைக்கு மாறிவிடுகிறது. ஒரே ஒரு கொடுமை என்னவென்றால் கதை மறுபடியும் தலை கேட்ட தங்க புதையல் படங்களிற்கு மாறும்போது ஸ்டெல்லா கதாபாத்திரத்தை (கிரே) ஆபரேஷன் செய்து பெண்ணாக மாற்றியது போல டேவிட் செய்யும் சண்டைகளை எல்லாம் ஸ்டெல்லா (கிரே) செய்வது போல வைத்து ஆணுக்கு இங்கே பெண் சளைத்தவள் இல்லை என்ற பாரதியின் வாக்கை மெய்ப்பிக்க முயன்று இருக்கிறார்கள். அதற்கே அவர்களை பாராட்ட வேண்டும்.

பூவிழி காமிக்ஸ் - எரிந்த மனிதன் - கதை & படம் ஐஸ்வர்யா - பக்கம் 3 - தலை கேட்ட தங்க புதையல்

கர்னல் ஜேக்கப் பாத்திரம் தன்னுடைய பாத்திரத்தின் பெயர் ஜேக்கம் என்று கூறுவதில் இருந்தே அவர்கள் இந்த கதையை தங்க விரல் மர்மம் கதாசிரியருக்கு டெடிகேட் செய்திருப்பதை உணரலாம். அதிலும் அவர் நான் மன்னர் கோர்டசின் கொள்ளு பேரன் என்று கூறி வரலாற்றையே நானூறு வருடங்கள் முன் நகர்த்துகிறார். (கொய்யால, இந்த கதையில கூடவா லாஜிக் பார்கிறீர்கள்? என்று நீங்கள் உச்சஸ்தாயியில் கத்துவது கேட்கிறது). சரி, ஒக்கே, அப்படியே விட்டு விடலாம்.

பூவிழி காமிக்ஸ் - எரிந்த மனிதன் - கதை & படம் ஐஸ்வர்யா – பக்கம் 4 -

மெக்சிகோ வரைபடம் எல்லா கடைகளிலும் கிடைக்கும், அதுக்கு எதுக்கு இவர் அதனை தனியாக தரவேண்டும்? மெக்சிகோவில் என்ன பிரமிட்? இந்த நவநாகரீக உலகில் நகரை வரவேற்பது போல எதற்கு ஒரு பாழடைந்த நகரம்? என்றெல்லாம் நீங்கள் கேட்பதை நான் இனிமேலும் கண்டுகொள்ளவே போவதில்லை. நீங்களும் கதையை மட்டுமே ரசியுங்கள். பாஸ், ரஜினி படத்திற்கு எதுக்கு கதை மற்றும் லாஜிக்? கதையானது இப்போது மறுபடியும் தலை கேட்ட தங்க புதையல் காமிக்சிற்கு மாறுகிறது. லாரன்சும் டேவிட்டும் கர்னல் XYZன் பாசறையில் இருந்து தப்பிக்க முயல்கின்றவேளை இது.

பூவிழி காமிக்ஸ் - எரிந்த மனிதன் - கதை & படம் ஐஸ்வர்யா – பக்கம் 5

இந்த சீகுவேன்ஸ் எல்லாமே முத்து காமிக்ஸ் தலை கேட்ட தங்க புதையல் கதையில் வருபவை. லாரன்ஸ் டேவிட் இருவரும் கேப்டன் XYZன் மறைவிடத்தில் தப்பிக்க முயல்வதில் இருந்து இந்த நிகழ்வுகள் நடைபெறுவதை பழைய காமிக்ஸ் ரசிகர்கள் மறந்திருக்க மாட்டார்கள். அதை கூட பொறுத்துக்கொள்ளலாம் பாஸ், ஆனால் டேவிட்டை இப்படி பெண் வடிவில் எப்படி பார்ப்பது என்று புகார் அளிக்க வேண்டாம். நிமிர்ந்த நன்நெஞ்சும், நேர் கொண்ட பார்வையும் கொண்ட பாரதியின் புதுமைப் பெண்ணாக டேவிட் விளங்குவது பெண்ணியவாதிகளுக்கு ஒரு வெற்றி.

பூவிழி காமிக்ஸ் - எரிந்த மனிதன் - கதை & படம் ஐஸ்வர்யா – பக்கம் 6 -

ஓநாய்களை பந்தாடி விட்டு தடியர்களை பந்தாட நம் ஜோடி ரெடி ஆகிறது. சமீபத்தில் நண்பர் கிங் விஸ்வா இந்த பதிப்பகத்தாரை நேரில் சந்தித்தது விட்டு வந்தாராம் (இன்னமும் வீடியோ இன்டர்வியூ எடுக்கவில்லை). ஒரு வேளை இந்த காமிக்ஸின் எடிட்டர் பூவிழியின் வாசத்தில் என்று தன்னுடைய காமிக்ஸ் நினைவுகளை பற்றி எழுதும்போது இப்படி எழுதுவாரோ? = அலெக்ஸ் & கிரே ஜோடியானது சேவாக் & டோனி ஜோடியை போல அதிரடிகளை தொடர்ந்து தந்து கொண்டே இருந்ததால் ஆண்டுமலரில் அவர்களுக்கு எரிந்த மனிதன் என்ற கதையில் வாய்ப்பு அளிக்கப்பட்டது & எரிந்த மனிதன் சற்றும் சோடை போகவில்லை. 'பளிச்' வெற்றி பெற்றது.

பூவிழி காமிக்ஸ் - எரிந்த மனிதன் - கதை & படம் ஐஸ்வர்யா – பக்கம் 7 -

கதை இப்போது தங்க விரல் மர்மம் காமிக்ஸ் கதைக்கு மூவ் ஆகிறது. இனிமேல் சற்று விறுவிறுப்பாக செல்லும். கதையும் நடுப்பகுதியை நெருங்கி விட்டது. ஆமாம், எட்டாம் பக்கம் வந்து விட்டது பாருங்கள். கதை மொத்தமே பதினாறு பக்கங்கள்(தான்).

பூவிழி காமிக்ஸ் - எரிந்த மனிதன் - கதை & படம் ஐஸ்வர்யா – பக்கம் 8 -

மக்கள்ஸ், இனிமேல் நோ ரன்னிங் கமெண்ட்ரி. நீங்களே ஜாலியாக கதையை படியுங்கள். குறிப்பாக இந்த ஓவியங்களை ரசியுங்கள். அடுத்த எட்டு பக்கங்கள் இதோ உங்கள் மேலான பார்வைக்கு:

பூவிழி காமிக்ஸ் - எரிந்த மனிதன் - கதை & படம் ஐஸ்வர்யா – பக்கம் 9 To 16 -

நன்றியுடன்,
ஒலக காமிக்ஸ் ரசிகன்.

துப்பறியும் சிங்கம் ராயன்–Buck Ryan 22nd March 1937

2011-03-22T21:14:00.000+05:30

பேரன்பிற்கும் பெருமதிப்புக்கும் உரிய அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கங்களையும் தெரிவித்து கொள்கிறேன். சமீப காலமாகவே ஏனோ பதிவிடவே தோன்றவில்லை. அதுவும் அரசியல் களம் சூடுபிடிக்கும் இந்த தருணத்தில் அது சார்ந்த வேலைகள் நம்மை போர் மேகம் போல சூழ்ந்து இருக்க, ஏனோ ஒரு நாளைக்கு இருபத்தி நான்கு மணி நேரம் என்பது சற்று குறைவாகவே தோன்றுகிறது. அதைப்போலவே விஜய் டிவியில் அந்த நேரலை நிகழ்ச்சியில் என்னை அடையாளம் கண்டு கொண்டு மின் அஞ்சல் அனுப்பிய தோழர்களுக்கு நன்றி. நன்றி.

இனிமேல் இந்த தளத்தில் சற்று தகவல் சார்ந்த பதிவுகளை இடலாம் என்று உள்ளேன். அது பற்றி உங்கள் கருத்துக்களை தெரிவியுங்கள். பார்க்கலாம். தகவல் சார்ந்த என்றால் இன்று ஒரு காமிக்ஸ் தகவல் போல. அதாவது ஒவ்வொரு நாளும் காமிக்ஸ் வரலாற்றில் நடந்த சன்பவங்களை பற்றிய மினி பதிவாக இருக்கும். உங்களுக்கு ஒக்கே என்றால் எனக்கும் ஒக்கே. பார்க்கலாம், முதலில் வாரம் ஒரு பதிவாவது இட முடிகிறதா என்று. அதன் பின்னர் தினம் ஒரு காமிக்ஸ் தகவல் என்ற கான்செப்டை தொடரலாம். இன்று ஒரு காமிக்ஸ் தகவல் என்ற கான்செப்ட் எப்படி உருவானது என்றால் தமிழ் காமிக்ஸ் உலகில் முக்கியமான கதாநாயகர்கள், சிருஷ்டி கர்த்தாக்கள், படைப்பாளிகள், முக்கிய நிகழ்வுகள் போன்றவற்றை உங்களுக்கு அறிமுகம் செய்ய உதவும் ஒரு சாளரம் தேவை என்ற கருத்தின் வெளிப்பாடே.

முதலில் துப்பறியும் சிங்கம் ராயன் அவர்களை பற்றிய தகவலுடன் இன்றைய பதிவை துவக்குகிறேன். சரியாக 74 ஆண்டுகளுக்கு முன்பாக இன்றைய தினத்தில் தான் (22nd March 1937) தமிழில் துப்பறியும் சிங்கம் ராயம் (டிடெக்டிவ் ஜூலியன்) அறிமுகம் ஆனார். அவர் தோன்றியதே ஒரு சுவையான விபத்துதான். இந்த கதாபாத்திரத்தை உருவாக்கியவர் பெயர் டான் ப்ரீமன். இவர் இங்கிலாந்தில் வெளிவந்த டெய்லி மிர்ரர் என்ற ஆங்கில தினசரியில் பணிபுரிந்தார். இவரும் ஜாக் மான்க் என்கிற ஓவியரும் இனைந்து எட்கார் வாலஸ் அவர்களின் டெர்ரர் கீப் என்ற தொடரை காமிக்ஸ் வடிவில் கொண்டு வந்திருந்தனர். ஆனால் அந்த கதையின் உரிமம் குறித்த பிரச்சினை காரணமாக அந்த தொடர் திடீரென்று பாதியில் நிறுத்தப்பட்டு விட்டது. அந்த தொடருக்கு பதிலாக திடீரென்று ஆரம்பிக்கப்பட்ட தினசரி காமிக்ஸ் தொடரே பக் ரயான் ஆகும்.

இந்த பக் ரயான் தொடர் மிகவும் சிறப்பான வரவேற்ப்பு பெற்று இருபத்தி ஐந்து ஆண்டுகள் தொடர்ந்து டெய்லி மிரர் பத்திரிக்கையில் வந்து சாதனை புரிந்தது. முப்பதுகளின் முடிவிலும், நாற்பதுகளிலும் இங்கிலாந்தில் மிகவும் புகழ் பெற்ற பிரைவேட் ஐ என்ற தனியார் துப்பறியும் கதை வரிசையை சார்ந்து இந்த பக் ரயான் கதைகள். இந்த கதைகளை தமிழில் கொணர்ந்தது தனி கதை.

ராணி காமிக்ஸ் 1984 ஆம் ஆண்டு துவக்கப்பட்டபோது வாராந்தரி ராணி இதழில் இருந்த திரு ராமஜெயம் அவர்களை அழைத்து ராணி காமிக்ஸின் ஆசிரியராக பதிவி உயர்வு தந்தனர் (பின்னர் இதுவே ஒரு கோர்ட் கேஸ் ஆனது வேறு கதை). அவரும் ஜேம்ஸ் பான்ட் கதைகள், ப்லீட்வே நிறுவனத்தினரின் வெஸ்டர்ன் கதைகள் (செவ்விந்தியர், குதிரை வீரர் கதைகள்), சாகச கதைகள் என்று வெளியிட்டு கொண்டு இருந்தார். ஒரு குறிப்பிட்ட காலத்திற்கு பிறகு கதைகளின் தட்டுப்பாடு ஏற்படவே டெய்லி மிரார் பத்திரிக்கையின் கதைகளை அசோசியேடட் பிரெஸ் மூலமாக தமிழில் கொணர்ந்தார். அப்படி வந்தவர்தான் பக் ரயான். ஆங்கில பெயரான பக் ரயான் என்பது அங்கே ஓக்கேதான். ஆனால் தமிழில் இந்த பெயர் உச்சரிக்க கடினமாக இருந்த காரணத்தினால் அப்போதைய ராணி காமிக்ஸ் எடிட்டர் திரு ராமஜெயம் அவர்கள் அந்த பெயரை துப்பறியும் சிங்கம் ராயன் என்று மாற்றினார். ராயன் தமிழில் வந்த முதல் கதை மயக்க ஊசி ஆகும்.

அழகிப்போட்டியில் ஜெயிக்கும் பெண்ணின் பரிசுப்பணத்தை அபகரிக்க நினைக்கும் கொடியவர்களின் கொட்டத்தை ராயன் அடக்குவது இந்த கதையின் சாராம்சம். தெளிவான சித்திரங்களும், அலட்டல் இல்லாத நடையும், நம்பும்படியாக இருக்கும் கதையோட்டமும் இந்த தொடரின் சிறப்பு அம்சங்கள்.

ராணி காமிக்ஸ் எகிப்திய மம்மி அட்டைப்படம்	முதல் ராயன் கதை - மயக்க ஊசி

இந்த கதையின் வரவேற்ப்பை பற்றி சரிவர கணிக்க முடியவில்லை. ஏனென்றால் அட்டைப்படத்தில் வந்த எகிப்திய மம்மி என்ற கதை மிகவும் வித்தியாசமான கதையோட்டத்தை கொண்டிருந்த காரணத்தினால் புத்தகத்தின் வெற்றி முதல் கதைக்கா அல்லது இரண்டாவதாக வந்த மயக்க ஊசி கதைக்கா என்பது புரியாத புதிராக இருந்தது.

இரண்டாவதாக வந்த ராயன் கதை துப்பறியும் பெண் என்ற கதையாகும். இந்த கதையானது முழுநீள கதையாக (அதாவது புத்தகம் முழுவதும் வரும் ஒரே கதையாக) வெளிவந்தது. ஆனால் இந்த கதையிளும்கூட அட்டையில் ரயான் தோன்றவில்லை. அவரது உதவியாளரே வருகிறார். ஒரு விஞ்ஞானி, அவரின் உதவியாளர், மர்மமான நிகழ்வுகள், முக்கியமான முடிச்சுகள், துடிப்பான ஓட்டம் என்று கதை சுவாரஸ்யமாக நகருகிறது.

அட்டையில் ராயன் பெயர் கொண்ட முதல் கதை துப்பறியும் பெண்	ராணி காமிக்ஸில் வந்த இரண்டாவது ராயன் கதை

மிகவும் கன்சர்வேடிவ் ஆக இருக்கும் தமிழ் காமிக்ஸ் உலகிற்கு இந்த அட்டைப்படம் ஒரு கிளு கிளு அனுபவத்தை அளித்தது. கிளிவேஜ் காட்டி வந்த முதல் அட்டைப்படம் இதுவாகவே இருக்கும். அதற்காகவே இந்த புத்தகம் அன்றைய விசிலடிச்சான் குஞ்சுகளால் மிகவும் ரசிக்கப்பட்டது (வழக்கமாக அனைத்து ஜேம்ஸ் பாண்ட் கதைகளும் இந்த அம்சதிற்காகவே ரசிக்கப்பட்டது என்று சொல்பவர்களும் உண்டு).

மூன்றாவதாக வந்த அட்டைப்படம் அதையும் தாண்டி ஒருபடி மேலே சென்று டூ பீஸ் லெவலில் கவர்ச்சி காட்டியது. கதையும் சற்று கிளுகிளுப்பாகவே நகரும். இந்த கதையில் ஒரு முக்கிய விஷயம் இருந்தது. அதாவது இது ஒரு குறிப்பிட்ட கதை வரிசையில் இரண்டாம் பாகம் ஆகும். ஆனால் முதலில் படிப்பவர்களுக்கு அந்த எண்ணமே தோன்றாமல் அதனை எடிட் செய்து திரு ராம ஜெயம் அவர்கள் அளித்த விதம் இன்றும் பலரை ஆச்சர்யப்பட வைக்கிறது.

ஜனாதிபதி கொலை அட்டைப்படம் - கவர்ச்சி கன்னிதான் அட்டையில்	திரு ராமஜெயம் அவர்களின் மேற்பார்வையில் கடைசி ராயன் கதை

கதையோட்டம் இப்படி செல்லும்: இங்கிலாந்தில் இருக்கும் ரயான் ஒரு கொலை முயற்சியை தடுக்கிறார். கொல்லப்ப இருந்தவர் ஒரு நாட்டின் ஜனாதிபதி. அவரை சொந்த நாட்டிற்க்கு திரும்ப விடாமல் ஒரு கொலைகார கூட்டம் முயல்கிறது. அதன் தலைவன் ஒரு ராணுவ கேப்டன் (அப்பாடா, கதை தலைப்பு செட் ஆகிவிட்டது). ரயான் அவர்களின் முயற்சிகளை முறியடித்து அவர்களின் கண்களில் மண்ணை தூவி விட்டு அவரை சொந்த நாட்டிற்க்கு கொண்டு செல்வதே கொலைகார கேப்டன் என்ற முதல் பாகத்தின் கதை.

இரண்டாவது பாகத்தில் அந்த தீவில் ஜனாதிபதியின் ஆசை நாயகி (முன்னாள் காபரே ஆட்டக்காரி) ஆட்சியை அபகரிக்க செய்யும் சூழ்சிகளும், அதனை ரயான் அடக்கும் சாகசங்களுமே கதை. பிணத்தை ஐஸில் வைத்து பாதுகாப்பது, கொலைக்கருவியை மறைப்பது என்று கதை சற்று வேறுபட்டு நடக்கிறது.

முதன் முதலாக அட்டையில் ராயன் - கொலைகார கேப்டன்	ராயனின் கடைசி கதை கொலைகார கேப்டன்

இதன் பின்னர் வேறெந்த ரயான் கதைகளும் ராணி காமிக்ஸில் வெளிவரவில்லை. ஜனாதிபதி கொலை கதை மற்றும் வண்ணத்தில் ரீபிரின்ட் செய்யப்பட்டது (மிகவும் மோசமான கதையமைப்புடன்). இதன் பின்னர் சுமார் பத்து வருடங்கள் ரயான் அவர்களின் கதை தமிழில் வரவில்லை. பின்னர் லயன் காமிக்ஸில் இந்த ஹீரோவே டிடெக்டிவ் ஜூலியன் என்ற பெயரில் வந்தபோது பழைய காமிக்ஸ் ரசிகர்கள் பலரும் மிகவும் சந்தோஷப்பட்டனர். ஒரு நல்ல கதை தொடர் மறுபடியும், வேறொரு காமிக்ஸ் இதழில் வேறொரு பெயரில் மிகவும் நல்ல தமிழாக்கத்துடன் வெளிவந்தால் யார்தான் சந்தோஷப்படமாட்டார்கள்?

டிடெக்டிவ் ஜூலியன் முதல் கதை லயன் காமிக்ஸில்	கார்ட்டூன் கொலைகள்-துப்பறியும்சிங்கம் ராயன் டிடெக்டிவ் ஜுலியனாக மாறினார்

இந்த கால கட்டத்தில் பல ராணி காமிக்ஸ் ஹீரோக்களும், ஹீரோயின்களும் லயன் மற்றும் முத்து காமிக்ஸில் வெளிவந்தனர் மற்றும் வெளிவர இருந்தனர். (இதனைப்பற்றிய பதிவு விரைவில்). கார்ட்டூன் கொலைகள் ஒரு தொழில் முறை விரோதம் காரணமாக நிகழும் தொடர் கொலைகளை பற்றிய சுவையான கதை. மிகவும் ரசிக்கத்தக்க திருப்பங்களும், தெளிவான கதையோட்டமும் கொண்ட இந்த கதை உங்களை மிகவும் ரசிக்க வைக்கும் என்பதில் இருவேறு கருத்திருக்க இயலாது.

லயன் காமிக்ஸில் வந்த இரண்டாவது டிடெக்டிவ் ஜூலியன் கதை பரலோகப்பரிசு. இந்த கதை என்னை மிகவும் ரசிக்க வைத்த ஒன்றாகும். மொக்கையான கேள்விகளை கேட்டு அதனை ஒரு போட்டியாக வைத்து அதற்க்கு லட்சக்கணக்கில் பரிசுகளை வழங்குகிறது. இதன் பின்னர் இருக்கும் மர்மம் பற்றி விளங்காத மர்மத்தை விளக்கும் கதையாகும் இது. இதனைப்பற்றி வேறுதுவும் இப்போதைக்கு சொல்வதற்கில்லை. ஏன் என்பதை அடுத்த பேராவில் சொல்கிறேன்.

ராயன் - டிடெக்டிவ் ஜூலியன் - லயன் காமிக்ஸில் இரண்டாவது கதை	பரலோகப்பரிசு - ஒரு சிறந்த துப்பறியும் கதை

மூன்றாவதாக வந்த கதை முத்து காமிக்ஸில் வந்தது. தலைப்பே மிகவும் வித்தியாசமானது. நொறுங்கிய நாணல் மர்மம் - சரிதானே? ஏன் இந்த கதைகளைப்பற்றி அதிகம் சொல்ல வில்லை என்றால் இந்த மூன்று புத்தகங்களும் தற்போது லயன் காமிக்ஸ் ஆபீசில் விற்பனைக்கு கிடைக்கின்றன. இந்த மூன்று புத்தகங்களையும் வாங்கி படித்து மகிழுங்கள். சுமார் அறுபது, எழுபது ஆண்டுகளுக்கு முன்னர் வெளிவந்த ஒரு கோல்டன் ஒல்டி கதையை வெறும் ஐந்து ரூபாய்க்கும், பத்து ரூபாய்க்கும் படிக்கும் வாய்ப்பு உங்களுக்கு அவ்வளவு எளிதில் வாய்க்காது.

முத்து காமிக்ஸில் முதல் முறையாக ஜூலியன் வருகை	நொறுங்கிய நாணல் மர்மம் - லேட்டஸ்ட் கதை - தூள் கதை

நீங்கள் செய்ய வேண்டியது என்னவெனில் உடனடியாக இந்த தொலைபேசி எண்ணிற்கு போன் செய்யுங்கள்.

Phone Number: +91-4562 272649 (IST: 10.00 AM – 05.00 PM)

Mail ID: Lioncomics@yahoo.com

எனக்கு பக் ரயானை பற்றிய சிந்தனைகள் வரும்போதெல்லாம் உடனடியாக தோன்றும் மற்றுமொரு சிந்தனை இந்த படத்தை பற்றியதாகும். மால்டீஸ் பால்கன் என்ற இந்த படமானது காமிக்ஸ் ரசிகர்களுக்கு பிடிக்க பல காரணங்கள் இருந்தாலும் தலையாய காரணம்: இந்த படத்தின் கதையை எழுதியவர் நம்ம காமிக்ஸ் ரசிகர்களுக்கு நன்கு பரிச்சயம் ஆன டஷீல் ஹாம்மெட் ஆகும். இந்த டஷீல் ஹம்மெட் தான் நம்ம பயங்கரவாதி டாக்டர் செவனின் பரம எதிரியாகிய சீக்ரெட் ஏஜன்ட் காரிகனை உருவாக்கியவர்.

லக்கி லுக் மற்றும் டெக்ஸ் வில்லர் கதைகளில் வரும் பிங்கர்டன் துப்பறியும் ஏஜென்சியில் சிறு வயதிலேயே (21) வேலைக்கு சேர்ந்து ஏழு வருடங்கள் பணி புரிந்தார் டஷீல் ஹாம்மெட். அந்த அனுபவத்தின் காரணமாகவே அவர் பல துப்பறியும் கதைகளை எழுதினர். அந்த நாவல்கள் பலவும் பின்னர் சினிமாவாகவும் உருப்பெற்றன. அவற்றில் மிகவும் போற்றப்படும் ஒன்றே மால்டீஸ் பால்கன் ஆகும்.

ஒரு பால்கன் சிலையில் பல கொடிகள் பெறுமானமுள்ள வைர வைடூரியங்கள் மறைத்து வைக்கப்பட்டுள்ளன. பல நூற்றாண்டுகளாக அதனை ஒரு கும்பல் தேடி வருகிறது. பின்னர் பல ஆண்டுகள் அந்த பறவை சிலை காணாமல் போய் விடுகிறது. திடீரென்று அது திரும்பவும் வரும்போது அதனால் ஏற்படும் உயிர்ச்சேதங்களும், அதனை டிடெக்டிவ் சாம் ஸ்பேட் துப்பு துலக்கும் விதமும் அலாதியான ஒரு படம் பார்க்கும் அனுபவத்தை அளிக்கும். மறவாமல் பாருங்கள்.

நண்பர்களே, இது வரை பொறுமையாக படித்தமைக்கு நன்றி. இதனைப் போலவே இன்னமும் பல கட்டுரைகளை வழங்கலாமா? அல்லது சிறப்பு நாட்களை பற்றிய பதிவுகளையாவது இடலாமா?

நன்றியுடன்,
ஒலக காமிக்ஸ் ரசிகன்.

முத்து விசிறியும், இயக்குனர் பிரபு சாலமனும் மற்றும் ஆனந்த விகடனும் - ஒரு சிறப்பு முன்னோட்டம்

2010-11-18T18:05:00.000+05:30

பேரன்பிற்கும் பெருமதிப்புக்கும் உரிய அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கங்களையும் தெரிவித்து கொள்ளுகிறேன்.

வழக்கமாக தமிழ் காமிக்ஸ் உலகில் முன்னோட்டங்கள் என்றால் அது புத்தகம் குறித்தோ அல்லது வெளியீடு குறித்தோ இருக்கும். பலரும் வர இருக்கும் புத்தகங்களின் அட்டைகளை பற்றி பதிவிட்டு இருக்கிறார்கள். கிங் விஸ்வாவோ ஒரு படி மேலே போய் அடுத்து வர இருக்கும் புத்தகத்தின் ஹாட் லைனின் ஒரு பகுதியை பற்றி முன்னோட்டப்பதிவு இட்டு இருக்கிறார். ஆனால் இங்கு நாம் இடப்போகும் முன்னோட்டப்பதிவு சற்றே வித்தியாசமானது.

ஆம், காமிக்ஸ் நியூஸ் என்ற பெயரில் வழமையாக கிங் விஷ்வாவும், பயங்கரவாதி டாக்டர் செவனும் காமிக்ஸ் குறித்த செய்திகளை வெளியிடுவார்கள். அந்த வகையில் வரப்போகும் காமிக்ஸ் நியூஸ் குறித்த முன்னோட்ட பதிவு இது: ஆமாம், நாளை வர இருக்கும் ஆனந்த விகடன் இதழில் காமிக்ஸ் குறித்த ஒன்றல்ல, இரண்டு செய்திகள் வர இருக்கின்றன.

தகவல் ஒன்று: முத்து விசிறியின் காமிக்ஸ் வலைத்தளம் - விகடன் வரவேற்பறையில் வழமையாக விகடன் வரவேற்பறை பகுதியில் ஒரு வலைத்தளம், ஒரு புத்தகம், ஒரு குறுந்தகடு என்று பல நல்ல விஷயங்களை மக்களுக்கு அறிமுகம் செய்வார்கள். அந்த வகையில் விகடன் வரவேற்பறையில் இந்த வாரம் நம்முடைய தமிழ் காமிக்ஸ் உலகின் இணையதள மாமன்னர், ஈடிணையற்ற பேரரசர் திரு முத்துவிசிறி அவர்களின் தளம் குறித்து அறிமுகம் உள்ளது. இதோ அந்த அறிமுகம்:

கம்பியூட்டர் கிராபிக்ஸ் மற்றும் அனிமேஷனும் வந்த பிறகு காணாமல் போன பால்ய காலத்து சந்தோஷங்களில் ஒன்று காமிக்ஸ். இங்கு தமிழ் காமிக்ஸ் புத்தகங்கள் ஸ்கான் செய்யப்பட்டு வலையேற்றப்பட்டு இருக்கின்றன. ஆங்கில காமிக்ஸ்களின் கதை சுருக்கமும் தரப்பட்டு இருக்கின்றது. காமிக்ஸ் புத்தகங்களின் சந்தை குறித்து எழுதப்பட்டுள்ள கட்டுரை சுவாரஸ்யம். நினைவுகளில் புதைந்து போன ஸ்பைடர் (மேன்?!?), இரும்புக்கை மாயாவி இங்கு உலவிக்கொண்டு இருப்பது ஆச்சர்யம்.

என்ன, அவ்வளவு தூரம் சொல்லி இருந்தும் மக்களால் ஸ்பைடர் என்பது வேறு, ஸ்பைடர்மேன் என்பது வேறு என்பதை இன்னமும் தெரிந்துகொள்ளவில்லை. இருக்கட்டும்.

இவ்வளவு சிறப்பு வாய்ந்த முத்து விசிறி அவர்களின் வலைதளத்தை படிக்க இங்கே கிளிக் செய்யுங்கள்: முத்து விசிறியின் முத்தான வலை தளம்.

தகவல் இரண்டு: விகடனின் மற்றுமொரு வித்தியாசமான பகுதி 16 பிளஸ். இந்த பகுதியில் பல சுய முன்னேற்ற கட்டுரைகள் உள்ளன. அவற்றில் ஒன்று நான் (சோ எண்டு சோ ) ஆனது எப்படி என்று ஒரு பிரபலம் தான் எப்படி பிரபலம் ஆனார் என்று கூறுவார். அப்படி இந்த வாரம் மைனா பட இயக்குனர் பிரபு சாலமன் தன்னுடைய வாழ்க்கையை பற்றி கூறுகையில் கீழ்க்காணும் வரிகள் வருகின்றன.

நான் பிரபு சாலமன் ஆனது எப்படி: "சின்ன வயசு நினைவுகளில் முத்து காமிக்ஸ் மட்டுமே பளிச்சுன்னு ஞாபகத்தில் இருக்கு. இரும்புக்கை மாயாவியின் சாகசங்கள் என்னை வேறு உலகத்தில் உலாவ செய்யும்" என்று ஆரம்பிக்கும் அந்த கட்டுரை அவரின் பால்ய காலத்து நினைவுகளில் ஆரம்பித்து அவரது சமீபத்து படமாகிய மைனா வரை வந்து முடிகிறது.

இப்படியாக இந்த மாதிரி காமிக்ஸ் விஷயங்களை அடிப்படையாக கொண்டு இரண்டு செய்திகளை தாங்கியவாறு ஆனந்த விகடன் நாளை கடைகளில் விற்பனைக்கு வருகிறது. படிக்க தவறாதீர்கள்.

நன்றியுடன்,
ஒலக காமிக்ஸ் ரசிகன்.

எந்திரனும் இரும்புக்கை மாயாவியும் அல்லது எந்திரன் (ஐ.எஸ்.ஓ. 9001 தரச்சான்று பெற்ற ஒரே காமிக்ஸ் விமர்சனம்)

2010-10-01T17:35:00.001+05:30

நம்முடைய சென்ற சினிமா சம்பந்தப்பட்ட பதிவுகளாகிய (தமிழ் காமிக்ஸ் உலகில் சிங்கம்) மற்றும் (தமிழ் காமிக்ஸ் உலகில் சுறா) மக்களிடம் சிறந்த வரவேற்பை பெற்றது நினைவிருக்கும். அதனால் இனிமேல் அதனைப்போலவே சில பல பதிவுகளை இடலாம் என்று பலரும் கூறி இருந்தனர். குறிப்பாக கோவையிலிருந்து மருத்துவர் திரு கந்தசுவாமி அவர்கள் கொடுத்த வரவேற்பே இந்த பதிவின் மூலக்காரணம். அவருக்கு எங்கள் நன்றிகள்.

இன்று இந்தியாவின் சூப்பர் ஸ்டார் என்று அழைக்கப்படும் ரஜினிகாந்த் அவர்கள் நடித்த "எந்திரன்" என்ற படம் ரிலீஸ் ஆகி உள்ளது. எனவே நமது காமிக்ஸ் உலகில் இதுவரை வந்துள்ள ரோபோ மற்றும் இயந்திர மனிதர்களை பற்றிய தொடர் பதிவை நம்முடைய பயங்கரவாதி டாக்டர் செவன் அவர்கள் ஏற்கனவே ஆரம்பித்து விட்டார் (கம்ப்யூட்டர் மனிதன்).

நானும் நம்முடைய பங்கிற்கு இந்த படத்தை இன்று காலை முதல் நாள் முதல் காட்சியாக கண்டு ரசித்தேன் (உபயம்: நண்பர் கிங் விஸ்வா). படத்தை பார்பதோடில்லாமல் இலவசமாக ஜூஸ், பாப் கார்ன், சிக்கன் பப் மற்றும் சிப்ஸ் உடன் (அனைத்துமே இலவசம் என்பது வேறு விஷயம்) படத்தை ரசித்தேன். அந்த படத்தை பார்க்கும்போது எனக்குள்ளே சில காமிக்ஸ் சிந்தனைகள் ஊற்றெடுத்து சிறகடித்து பறந்தன. ஆம், அந்த சிந்தனைகளை அலசவே இந்த பதிவு. படத்தின் விமர்சனம் பற்றி தெரிந்து கொள்ள இங்கே செல்லுங்கள். ஆனால், காமிக்ஸ் பற்றியும் அதில் உள்ள ஒற்றுமைகளை பற்றியும் தெரிந்து கொள்ள தொடர்ந்து படியுங்கள்.

அது சரி, காமிக்ஸ் சம்பந்தம் உண்டு என்று சொல்கிறீர்களே, எந்த காமிக்ஸ் கதையுடன் என்று கேட்டால்? இதோ பதில்: இரும்புக் கை மாயாவி. ஆம், தமிழ் காமிக்ஸ் உலகின் மறக்கமுடியாத கதாபாத்திரமாக விளங்கும் இரும்புக்கை மாயாவி கதாபாதிரதிர்க்கும் இந்த எந்திரன் பாதிரதிர்க்கும் பல ஒற்றுமைகள் உண்டு. இனி அவற்றை விரிவாக அலசுவோம்:

முதல் ஒற்றுமை:

வழக்கமாக இரும்புக்கை மாயாவியின் உடலில் மின்சாரமோ அல்லது மின்னலோ பாய்ந்தால் அவரது உடலில் ஒரு மாற்றம் நிகழ்ந்து அவரின் உடல் கண்ணுக்கு புலப்படாமல் மறைந்துவிடும். அவரது இரும்புக்கை மட்டுமே கண்ணுக்கு தெரியும். அதைப்போலவே இந்த எந்திரன் படத்திலும் விஞ்ஞானி ரஜினி தன்னுடைய ரோபோவாகிய சிட்டிக்கு உணர்சிகளை கொண்டுவர முயற்சி செய்கிறார். அப்போது எதுவுமே பயன்படாதபோது, ஒரு மின்னல் தாக்கி அந்த ரோபோவிடம் சில பல மாற்றங்கள் நடந்து அந்த ரோபோவிற்கு உணர்சிகள் வந்துவிடுகிறது. அதற்க்கு பிறகு தான் கதையே அட்டகாசமாக துவங்குகிறது. ஆகையால், இந்த முதல் ஒற்றுமை ஓக்கேவா?

இரண்டாம் ஒற்றுமை:

இரும்புக்கை மாயாவியின் சிறப்பு ஆயுதங்களில் ஒன்று அவரது விரல் துப்பாக்கி. அதைப்போலவே இந்த படத்திலும் நம்முடைய ரோபோ சிட்டி தானே சுயமாக சிந்திக்கும் இரண்டாம் பகுதியில் தன்னுடைய விரலில் ஒரு விரல் துப்பாக்கியை பொருத்திக்கொள்கிறது.

மூன்றாவது ஒற்றுமை:

வழக்கமாக இரும்புக்கை மாயாவிக்கு எப்போது சங்கடம் வருமென்றால் அவரது உடலில் மின்சாரம் குறைந்து அவரது மாயத்தன்மை குறைந்து அவரது உடல் கண்ணுக்கு தெரிய ஆரம்பித்து விடும். அப்போது அவர் உடனடியாக வேறொரு மின்சார சக்தியை தேடுவார். அப்படி மின்சாரமே இல்லை என்றால் கார் எள்ளது வேறு ஏதாவது எஞ்சின் பேட்டரியில் இருந்து அந்த பவரை உபயோகித்து மாயமாக மறைவார்.

அதைப்போலவே இந்த படத்திலும் ரஜினி உருவாகிய ரோபோவாகிய சிட்டியை அழிக்க ரஜினி திட்டம் தீட்டுவார். அதன் முதல் கட்டமே நகரின் அனைத்து மின்சார இணைப்பையும் துண்டித்து, ஜெனரேடரை செயலிழக்க வைத்து அதன் பின்னர் சிட்டி உருவாகிய அனைத்து ரோபோக்களும் பேட்டரி இல்லாமல் முடக்கப்படும்போது வெற்றி பெறலாம் என்பதே. அதன்படி ரஜினி எல்லாவற்றையும் செய்துவிடுவார். ஆனால் ரஜினி உருவாக்கிய அந்த ரோபோ (சிட்டி) உடனடியாக ஒரு காரை நிறுத்தி அந்த காரின் பேட்டரியில் இருந்து தனக்கு தேவையான சக்தியை பெற்று ரீ சார்ஜ் செய்துக்கொள்ளுகிறார்.

இப்படியாக தமிழ் காமிக்ஸ் உலகின் இணையற்ற ஹீரோவாக திகழும் இரும்புக்கை மாயாவியுடன் பல ஒற்றுமைகளை எந்திரன் படம் கொண்டுள்ளது. அந்த படத்தை கண்டு ரசியுங்கள்.

எந்திரன் விமர்சனம்:

படம் உண்மையிலேயே அட்டகாசம். காமிக்ஸ் பிரியர்கள் ரசித்து பார்க்கலாம். படத்தின் முதல் பாகம் நேரம் போவதே தெரியாமல் போகிறது. ஆனால் இரண்டாம் பகுதியில் சில காட்சிகளையும் ஒரு பாடலையும் தயவு தாட்சண்யம் இல்லாமல் கத்திரி போடலாம். போட்டிருந்தால் நன்றாக இருந்திருக்கும். கடைசி முப்பது நிமிடங்கள் சூப்பர்.

கதை:

வசீகரன் (ரஜினி) ஒரு ரோபோடிக்ஸ் விஞ்ஞானி. அவரது ஆராய்ச்சியின் குறிக்கோளே தனியே இயங்கும் ஆற்றல் கொண்ட ஒரு ரோபோவை தயாரிப்பதுதான். அதனால் அவர் மருத்துவம் படிக்கும் சனாவை கூட (ஐஸ்வர்யா ராய் பச்சன்) கண்டுகொள்ளாமல் தன்னுடைய உதவாக்கரை (நம்பிக்கை துரோகம் செய்யும்) உதவியாளர்களுடன் (சந்தானம் மற்றும் கருணாஸ்) ஆராய்ச்சியில் மூழ்கி இருக்கிறார். அப்படி அவர் தயாரிக்கும் ஒரு ரோபோவை அவரது குருவாகிய டேனி (அந்நியன் தொலைகாட்சி தொடரில் வந்தவர்) இந்த ரோபோவிற்கு உணர்சிகள் இல்லை என்று கூறி நிராகரித்து விடுகிறார். அதனால் அந்த ரோபோவிற்கு உணர்சிகளை உருவாக்குகிறார் ரஜினி.

அந்த ரோபோ சனாவை காதலிக்க துவங்குகிறது. ரஜினி அதனை அழித்து விடுவதாக மிரட்டுகிறார். அதனால் அந்த ரோபோ ராணுவ அதிகாரிகளிடம் வைரமுத்துவின் கவிதையை சொல்லி ரஜினியை அவமானப்படுத்தி விடுகிறது. கடுப்பாகிவிடும் ரஜினி அந்த ரோபோவை அக்கு வேறு ஆணி வேறாக பிரித்து குப்பி தொட்டியில் போட்டு விடுகிறார். அதனை டேனி மறுபடியும் ஒன்றுசேர்த்து அதற்க்கு அழிக்கும் சிந்தனையை ஒரு ரெட் சிப்பில் வைத்து விடுகிறார். அந்த ரோபோவும் கல்யாண மண்டபத்தில் நுழைந்த சனாவை தூக்கிகொண்டு சென்று விடுகிறது. அதற்க்கு பிறகு ரஜினி அந்த ரோபோவிடம் இருந்து எப்படி தன்னுடைய காதலியையும், நாட்டையும் காப்பாற்றுகிறார் என்பதுதான் கதை.

ஒரே ஒரு குறை: ரஜினி என்ற மாய பிம்பத்தை துரத்தி, துரத்தியே ஒரு சூப்பர் ஸ்டாரை மட்டுமே காணத்துடிக்கும் பலகோடி ரசிகர்கள், இந்த படத்தை பார்த்தவுடன் தமிழகம் எவ்வளவு பெரிய வில்லன் நடிகரை (அல்லது நடிகரை) இழந்துள்ளது என்பதை அந்த வில்லன் ரோபோ ரஜினி செய்யும் அசத்தலான, அதே சமயம் அலட்டல் இல்லாத நடிப்பின் மூலம் உணருவார்கள். படத்தின் ஒரே நட்சத்திரம் அந்த ரோபோ ரஜினிதான்.

நண்பர்களே, இது வரை பொறுமையாக படித்தமைக்கு நன்றி. இதனைப் போலவே இன்னமும் பல ஆராய்ச்சி கட்டுரைகளை வழங்கலாமா? அல்லது சிறப்பு நாட்களை பற்றிய பதிவுகளையாவது இடலாமா?

நன்றியுடன்,
ஒலக காமிக்ஸ் ரசிகன்.

கண்ணி தீவு பார்ட் த்ரீ

2010-06-09T23:47:00.001+05:30

Alternative Title = கண்ணி தீவு பார்ட் த்ரீ அல்லது மருத்துவரின் பிறந்த நாளும் - காத்திருந்த கதையும்

இன்று உயர்திரு மருத்துவர் ஐயா அவர்களின் பிறந்த நாள் ஆகும். இன்று (அட்லீஸ்ட் இன்றாவது) தமிழ் காமிக்ஸ் உலகின் கிங் விஸ்வா அவர்கள் ஒரு பதிவை இடுவார் என்று எண்ணி காலையில் இருந்து காத்திருந்து கடுப்பாகி விட்டதால் வேறு வழி இல்லாமல் இந்த பதிவு.

உண்மையில் நான் இட எண்ணி இருந்த பதிவானது மாடச்ச்தி கதையின் இரண்டாவது மற்றும் இறுதி பாகமாகும்.அந்த அதியற்புத கதையின் ஆரம்ப பகுதியை படிக்க கீழ்க்காணும் அட்டைப்படத்தினை அமுக்கவும், ஐ மீன், கிளிக் செய்யவும்.

படித்து முடித்தாயிற்றா? ஒக்கே, அடுத்து நடக்கப் போவது என்ன?

மாடச்தியின் நிலை என்ன ஆயிற்று?

மர்ம உளவாளி உண்மையில் யார்?

மாடஸ்தி உடைகளை கழட்டும் "அந்த" சீன எப்போது வரும்?

மொரோக்கோ இளவரசி என்ன ஆனார்?

என்று பல கேள்விகளுக்கு பதில் தெரிய பல கோடி ரசிகர்கள் ஆவலோடு காத்திருக்கையில் இன்று அந்த இரண்டாம் பகுதியை வெளியிட தயாராக இருக்கையில் நண்பர் இவ்வாறாக சதி செய்து விட்டார். வேறுவழி இல்லாமல் நான் இந்த ஸ்மால் பதிவை இடுகிறேன். நண்பர்கள் மன்னித்தருள்க.

சரி, இந்த கதைக்கும் இந்த பதிவிற்கும் இன்னும் என்ன சம்பந்தம் என்று புரியாத புதிய வாசகர்களுக்கு மட்டும் இந்த பத்தி: மற்றவர்கள் ஸ்கிப் செய்து விட்டு அடுத்த பத்திக்கு செல்லலாம்.

பல வருடங்களாக பதிவிடாமல், விரைவில், விரைவில் என்றே சொல்லி காலம் தள்ளி வரும் நம்ம கிங் விஸ்வா கூட அந்த காட்டில்தான் இருக்கிறாராம். அடுத்த பதிவிட காத்திருக்கிறாராம். என்ன கொடுமை சார் இது?

ஒக்கே, இந்த நல்ல நாளில் நம்ம பயங்கரவாதி டாக்டர் செவனுக்கு இனிய பிறந்த நாள் நல்வாழ்த்துக்களை சொல்லி விடை பெறுவோம்.

Happy Birth Day, Doctor 7.

நன்றியுடன்,
ஒலக காமிக்ஸ் ரசிகன்.

தமிழ் காமிக்ஸ் உலகில் சிங்கம்

2010-05-28T23:25:00.000+05:30

பேரன்பிற்கும் பெருமதிப்புக்கும் உரிய அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கங்களையும் தெரிவித்து கொள்ளுகிறேன். நம்முடைய சென்ற சினிமா சம்பந்தப்பட்ட பதிவானது (தமிழ் காமிக்ஸ் உலகில் சுறா) மக்களிடம் சிறந்த வரவேற்பை பெற்றது நினைவிருக்கும். அதனால் இனிமேல் அதனைப்போலவே சில பல பதிவுகளை இடலாம் என்று பலரும் கூறி இருந்தனர். குறிப்பாக கோவையிலிருந்து மருத்துவர் திரு கந்தசுவாமி அவர்கள் கொடுத்த வரவேற்பே இந்த பதிவின் மூலக்காரணம். அவருக்கு எங்கள் நன்றிகள்.

இன்று நடிகை ஜோதிகாவின் புருஷனாகிய சூர்யா நடித்த "சிங்கம்" என்ற படம் ரிலீஸ் ஆகி உள்ளது. எனவே நமது காமிக்ஸ் உலகில் இதுவரை சிங்கத்தை மைய்யமாக கொண்டு வந்த காமிக்ஸ்களை பற்றி அலசவே இந்த பதிவு. நான் முதலில் படித்த சிங்கம் பெயருள்ள காமிக்ஸ் கதை "சிங்கத்தின் குகையில்" ஆகும். முத்து காமிக்ஸ் மறுபடியும் ஆசிரியர் விஜயன் அவர்களின் கைவண்ணத்தில் புத்துயிர் பெற்று வந்த நேரத்தில் வந்த ஒரு அற்புதமான கதை. இதில் வரும் ஒரு வில்லர் (வில்லனுக்கு கொஞ்சம் மரியாதை தான்) மிகவும் நுணுக்கமான ஒரு மனிதர். இந்த கதைக்கே ஆணிவேர் அவர்தான். ஆங்கிலத்தில் ஸ்பை-13 என்ற பெயரில் வந்த இந்த கதை தொடர் மிகவும் பிரபலம் பெற்றது.

முத்து காமிக்ஸ் இதழ் எண் 178 ஏஜென்ட் சைமன் (Spy – 13) தோன்றும் சிங்கத்தின் குகையில்

அடுத்தபடியாக நான் படித்த சிங்க வரிசை கதை கூட முத்து காமிக்ஸில் வந்த ஒன்றுதான். ஆம், விங் கமாண்டர் ஜார்ஜ் தோன்றும் சிங்கத்திற்கொரு சவால் என்ற கதைதான் அது. இது ஒரு போட்டியான கதை ஆகும். வழமையான ஜார்ஜ் கதை போல இல்லாமல் சற்று வேகமாக இருந்த கதை இது. இந்த விங் கமாண்டர் ஜார்ஜ் கதைகளைத்தான் ராணி காமிக்ஸில் ஜானி என்ற பெயரில் வெளியிட்டார்கள்.

முத்து காமிக்ஸ் இதழ் எண் 217 சிங்கத்திற்கொரு சவால் விங் கமாண்டர் ஜார்ஜ் சாகசம் Johnny Hazard

அடுத்து நான் படித்த சிங்க தலைப்பு இருந்த கதை திகில் லைப்ரரி இதழில் வந்த இரண்டாம் புத்தகம் ஆகும். ஆம், ஷெர்லக் ஹோல்ம்ஸ் துப்பறிந்த "சிங்கத்தின் பிடரி" என்ற கதைதான் அது. இந்த கதை இப்போதும் திரு ஐய்யம்பாளயத்தாரால் மிகவும் ரசிக்கப்படுகிறது என்றால் அதன் சிறப்பான கதையோட்டமே காரணம் ஆகும்.

திகில் லைப்ரரி முதல் இதழ் விளம்பரம் “பிடறி”	சிங்கத்தின் பிடரி (றி இல்லை றி தான்) முதல் பக்கம்

அடுத்து நான் படித்த சிங்க கதை ராணி காமிக்ஸில் வந்த சிங்க சிறுவன் ஆகும். சூப்பர் கதை, வேறொன்றுமில்லை மேற்கொண்டு சொல்ல.

ராணிகாமிக்ஸ் இதழ்343 அடுத்த வெளியிடு விளம்பரம்	ராணி காமிக்ஸ் இதழ் 344 சிங்கசிறுவன் முதல் பக்கம்

அது சரி, இப்போது வந்துள்ள சிங்கம் படம் பற்றி ஒன்றுமே சொல்லவில்லை என்கிறீர்களா? சரிதான். இந்த சன் பிக்சர்ஸ் படம் என்றாலே எப்படி இருக்கும் என்பது மக்களுக்கு தெரியும். இந்த சிங்கம் படம் பார்ப்பதைவிட மர்மவீரன் மாவீரன் சிங்கன் தோன்றிய கடல் கொள்ளைக்காரி கதையையே படித்து விடலாம்.

சிம்ரன் மற்றும் விஜய் தோன்றிய பிரியமானவளே படத்தின் போட்டோ ஸ்டில்லை மாடலாக கொண்டு வரைந்த அட்டைப்படம்

நன்றியுடன்,
ஒலக காமிக்ஸ் ரசிகன்.

தமிழ் காமிக்ஸ் உலகில் - கார்

2010-05-24T23:40:00.000+05:30

பேரன்பிற்கும் பெருமதிப்புக்கும் உரிய அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கங்களையும் தெரிவித்து கொள்ளுகிறேன். நம்முடைய சென்ற பதிவானது (தமிழ் காமிக்ஸ் உலகில் சுறா) மக்களிடம் சிறந்த வரவேற்பை பெற்றுள்ளது. குறிப்பாக வெற்றிப்பட இயக்குனரும், வெற்றிப்பட நடிகர், இளைய தளபதி, மருதுதுவர் விஜய் அவர்களின் தந்தையுமான வருங்கால தமிழக கவர்னர் திரு எஸ். ஏ.சந்திரசேகரா அவர்களிடம் இருந்து தனிப்பட்ட பாராட்டி வந்தது. அவருக்கு நன்றிகள் பல. வெகு விரைவில் காவல்காரன் வேறு வரவிருப்பதால், "வேட்டை - ஆரம்பமாயிடுச்சு டோய்" என்று நம்முடைய கட்டம் போட்ட கர்சிப்பை இடது தொடையில் கட்டிக்கொண்டு களமிறங்கும் நாள் வெகுதொலைவில் இல்லை என்பதை இங்கு தெரிவிக்க கடமைப்பட்டிருக்கிறோம்.

சமீபத்தில், நான் ஒரு விபத்தை சந்தித்தது (தமிழ் காமிக்ஸில் விபத்துகள்) பற்றி அனைவரும் அறிந்ததே. அந்த விபத்தில் என்னுடைய வாகனம் பழுதடைந்தது மக்களுக்கு தெரியும். ஆகையால், சமீபத்தில் ஒரு சீருந்து ஒன்று வாங்கினேன். அதனை பற்றிய விவரங்கள் பதிவின் முடிவில். இந்த தருணத்தில் தமிழ் காமிக்ஸ் உலகில் கார்கள் பற்றிய சிறப்பு பதிவொன்றை இட்டால் என்ன என்று தோன்றியது. அதனால் களமிறங்கி விட்டோம்.

காமிக்ஸ் உலகில் கார் என்றாலே மக்களுக்கு நினைவுக்கு வருவது மினி லயன் காமிக்ஸில் வந்த கொள்ளைக்கார கார் கதைதான். சிறப்பான நடையும், துள்ளலான கதையோட்டமும், தெளிவான தமிழாக்கமும் இதன் வெற்றிக்கு காரணங்கள். இந்த கதையை பற்றி முழுவதும் தெரிந்து கொள்ள கிங் விஸ்வாவின் இந்த பதிவை படியுங்கள்.

மினி லயன் காமிக்ஸ் - கொள்ளைக்கார கார் - ஒரு சூப்பர் டூப்பர் கதை - இங்கே சென்று படியுங்கள்

அடுத்தபடியாக நான் சொள்ளவிருப்பது குங்க்பூ மன்னன் புரூஸ்லீ தோன்றிய கார் பந்தையம் ஆகும். இந்த கதைதான் நான் படித்த முதல் புரூஸ்லீ கதை. அந்த தருணங்களில் புரூஸ்லீ ஒரு கல்ட் ஹீரோவாக அவதாரம் எடுத்திருந்தார். ஆகையால் மிகவும் ஆர்வமுடன் இதனை படித்தேன். இது உண்மையில் திரைப்படமாக வந்த பிக் பாஸ் படத்தின் ஒரு அங்கமாகும். படிக்க தவறாதீர்கள்.

ராணி காமிக்ஸ் - அடுத்த இதழ் -கார் பந்தயம்	குங்க்பூ மன்னன் புரூஸ்லீ தோன்றும் கார் பந்தயம்

எகிப்திய மம்மி என்று ஒரு கதை ராணி காமிக்ஸில் வந்தது. யாருக்காவது நினைவிருக்கிறதா? அந்த கதை ஹீரோ பெயர் தியோ. அவரை பற்றி எனக்கு எதுவும் தெரியாது. ஆனால் அவர் ஒரு வித்தியாசமான ஹீரோ என்று பெயரெடுத்தவர். அவரின் கதைகள் இரண்டே இரண்டு தான் வந்துள்ளன. அவற்றில் இது இரண்டாவது கதை. காலப்பயணம் செய்யும் திறனுள்ள ஒரு வாகனம் அவரது சிறப்பு அம்சமாகும்.

ராணி காமிக்ஸ் - துப்பறியும் வீரர் தியோ தோன்றும் சூப்பர் கார்

சிறப்பு வாய்ந்த ஓவியர் ரோமேரோவின் படைப்பாகிய ஆக்ஸா தமிழில் வந்துள்ளது எனக்கு மிகவும் ஆச்சர்யத்தை தருகிறது. பல வகையில் சென்சார் செய்யப்படவேண்டிய சித்திரங்களை கொண்டது இந்த தொடர். இதனையும் தமிழில் கொண்டு வந்தது ஆசிரியர் ராமஜெயம் அவர்களின் சிறப்பான திறமையை காட்டுகிறது.

பெண் டார்ஜான் ரீனா தோன்றும் கார் வேட்டை - குத்துன்னா குத்து - கும்மாங் குத்து

கடைசியாக, இதோ இதுதான் என்னுடைய பெற்றோர்கள் சமீபத்தில் வாங்கிய காரின் புகைப்படம் (பின்னே என்னங்க, நான் கார் வாங்கினேன் என்று சொன்னால், உடனே எப்போ டிரீட் என்று கேட்கிறார்கள் - அதான் - என்னுடைய பெற்றோரின் வாகனம் என்று கூறிவிட்டேன்).

நன்றியுடன்,
ஒலக காமிக்ஸ் ரசிகன்.

தமிழ் காமிக்ஸ் உலகில் சுறா

2010-05-03T23:26:00.000+05:30

பேரன்பிற்கும் பெருமதிப்புக்கும் உரிய அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கங்களையும் தெரிவித்து கொள்ளுகிறேன். நேற்றைய "தல" பதிவானது தமிழ் காமிக்ஸ் உலகில் பல அதிரடி மாற்றங்களை கொணர்ந்துள்ளது.

அதாகப்பட்டது, பல (உண்மையிலேயே) இளைய தளபதி டாக்டர் விஜய் ரசிகர்கள் நமக்கு மின்னஞ்சல் அனுப்பி நீங்கள் "தல" ரசிகரா? அதனால் தான் சுறா ரிலீஸ் ஆகும் தருணத்தில் "தல" பற்றிய பதிவினை இட்டு (இன்னமும் இருக்கும்) இளைய தளபதி டாக்டர் விஜய் ரசிகர்களை மனம் நோகச் செய்கிறீர்கள் - என்று வினவினார்கள். இந்த அரசியலில் கலக்க விரும்பாத ஒரு காரணத்தினால், இந்த பதிவானது இடப்பட்டுள்ளது. எனவே நமது காமிக்ஸ் உலகில் இதுவரை "சுறா"வை மைய்யமாக கொண்டு வந்த காமிக்ஸ்களை பற்றி அலசவே இந்த பதிவு.

என்னிடம் இருக்கும் புத்தகங்களிலேயே இதுதான் முதல் சுறா படக்கதை. அதனால் இந்த அட்டைப்படத்தினை முதலில் அளித்துள்ளேன். இந்த புத்தகம் ஒரு கிடைத்தற்கரிய புத்தகம். இந்த புத்தகத்தினை கனவுகளின் காதலர் (கவனித்தீர்களா மரியாதையை - ர்) போன்ற ரசிகர்கள் முதலில் கடையில் வாங்கி படித்திருக்கவும் வாய்ப்புண்டு. ஹாஜா, காதலர், முத்து விசிறி போன்ற நண்பர்கள் அந்த அனுபவங்களை பகிர்ந்துக்கொண்டால் சுகம்.

இந்த புத்தகத்தினை நான் முதலில் பார்த்தபோது லாரன்ஸ் டேவிட் ஜோடி சாகாசம் போலிருக்கிறது என்றெண்ணி விட்டேன். அட்டையில் இருக்கும் லோதரை பார்க்கையில் டேவிட் போலவே இருந்தது (கிறது?).

முத்து காமிக்ஸ் - மந்திரவாதி மாண்டிரெக் கதை - குறும்புக்கார சுறாமீன் – Issue No 77 – 15th June 1978

என்னிடம் மிகவும் மோசமான நிலையில் இருக்கும் மற்றுமொரு புத்தகம் இது. இதுவும் கிடைத்தற்கரிய ஒன்றே ஆகும். இதனை எல்லாம் ரீபிரின்ட் செய்ய சொன்னால் நன்றாக இருக்கும். ஆனால் கடந்த முத்து காமிக்ஸ் (மாண்டிரெக் சாகசம்) விற்பனை நிலையை சற்றேன்ணினால் வேண்டாம் இந்த விபரீத விளையாட்டு என்றே தோன்றுகிறது.

முத்து காமிக்ஸ் - மந்திரவாதி மாண்டிரெக் சாகசம் - விண்ணில் நீந்தும் சுறா – Issue 81 – 15th Oct 1978

நான் படித்த முதல் ஒரு ருபாய் முத்து காமிக்ஸ் இதுதான். இந்த கதையில் ஜார்ஜ் உடன் வரும் ஒரு பெண் பாத்திரம் என் மனதை கவர்ந்த ஒரு பாத்திரம் ஆகும். இந்த கதை இதுவரை ராணி காமிக்ஸில் வரவில்லை என்பது கூடுதல் தகவல்.

முத்து காமிக்ஸ் - ஜார்ஜ் சாகசம் - ராணி காமிக்ஸ் ஜானி - சுறாமீன் வேட்டை – Issue 128 – 01st Sept 1981

நான் வாங்கிய முதல் ராணி காமிக்ஸ் இதுவே. வேவு வீரர் ஜேம்ஸ் பான்ட் என்னை மிகவும் கவர்ந்த ஒரு ஹீரோ. அதுவும் அந்த முரட்டு கத்யாவை கவர அவர் படும்பாடு இருக்கிறதே, அப்பப்பா சொல்லி மாளாது. பல கிளுகிளுப்பான காட்சிகள் நிறைந்த கதை என்பதை சொல்லவும் வேண்டுமோ?

ராணி காமிக்ஸ் - வேவு வீரர் 007 ஜேம்ஸ் பான்ட் சாகசம் - சுறா வேட்டை – Issue No 7

உலகிலேயே ராணி காமிக்ஸில் தான் ஒரே பெயரில் பல கதைகள் அட்டைப்படத்திலேயே வந்துள்ளது என்றெண்ணுகிறேன். அதற்க்கு உதாரணம் இதோ:

ராணி காமிக்ஸ் - முகமூடி வீரர் மாயாவி -அடுத்த வெளியீடு விளம்பரம்	ராணி காமிக்ஸ் - முகமூடி வீரர் மாயாவி- சுறா வேட்டை

ஆம், ஆரம்ப காலத்தில் ஜேம்ஸ்பான்ட் எப்படி ராணி காமிக்ஸை காப்பாற்றினாரோ, அதைப்போலவே பிற்காலத்தில் மாயாவியும் ராணியை காப்பாற்றினார். இது மாயாவியின் சுறா வேட்டை.

ராணி காமிக்ஸ்-முகமூடி வீரர் மாயாவி-விறுவிறுக்க வைக்கும் படக்கதை-சுறா வேட்டை-படிக்க தவறாதீர்கள்

இந்த இடத்தில் பயங்கரவாதி டாக்டர் செவன் அவர்களைப் பற்றி சொல்லியே தீரவேண்டும். தமிழ் கூறும் நல்லுலகம் அறிந்த விஷயம் (நன்றாக கவனிக்கவும் - விடயம் இல்லை) என்னவென்றால் அவர் ஒரு மருத்துவர் விஜய் ரசிகர் என்பது. ஆனால் தெரியாத விஷயம் என்ன என்றால் அவர் கடந்த மருத்துவர் விஜய் படமாகிய வேட்டைக்காரனை தியேட்டரில் பிளாக் டிக்கெட் கொடுத்து பார்த்தார் என்பதே. அந்த தருணத்தில் அவர் வெளியிட்ட இரண்டு பதிவுகளும் வேட்டைக்கரனை பற்றியதே. முதல் பதிவு வேட்டைக்காரன் திரை விமர்சனம். (படிக்க இங்கே அமுக்கவும் - அமுக்கினால் தனியாக வரும்) இரண்டாவது பதிவு - வேட்டைக்காரியை பற்றியது. அது ஒரு கசமுசா பதிவாகும், அதனை படிக்க இங்கே கிளிக்கவும். இதோ தமிழ் காமிக்ஸில் வந்த வேட்டைக்காரன் அட்டைப்படங்கள் உங்கள் பார்வைக்கு.

ராணி காமிஸ் - முகமூடி வீரர் மாயாவி - வேட்டைக்காரன் 1	ராணி காமிஸ்-முகமூடி வீரர் மாயாவி வேட்டைக்காரன் 2

சரி, ஏதோ சென்ற படத்தை தான் பிளாக் டிக்கெட்டில் பார்த்தார் என்றால் இந்த சுறா படத்தை சுமார் இருநூறு கிலோமீட்டர் தூரம் பயணம் செய்து தனியாக (ஆமாங்க, தனி ஆளாக - ஒண்டியாக) இந்த படத்தை முழுவதுமாக பார்த்து விட்டு செய்கூலி சேதாரம் இல்லாமல் திரும்பி வந்துள்ளார் என்பதே இந்த பதிவில் நாம் கூற விரும்பும் முக்கிய கருத்து.

வாழ்க டாக்டர் செவன், வளர்க அவரது தைரியம். உண்மையிலேயே நாம் அவரைப்பாராட்டியே தீர வேண்டும். எத்துனை தைரியம் இருந்தால் இப்படி ஒரு காரியத்தை தனியாக செய்திருப்பார். இதற்காகவே எஸ்.எ. சந்திரசேகரா அவர்கள் இவருக்கு தனியாக ஏதாவது ஒரு விருது வழங்க வேண்டும். அல்லது நாம் அனைவரும் சேர்ந்து ஜனாதிபதிக்கு மனு போட்டு நமது நாட்டின் உயரிய வீரச்செயலுக்கு வழங்கப்படும் பரம் வீர் சக்ரா போன்ற விருதகளையாவது வழங்க ஆவன செய்ய வேண்டும்.

நன்றியுடன்,
ஒலக காமிக்ஸ் ரசிகன்.

தமிழ் காமிக்ஸ் உலகில் “தல”

2010-05-01T17:22:00.000+05:30

பேரன்பிற்கும் பெருமதிப்புக்கும் உரிய அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கங்களையும் தெரிவித்து கொள்ளுகிறேன். இன்று மே தினம். அதாவது உழைப்பாளர் தினம். அதாவது உழைப்பாளர்களின் பெருமையை உலகுக்கு காட்டும் தினமாகும். இந்த நாளில் அனைத்து அரசாங்க மற்றும் தனியார் துறை நிறுவனங்களுக்கும் விடுமுறையாகும். ஆனால், உழைப்பாளர் தினத்திலேயே உழைக்கவில்லைஎனில் மற்ற நாளில் என்ன உழைப்பீர்கள்? என்ற கேள்வியுடன் நண்பர் திரு அய்யம்பாளையம் வெங்கடேஸ்வரன் அவர்கள் விடாபிடியாக இன்றும் தன்னுடைய கடமையை செய்ய பணிக்கு சென்றுள்ளார். அவர் வாழ்க, அவருடைய கடமை உணர்ச்சி வாழ்க.

இந்த உழைப்பாளர் தின நாளில் பிறந்தவர்தான் நம்முடைய அல்டிமேட் ஸ்டார் அஜித். அவரை ரசிகர்கள் செல்லமாக "தல" என்று அழைப்பார்கள். இந்த நாளில் அவரின் பிறந்த நாளை போற்றும் விதமாக இந்நாளில் நமது காமிக்ஸ் உலகில் இதுவரை "தல"யை மைய்யமாக கொண்டு வந்த காமிக்ஸ்களை பற்றி அலசவே இந்த பதிவு.

முதன் முதலில் நான் படித்த "தல" கதை டெக்ஸ் வில்லர் தோன்றும் (அறிமுகமாகும்) தலை வாங்கி குரங்கு. எனக்கு இன்னமும் நினைவிருக்கிறது அந்த நாள். டெக்ஸ் கூட ஒரு ஜென்டில் மென் ஹீரோதான் (ஆனால் நண்பர் கனவுகளின் காதலன் அவர்கள் எப்போது டெக்ஸின் கப்படிக்கும் சட்டையை பற்றியே கூறுவதால் ஒருவேளை அவர் இத கருத்தில் இருந்து மாறுபடலாம்). நம்ம தல போல வருமா என்று பாடல் வரும்போது எனக்கு என்னமோ டெக்ஸ் தான் நினைவுக்கு வருகிறார்.

லயன் காமிக்ஸ் - முதல் டெக்ஸ் கதை - தலை வாங்கி குரங்கு	லயன் காமிக்ஸ் - முதல் டெக்ஸ் கதை - தலை வாங்கி குரங்கு

அடுத்தபடியாக நான் கடையில் வாங்கிய திகில் காமிக்ஸ் இதழ் - தலையில்லா ராஜா. இதில் வரும் ஒரு கதையை நண்பர் ஒருவர் பல வருடங்களாக பதிவிடுகிறேன் என்று சொல்லியே நாளை கழித்து வருகிறார். இந்த புத்தகம் ஒரு அரிய புத்தகம் ஆகும். கிடைத்தால் என்ன விலையாயினும் வாங்கி விடுங்கள்.

திகில் காமிக்ஸ் - கருப்பு கிழவி கதைகள்-தலையில்லா ராஜா	திகில் காமிக்ஸ் - கருப்பு கிழவி கதைகள்-தலையில்லா ராஜா

பிறகு ராணி காமிக்ஸில் முகமூடி வீரர் மாயாவி (மாயாவி குத்து கும்மாங்குத்து - மறக்க முடியுமா?) தோன்றும் தலை வெட்டி மன்னன் கதை. இது போன்ற மொக்கையான மொழிமாற்றத்தை யாரும் படித்திருக்கவே இயலாது. என்ன கொடுமை என்றால் கடந்த ஜெனரேஷனில் வந்த பல காமிக்ஸ் ரசிகர்கள் இது போன்ற மொக்கை கதைகளைத்தான் நினைவில் கொண்டிருக்கிறார்கள்.

ராணி காமிக்ஸ் - முகமூடி வீரர் மாயாவி தோன்றும் தலை வெட்டி மன்னன் - மொக்கை தமிழாக்கம்

இந்த கதை வேவு வீரர் ஜேம்ஸ் பான்ட் தோன்றும் மொட்டை தலை ஒற்றன் கதையாகும். இந்த கதையையும் இதன் ஆங்கில மூலக்கதையையும் படித்தவர்கள் கேட்ட முதல் கேள்வி இதுதான்: "மொட்டை தலைக்கும் முழங்காலுக்கும் என்னையா சம்பந்தம்?". அந்த அளவுக்கு பல வர்ணனைகள் இந்த கதையில் இருக்கும். மறக்க முடியாத ஒரு ஜெம்: கிளைமாக்சில் ஜேம்ஸ் பான்ட் கூறுவது: "இந்த ஜாடிக்கு மூடி தேவை இல்லை".

ராணி காமிக்ஸ் - வேவு வீரர் 007 - மொட்டை தலை ஒற்றன் - என்னாமா டைட்டில் வைக்கிறாங்கோ?

நான் முத்து காமிக்ஸில் ரசித்து படித்த கதை இந்த கதையாகும். தமிழில் நான் படித்த லாரன்ஸ் டேவிட்டின் முதல் கதை இதுவே. மறக்க முடியாத ஒரு வில்லன் பாத்திரம் இந்த கதையில் வருவார். மிஸ்டர் XYZஐ மறக்க முடியுமா தோழர்களே?

முத்து காமிக்ஸ் - சி.ஐ.டி. லாரன்ஸ் & டேவிட் சாகசம் - தலை கேட்ட தங்க புதையல்

ஒரு அற்புதமான ஆக்ஷன் சீன் எப்படி அட்டைப்படமாக மாறுகிறது என்பதற்கு இது ஒரு சிறந்த உதாரணம் ஆகும். காமிக்ஸ் கிலாசிக்சில் வந்த இந்த அட்டைப்படதினை பற்றிய விரிவான பதிவினை விரைவில் (ஒரிஜினல் ஒலக காமிக்ஸ் ரசிகன் ஸ்டைலில்) நீங்கள் படிக்கலாம். குறிப்பாக டேவிட் எப்படி ஆபரேஷன் செய்யப்பட்டு மாறுகிறார் என்பதே முக்கிய அம்சம். மறந்து விடாதீர்கள்.

காமிக்ஸ் கிளாசிக்ஸ் - சி.ஐ.டி. லாரன்ஸ் & டேவிட் சாகசம் - தலை கேட்ட தங்க புதையல்

நன்றியுடன்,
ஒலக காமிக்ஸ் ரசிகன்.

அய்யம்பாளயத்தாரின் அதிரடி அரசியல் பிரவேசம்

2010-04-22T22:03:00.000+05:30

பேரன்பிற்கும் பெருமதிப்புக்கும் உரிய அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கங்களையும் தெரிவித்து கொள்ளுகிறேன். தமிழ் காமிக்ஸ் உலகில் பல பதிவர்கள் இருந்தாலும்கூட தனியிடத்தினை பிடித்தவர் திரு அய்யம்பாளையம் வெங்கடேஸ்வரன் அவர்கள். யாருக்கும் அஞ்சாமை, சீரிய சிந்தனை, நேர்மையான போக்கு, என்று பல குணாதிசயங்களை கொண்ட இவர் சுலபத்தில் அனைவரின் கருத்தினையும் கவர்ந்தவர் என்பது உள்ளங்கை நெல்லிக்கனி.

தன்னுடைய காமிக்ஸ் பூக்கள் என்ற சிறுவர் இலக்கிய சிந்தனை வலைப்பூவிலேயே பல அனல் கக்கும் அரசியல் கருத்துக்களை அஞ்சாமல் அள்ளி வீசுபவர் அய்யம்பாளையம் சார் என்பது அவரின் வலைதளத்தினை தொடர்பவர்களுக்கு நன்றாக தெரியும். பல நாட்களாக தன்னுடைய கொள்கைகளை வகுத்துக்கொண்டிருந்த நண்பர் இப்போது அரசியல் உலகில் அடியெடுத்து வைக்கிறார். மிக, மிக விரைவில் கோட்டைக்கு போகப் போகும் அவரைப் பாராட்டி, இந்த நாளில் நமது காமிக்ஸ் உலகில் இதுவரை கோட்டைகளை மைய்யமாக கொண்டு வந்த காமிக்ஸ்களை பற்றி அலசவே இந்த பதிவு.

முதன் முதலில் விஜயன் சாரின் தயாரிப்பில் வந்த கோட்டை கதை இதுதான். இந்த கதையை ராணி காமிக்ஸ் மறுபடியும் வெளியிட்டார்கள். அட்டைப்படம் அட்டகாசம்.

லயன் காமிக்ஸ் Issue No 011 - மாடஸ்டி ப்ளைசி - மரணக் கோட்டை – Death of a Jester

தொன்னூறுகளில் வெளிவந்த பார்வதி சித்திரக்கதை புத்தகங்களில் வாண்டுமாமா அவர்களின் சிறந்த கதைகள் வெளிவந்தன. அவற்றில் இரண்டு.

பார்வதி சித்திரக் கதைகள் - வாண்டுமாமா - ஓநாய்க் கோட்டை - அங்கதன் கோட்டை அதிசயம்

ராணி காமிக்ஸ் இதழ்களில் பல கோட்டை சம்பந்தமான கதைகள் வந்தன. அவற்றில் சிலவற்றை உங்களின் பார்வைக்கு வைத்துள்ளேன்.

ராணி காமிக்ஸ் - ஆசிரியர் ராமஜெயம் - கிட கார்சன் சாகசம் - மரக்கோட்டை - அற்புதமான கதை

ராணி காமிக்ஸ் - ஆசிரியர் ராமஜெயம் - ஜூலி சாகசம் - பீரங்கிக் கோட்டை - சென்சார் செய்யப்பட்ட படங்கள்

ராணி காமிக்ஸ் - கொத்தியவர் அ.மா.சாமி - கோட்டைக்குள் குத்து வெட்டு - கிட கார்சன்

ராணி காமிக்ஸ் - கொத்தியவர் அ.மா.சாமி - மர்மக் கோட்டை - பெண் சி.ஐ.டி மாடஸ்தி

ராணி காமிக்ஸ் - கொத்தியவர் அ.மா.சாமி - கடல் கோட்டை - நெஞ்சை அள்ளும் படக்கதை

ராணி காமிக்ஸ் - கொத்தியவர் அ.மா.சாமி - கடல் கோட்டை - முகமூடி வீரர் மாயாவி சாகசம்

ராணி காமிக்ஸ் - கொத்தியவர் அ.மா.சாமி - கொலைகாரன் கோட்டை - கிட கார்சன் சாகசம்

வாண்டுமாமா அவர்களின் எழுத்தில் கோட்டை சார்ந்த மேலும் இரண்டு கதைகள் உங்களின் பார்வைக்கு. இவற்றில் இந்த கரடிக் கோட்டை புத்தகம் இன்னமும் விற்பனைக்கு உள்ளது. மேல் விவரங்களுக்கு இந்த பதிவினை படிக்கவும்.

வாண்டுமாமா - நெருப்பு கோட்டை - இல்லாத புத்தகம்	வாண்டுமாமா - கரடி கோட்டை

தமிழ் காமிக்ஸ் உலகில் கேப்டன் பிரின்சை தெரியாதவர்கள் குறைவே. அவரின் ஒரே கதை இரண்டு பதிப்பகங்களின் மூலம் வந்துள்ளது. பார்த்து ரசியுங்கள்.

ஸ்டார் காமிக்ஸ் - பனிமலைக்கோட்டை	திகில் காமிக்ஸ் - பனி மண்டல கோட்டை

வாசகர்களுக்கு ஒரு போட்டி: அரசியல் உலகில் அடியெடுத்து வைக்கும் அய்யம்பாளையம் வெங்கடேஸ்வரன் சாருக்கு பிற்காலத்தில் அரசியல் விடிவெள்ளி, வாழும் கலைஞர், ஓடும் வள்ளுவர் என்றெல்லாம் பட்டப்பெயர்கள் வழங்கப்படும். ஆனால், இப்போதைய நிலையில் (பேரரசர் என்பதை தவிர) வேறு பட்டப்பெயர்கள் இல்லாமல் இருக்கிறார் அய்யம்பாளையம் வெங்கடேஸ்வரன் சார். ஒரு அரசியல்வாதிக்கு அழகே பட்டப்பெயர் தான். ஆகையால் நமது அய்யம்பாளையம் வெங்கடேஸ்வரன் சாருக்கு ஒரு சரியான பட்டப்பெயரை தேர்ந்தெடுத்து வழங்குங்கள். பொருத்தமான பெயரை வழங்குபவர்களுக்கு ~~பரிசு~~ பதவி வழங்கப்படும்.

நன்றியுடன்,
ஒலக காமிக்ஸ் ரசிகன்.

தமிழ் காமிக்ஸ் உலகில் ராணிகள்

2010-04-21T23:34:00.000+05:30

பேரன்பிற்கும் பெருமதிப்புக்கும் உரிய அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கங்களையும் தெரிவித்து கொள்ளுகிறேன்.இன்று ஏப்ரல் இருபத்தி ஒன்றாம் தேதி. இன்றுதான் இங்கிலாந்து ராணி இரண்டாம் எலிசபெத்தின் பிறந்த நாள்.இந்த நாளில் நமது காமிக்ஸ் உலகில் இதுவரை ராணிகளை மைய்யமாக கொண்டு வந்த காமிக்ஸ்களை பற்றி அலசவே இந்த பதிவு.

என்னடா, சமீபத்தில் ஒரே பிறந்தநாள் பதிவுகளா என்று என்னும் நண்பர்களே, சற்று பொறுங்கள். இன்று நம்முடைய பெருமதிப்பிற்குரிய மின்சார துறை அமைச்சர் திரு ஆற்காட்டார் அவர்களின் பிறந்த நாளும்கூட. சரி, அவருக்கு பொருத்தமாக சமீபத்தில் நம்முடைய லயன் காமிக்ஸ் கவ்பாய் ஸ்பெஷலில் வந்த இரும்புக் கை மாயாவி கதையை வெளியிடலாம் என்றுதான் நினைத்தேன் (அந்த கதையின் பெயரை சொன்னால் தீவிர தி மு க ஆதரவாளர்கள் என்னை விட மாட்டார்கள்). ஆனால், சென்ற பதிவே பல அரசியல் விளையாட்டுக்களை நடத்தி விட்டதால் வேறு வழி இல்லாமல் அந்த அரசியல் நொடி வீசும் பதிவினை இடாமல் இந்த சாதா பதிவு. என்சாய் மக்களே.

லயன் காமிக்ஸ் - சாகச வீரர் சாம்சன் - மந்திர ராணி - மறக்க முடியாத கதை

இந்த மந்திர ராணி கதை தமிழில் ஏற்கனவே வேறொரு இதழில் வந்துள்ளது. அது எந்த இதழ் என்று கூறுபவர்களுக்கு கனவுகளின் காதலரின் ஒன்றுவிட்ட சகோதரி மேகான் பாக்ஸின் மேலான் முத்தங்கள் கிடைக்கும். இது ஒரு அற்புதமான கதை. இந்த கதையில் ஒரு புதிர் சொல்லும் கிழவன் ஒருவர் வருவார். அந்த கட்டம் என்னால் இன்னமும் மறக்கவே இயலவில்லை. நன்றி விஜயன் சார்.

அடுத்தபடியாக, மிநிலயனில் வந்த சுஸ்கி & விஸ்கி சாகசமாகிய ராஜா, ராணி & ஜாக்கி. இந்த கதையில் ஒரு இடத்தில் புரூப் ரீடர் ஒரு தவறை கவனிக்க மறந்து இருப்பார். அது என்ன என்று யாராலாவது சொல்ல இயலுமா? இதனை சொன்னால் என்றும் தர்ம பத்தினியாக விளங்கும் புஷ்பவதி பூங்காவனத்தின் டூ பீஸ் புகைப்படம் ஒன்று அன்பளிப்பாக கிடைக்கும்.

மினி லயன் காமிக்ஸ் - சுஸ்கி & விஸ்கி சாகசம் - ராஜா, ராணி & ஜாக்கி - ஒன்ஸ்மோர் விஜயன் சார்

அடுத்தபடியாக நாம் காணவிருப்பது ராணி காமிக்ஸில் வந்த ராணி கதை பெயரை கொண்ட கதைகள். ஏக்சுவளி இரண்டு கதைகள் வந்துள்ளன. அவற்றின் விவரங்கள் இதோ:

ராணி காமிக்ஸ் Issue No 302- முகமூடி வீரர் மாயாவி - வேதாளர் - கொலைகார ராணி

இந்த கதை ஒரு சிறந்த கதையாக இருந்தாலும்கூட, மொக்கையான மொழிபெயர்ப்பில் பெரிதும் பாதிக்கப்பட்டு ரசிக்கவே இயலாத அளவுக்கு இருக்கும். உதாரணமாக பீனிக்ஸ் நாட்டு மன்னர் தன்னுடைய மகளை மாயாவிக்கு அறிமுகப்படுத்தும்போது "இவள்தான் டெய்சி - என்னுடைய மகள் - பேரழகி" என்று கூறுவார். அந்த கட்டத்தை படித்து பாருங்கள். அடுத்து ஒரு கட்டத்தில், மாயாவியை பார்த்து "ஆபத்தாண்டவா" என்று கதறுவார். என்ன கொடுமை சார் இது?

அடுத்து நாம் பார்க்கவிருப்பது ராணி காமிக்ஸில் கடைசி கால கட்டத்தில் வந்த ஒரு கதை. இந்த கதைக்கு "மொக்கை ராணி" என்று கூட பெயரிட்டு இருக்கலாம். அந்த அளவுக்கு மொக்கை போட்டு இருப்பார் இந்த இதழின் ஆசிரியர். முடியலடா சாமி, என்று மாயாவியே வாய் விட்டு கதறுவார். இந்த கதைக்கும் இந்திரஜால் காமிக்ஸ் கூலாகூ கொடுசூலி கதைக்கும் என்ன சம்பந்தம் என்பதை பயங்கரவாதி டாக்டர் செவன் அவர்கள்தான் சொல்ல வேண்டும்.

ராணி காமிக்ஸ் Issue No 494 - வேதாளர் - முகமூடி வீரர் மாயாவி அதிரடி - அழகு ராணி

நன்றியுடன்,
ஒலக காமிக்ஸ் ரசிகன்.

ஹிட்லர் - ஒரு சகாப்தம்

2010-04-20T17:01:00.000+05:30

பேரன்பிற்கும் பெருமதிப்புக்கும் உரிய அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கங்களையும் தெரிவித்து கொள்ளுகிறேன்.இன்று ஏப்ரல் இருபதாம் தேதி. இன்றுதான் ஹிட்லரின் பிறந்த நாள். (நீங்கள் தமிழ் விக்கிபீடியா படிப்பவரானால் இட்லர் என்றுதான் படிக்கவேண்டும், வேறுவழி இல்லை). இவரை பொறுத்தவரையில் ஒன்று இவரை ஹீரோவாக கொண்டாடுவார்கள் (எங்களைப் போன்றவர்கள்), அல்லது வில்லனாக உருவகப்படுதுவார்கள் (மற்ற சிலரைப் போல). வரலாறு என்பது எழுதப்படுவரின் எண்ணவோட்டத்தில் தான் இருக்கிறது என்பதை பொதுவானவர்கள் மறந்துவிடக்கூடாது. தற்போதைய இந்திய பள்ளிக்குழந்தைகள் பாட புத்தகங்களில் படிக்கும் விஷயங்களை பற்றி நாம் எப்போதாவது யோசித்து இருக்கிறோமா? தயவு செய்து அடுத்த முறை ஏதாவது ஒரு வரலாற்று பாடப்புத்தகதினை பார்த்தால் சும்மா புரட்டி பார்க்காமல் தயவு செய்து படித்து பார்க்க முயலவும். பல விடயங்கள் புலப்படும்.

சரி, சரி சீரியசான விஷயங்களை விட்டு விட்டு நம்ம மேட்டருக்கு வருவோம். இந்த நன்னாளில் நமது காமிக்ஸ் உலகில் இதுவரை ஹிட்லரையும், நாஜிக்களையும் மைய்யமாக கொண்டு வந்த காமிக்ஸ்களை பற்றி அலசவே இந்த பதிவு.பெரும்பாலான கதைகள் இங்கிலாந்தில் இருந்தே வந்தவை என்பதால் அதில் அனைத்திலும் ஹிட்லர் ஒரு வில்லனாகவே சித்தரிக்கப்பட்டு இருப்பார் என்பது வேறு விடயம். அதனைப்போலவே இங்கிலாந்து ராணுவ வீரர்கள் அனைவரும் யோக்கியமான ஹீரோக்கள் போல இருப்பார்கள். வேறு வழி இல்லை. சகித்துக் கொண்டே ஆகவேண்டும்.

ஹிட்லரை நேரிடையாக சம்பந்தப்படுத்தி இரண்டே இரண்டு காமிக்ஸ் கதைகள் தான் வந்துள்ளன (தவறாக இருந்தால் திருத்தவும் - இந்த பதிவு அவசரமாக போடப்படும் ஒன்று - தகவல் சரிபார்க்க நேரமில்லை). அதில் ஒன்றில் தலைப்பே மீண்டும் ஹிட்லர். கதையை நான் பலமுறை படித்து இருந்தாலும் இதன் அட்டைப்படதினை நான் இன்றுதான் பார்த்தேன். நண்பர் முத்து விசிறி அவர்கள் தான் அளித்தார். நண்பர்கள் சிலரிடம் கேட்டும் பயனில்லை. முத்து விசிறி வாழ்க.

லயன் காமிக்ஸ் - இரட்டை வேட்டையர் சாகசம் - மீண்டும் ஹிட்லர் - சூப்பர் ஹிட் கதை - பார்ப்பதற்கரிய அட்டைப்படம்

இரண்டாம் உலகப்போர் முடிந்து சுமார் இருவது வருடங்கள் கழித்து ஹிட்லரின் மகன் தனியொரு ராணுவத்தினை சேர்த்து மறுபடியும் இங்கிலாந்தினை தக்க முயல்வதே கதையின் சாராம்சம். அவர்களின் அட்டகாசத்தையும், அதனை உங்களின் அபிமான ஜோடி அடக்கும் சாகசத்தையும் இந்த கதையில் ரசிக்கலாம்.

அடுத்ததாக நாம் பார்க்கவிருப்பது இரும்புக் கை நாமனின் ரீ என்ட்ரி. ஆம், சுமார் ஐந்து வருடங்கள் கழித்து இரும்புக் கை நார்மனின் கதை வந்தது. எனக்கு மிகவும் பிடித்த கதை நாயகன் இவர். இவரின் முதல் கதையை படித்து விட்டு நான் சிறுவயதில் அழுதது கூட உண்டாம். இந்த இரண்டாவது கதையில் இரண்டாம் உலகப்போர் உச்சத்தில் இருக்கும்போது ஹிட்லரைப்போலவே ஒருவர் இருப்பதை நேசநாடுகள் கண்டுபிடிப்பார்கள் (போலி ஹிட்லர்). அந்த போலி ஹிட்லரை பத்திரமாக கொணரும் பொறுப்பினை நார்மனிடம் ஒப்படைப்பார்கள். நகைச்சுவையோடு சுவாரஸ்யமாக சொல்லப்பட்ட இந்த கதை அருமையான ஒன்று.

லயன் காமிக்ஸ் - இரும்பிக் கை நார்மன் சாகசம் - மரணத்தின் நிழலில்- இரண்டாவது கதை

மின்னல் படையினரை யாரால் மறக்க முடியும்? இவர்களின் படையை பற்றிய முழுமையான விவரங்களுக்கு வேண்டப்படாத நண்பர் (வேண்டப்பட்ட விரோதியின் எதிர்ப்பதம்) பயங்கரவாதி டாக்டர் செவனின் இந்த பதிவினைப் படிக்கவும்.

மாகக் கோட்டை மர்மம்: ஹிட்லருக்கு ஆல்ப்ஸ் மலையில் ஒரு ரகசிய மறைவிடம் இருப்பதை கண்டறியும் நேசநாடுகள் அதனை ஒழிக்கும் பொறுப்பை மின்னல் படையிடம் ஒப்படைப்பார்கள். அந்த சாகசம் இந்த இதழில் உள்ளது.

எஜன்ட் ஈகிள்:அடுத்தபடியாக லயன் காமிக்ஸ் விபரீத விதவை இதழில் பக்க நிரப்பியாக ஒரு கதை இருந்தது. அற்புதமான ஹீரோ ஒருவரைப்பற்றிய கதை அது. இங்கிலாந்து கதைகளை ஆங்கிலத்தில் படித்த நண்பர்கள் இந்த கதையை பற்றி மனிக்கனக்கில் சிலாகிப்பார்கள். அத்துணை அருமையான கதை வரிசை அது. முடிந்தால் படித்துப் பாருங்கள். நீங்களும் ரசிக்க ஆரம்பித்து விடுவீர்கள்.

லயன் காமிக்ஸ் - மேகக்கோட்டை மர்மம் - மின்னல் படையினர் சாகசம்	எஜன்ட் ஈகிள் - ஒருமுறை மட்டுமே வந்த சாகசம்

என்னால் மறக்கவே முடியாத காமிக்ஸ் ஹீரோக்களில் ஒருவர் இரும்புக் கை நார்மன். அவரின் முதல் கதையாகிய மனித எரிமலையை படித்த அனைவரும் ஒப்புக்கொள்வார்கள். அடுத்து அவரது இரத்தக் கண்ணீர் கதை கண்ணில் உண்மையிலேயே இரத்தக் கண்ணீரை வரவழைக்கும்.

இரும்புக் கை நார்மன் - முதல் கதை விளம்பரம்	இரும்புக் கை நார்மன் - முதல் கதை விளம்பரம்

இந்த அட்டைப்படம் ஒரு சூப்பர் படைப்பாகும். அந்த நாட்களில் இரும்புக்கை மாயாவி மோகம் தலைவிரித்தாடிய காலம். இரும்புக் கையுடன் ஒரு ஹீரோ கிடைத்தாலே போதும், புகுந்து விளையாடுவார்கள் நமது காமிக்ஸ் எடிட்டர்கள். இப்படியாக வந்த காமிக்ஸ் ஹீரோக்களில் ஒருவர்தான் இவர் (என்று சொல்ல ஆசை) ஆனால் உண்மையில் ஒரு உணர்ச்சிபூர்வமான கதை இது. படிக்கதவராதீர்கள்.

இரும்புக் கை நார்மன்- மனித எரிமலை	லயன் தீபாவளி மலர் - நார்மன் அட்டையில்

ஒரு காலகட்டத்தில் விளம்பரங்களின் மூலம் ஆர்வத்தினை தூண்டி நம்மையெல்லாம் வாங்க வைத்தார் எடிட்டர் விஜயன் சார். இப்போது? எங்க வைக்கும் படங்கள் இவை.

நார்மன் கதை விளம்பரம் - இரத்தக் கண்ணீர்	நார்மன் கதை விளம்பரம் -பனிமலையில் ஒரு கொலை

நன்றியுடன்,
ஒலக காமிக்ஸ் ரசிகன்.

தமிழ் காமிக்ஸ் உலகில் ராஜாக்களும், மன்னர்களும்,

2010-04-14T00:10:00.000+05:30

பேரன்பிற்கும் பெருமதிப்புக்கும் உரிய அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கங்களையும் தெரிவித்து கொள்ளுகிறேன். இன்று தமிழ் புத்தாண்டு நாள். தமிழ் காமிக்ஸ் உலகின் ரசிகர்கள் அனைவருக்கும் புத்தாண்டு நல்வாழ்த்துக்கள். அதுமட்டுமல்ல, இன்று தமிழ் காமிக்ஸ் உலகின் முடி சூடிய மன்னர் கிங் விஸ்வாவின் பிறந்த நாளும்கூட.

இந்த நன்னாளில் நமது காமிக்ஸ் உலகில் இதுவரை ராஜாக்களையும், மன்னர்களையும் மைய்யமாக கொண்டு வந்த காமிக்ஸ்களை பற்றி அலசவே இந்த பதிவு. இந்த பதிவை இடாவிட்டால் தொடர்ந்து கவிதை சொல்லி டார்ச்சர் செய்வதாக "வேண்டப்பட்ட விரோதிகள்" என்னை மிரட்டியதால் வேறு வழி இல்லாமல் இப்படி ஒரு பதிவினை இடுகிறேன். பேரு என்னவோ, கிங் விஸ்வா, வலைப்பூ என்னவோ தமிழ் காமிக்ஸ் உலகம். ஆனால், எழுதுவது என்னவோ ஆங்கிலத்தில். இப்படி சில இருந்தாலும்கூட தமிழ் காமிக்ஸ் பற்றிய உருப்படியான தளமாக இருப்பதால் ஆங்கில அடிவருடித்தனத்தையும் கூட மறந்து அவரை வாழ்த்துகிறோம். நண்பர் முத்துவிசிறிக்கு பிறகு தரமான பதிவுகளை அற்புதமான நடையில் தொடர்ந்து தரும் நண்பர் கிங் விஸ்வாவுக்கு பிறந்த நாள் நல்வாழ்த்துக்கள்.

அவருடை பெயர் கிங் விஸ்வா என்பதால், தமிழ் காமிக்ஸ் உலகில் ராஜா மற்றும் மன்னர் என்று வந்த காமிக்ஸ்களை பற்றி அலசுவோம். முதலில் இதோ ராணி காமிக்ஸில் வந்த வேவு வீரர் ஜேம்ஸ்பாண்ட் துப்பறியும் ராஜா என்று பெயருள்ள கதைகள்:

ராணி காமிக்ஸ்-வேவு வீரர் 007-தங்க ராஜா	ராணி காமிக்ஸ்-வேவு வீரர் 007-ராஜாளி ராஜா

அடுத்தபடியாக ராஜா மற்றும் மன்னர் என்று வந்த சில கதைகள். இந்த கதையின் தலைப்பை பாருங்கள் - ரவுடி ராஜா. என்ன கொடுமை சார் இது? ஒரு ரவுடி எப்படி ராஜாவாக முடியும் என்றா கேட்கிறீர்கள்? நீங்கள் இன்றைய அரசியல் நிலவரம் தெரியாத ஆள் என்று நினைக்கிறேன்.

ராணி காமிக்ஸ்-முகமூடி வீரர் மாயாவி-வேதாளர்-ரவுடி ராஜா

ராணி காமிக்ஸ்-முகமூடி வீரர் மாயாவி-வேதாளர்-தலைவெட்டி மன்னன்

மன்னர் என்று வந்த சில பல தலைப்புகள் கொண்ட கதைகள். நண்பர் ஒருவருக்கு மிகவும் பிடித்த கதை இந்த தப்பி ஓடிய இளவரசி என்ற ராணி காமிக்ஸில் வந்த ஆரம்ப கதை. இதன் ஆங்கில வடிவ கதையை ஐய்யம்பாளயத்தார் அவர்களின் வீட்டில் பார்த்து ரசித்தேன். முழு வண்ணத்தில், பெரிய அளவில் வந்த அந்த புத்தகம் என்னை மிகவும் கவர்ந்தது. அதனை "தாருங்கள், படித்து விட்டு தருகிறேன்" என்று கேட்டால், அவரோ "இதெல்லாம் இப்போது கிடைக்காது சாமி" என்று கூறிவிட்டார். அதனால் மனம் நொந்தேன். இந்த அதிரடி மன்னன் கதையின் அட்டைப்படதினை அண்ணன் அழகிரி பிறந்த நாளின்போதும் இடலாம்.

ராணி காமிக்ஸ்-தப்பி ஓடிய இளவரசி-மன்னன் மகள்	ஜூனியர் லயன் காமிக்ஸ்-சிக்பில்-அதிரடி மன்னன்

லயன் காமிக்ஸில் சமீபத்தில் வந்த இரண்டு கதைகளின் அட்டைப்படங்கள் இதோ. இந்த அட்டைப்படங்கள் நவீன கால யுத்தியை கையாண்டு லயன் காமிக்ஸ் அலுவலகத்தில் உருவாக்கப்பட்டவை.

லயன் காமிக்ஸ்-சிக்பில்-மறையில்லா மன்னர்	லயன் காமிக்ஸ்-லக்கிலூக்-மேற்கே ஒரு மாமன்னர்

திகில் காமிக்ஸில் கருப்பு கிழவியின் கதைகள் என்னை மிகவும் கவர்ந்தவை. ஆசிரியர் விஜயன் அவர்களின் எடிட்டோரியல் திறமைக்கு இந்த கதைகள் ஒரு சான்று. இதோ அவற்றில் ஒரு சிறந்த கதையை கொண்ட அட்டைப்படம்.

திகில் காமிக்ஸ்-அடுத்த வெளியீடு-தலையில்லா ராஜா	திகில் காமிக்ஸ் - அட்டைப்படம் - தலையில்லா ராஜா

டார்ஜான் அவர்களுக்கு போட்டியாக ஆரம்பிக்கப்பட்ட இந்த ஷூஜா என்ற கதாபாத்திரம் தமிழில் வனராஜா என்று முல்லை தங்கராசர் அவர்களால் அறிமுகப்படுத்தப்பட்டு பின்னர் மன்னர் பீமா என்ற பெயரில் ராணி காமிக்ஸ் ஆசிரியர் ராமஜெயம் அவர்களால் தொடரப்பட்டது.

முத்து காமிக்ஸ் வாரமலர் - முல்லை தங்கராசரின் அற்புத படைப்பு - வனராஜா யார்?

முத்து காமிக்ஸ் வாரமலர் - முல்லை தங்கராசரின் அற்புத படைப்பு - வனராஜா வண்ணத்தில்

மினி லயன் காமிக்ஸ் ஒரு அற்புத படைப்பு. சமீபத்தில் ஒருவர் என்னிடம் மொத்தம் நாற்பது மினி லயன் காமிக்ஸ்களையும் எட்டாயிரம் ரூபாய்க்கு விற்றார். இதோ அவற்றில் ஒன்று ராஜா ராணி ஜாக்கி.

மினி லயன் - சுஸ்கி மற்றும் விஸ்கி தோன்றும் - ராஜா ராணி ஜாக்கி - ஒரு அற்புதமான காமெடி தோரணம்

நன்றியுடன்,
ஒலக காமிக்ஸ் ரசிகன்.

உலக சுகாதார நாள் - தமிழ் காமிக்ஸ் உலகில் டாக்டர்கள்

2010-04-07T23:26:00.000+05:30

பேரன்பிற்கும் பெருமதிப்புக்கும் உரிய அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கங்களையும் தெரிவித்து கொள்ளுகிறேன். இன்று உலக சுகாதார நாள் ஆகும். உலக சுகாதார நாள் (World Health Day) என்பது உலக சுகாதார அமைப்பின் அனுசரணையுடன் ஒவ்வோர் ஆண்டும் 7 ஏப்ரல் கொண்டாடப்படுகின்றது. 1948 ஆம் ஆண்டில் இடம்பெற்ற உலக சுகாதார அமைப்பின் கூட்டம் ஒன்றில் ஒவ்வோர் ஆண்டும் 1950 இல் இருந்து உலக சுகாதார நாளாகக் கொண்டாடுவதாகத் தீர்மானிக்கப்பட்டது. அன்றில் இருந்து ஓர் முக்கியமான உலக சுகாதார அமைப்பின் முக்கியமான சுகாதாரம் சம்பந்தமான கருப்பொருளை மையமாகக் கொண்டு கொண்டாடப்படுகின்றது.

இந்த நன்னாளில் நமது காமிக்ஸ் உலகில் இதுவரை டாக்டர்களை மைய்யமாக கொண்டு வந்த காமிக்ஸ்களை பற்றி அலசவே இந்த பதிவு. தமிழ் காமிக்ஸ் உலகம் என்றாலே திறமையான ஆங்கில பதிவர்கள் மட்டுமே (முதன் முதலில் முத்துவிசிறி & பின்னர் கிங் விஸ்வா) என்று இருந்த நிலையை மாற்றி தமிழிலும் சிறந்த காமிக்ஸ் தளங்களை இயக்க முடியும் என்பதை உலகிற்கு காட்டியவர் நமது காமிக்ஸ் டாக்டர் செவன். அவருக்கு இந்த பதிவுகளை சமர்ப்பணம் செய்கிறேன். நன்றி டாக்டர். உங்களால் தான் பலரும் தமிழில் காமிக்ஸ் வலைப்பதிவுகளை ஆரம்பித்தனர் என்பது கண்கூடான உண்மை. அவர்கள் அனைவரின் சார்பிலும் நன்றி.

அடுத்தபடியாக நான் நன்றி சொல்லும் இன்னொரு நபர் பழனி (எங்க சொந்த ஊர்) திருதலதினை சேர்ந்த டாக்டர் சுரேSH அவர்கள். யார் ஒருவர் காமிக்ஸ் பற்றிய பதிவினை இட்டாலும் வந்து அவர்களை பாராட்டும் ஒரு சிறப்பான மனிதர். வாழ்க அவர். வளர்க அவரின் கனவுகள்.

முத்து காமிக்ஸ் - சீக்ரெட் எஜன்ட் காரிகன் கதை - பயங்கரவாதி டாக்டர் செவன் - ஒரு கிளாசிக் சாகசக் கதை

நம்முடைய காமிக்ஸ் டாக்டர் முதன்முதலில் பதிவுலகில் அடியெடுத்து வைத்தபோது இந்த பதிவுடந்தான் வந்தார். ஆனால் அந்த பதிவில் இந்த கதையை பற்றி எதுவுமே சொல்லவில்லை என்பது ஒரு கொடிய உண்மை. ஆனால், அந்த பதிவின் தலைப்புக்கு நியாயம் செய்யும் விதமாகவே அந்த பதிவு இருந்தது என்பது மறுக்க இயலாத உண்மை.

லயன் காமிக்ஸ் - சூப்பர் ஸ்டார் ஸ்பைடர் சாகசம் - டாக்டர் டக்கர் - ஒரு அமானுஷ்ய வில்லனுடன் மோதல்

நம்முடைய லயன் காமிக்ஸில் வந்த மறக்க முடியாத ஸ்பைடர் கதை இது. இன்னமும் எனக்கு இந்த கதையை முதன்முதலில் படித்த நினைவு உள்ளது. பள்ளியில் ஸ்கூல் பையில் வைத்து தான் இந்த கதையை படித்தேன். புத்தகம் வரும்போது அல்ல, வந்து ஐந்து வருடங்களுக்கு பிறகு தான் 1989-இந்த புத்தகம் எனக்கு ஒரு பழைய புத்தககடையில் கிடைத்தது. அதனால் மதிய உணவு இடைவேளையில் இந்த கதையின் ஆரம்ப பக்கங்களை படித்தேன். மதிய உணவு இடைவெளி முடிந்தவுடன் முதல் வகுப்பு புவனேஸ்வரி மேடம் அவர்களின் வகுப்பு. அதனால் தைரியமாக கதையை படித்து முடித்தேன்.

ராணி காமிக்ஸ் - ராமஜெயம் அவர்களின் வெளியீடு – 007 ஜேம்ஸ் பாண்ட் சாகசம் - டாக்டர் நோ

ராணி காமிக்ஸில் மறக்க முடியாத கதை இது. ஒரு கட்டத்தில் ஜேம்ஸ் பாண்ட் (கடைசியில்) தப்பிக்கும்போது மிகவும் தளர்ந்து விடுவார். அப்போதுகூட அவர் "ஜேம்ஸ் கண்ணா, மேலே நீந்தி போ" என்று நகைச்சுவையாக தன்னைத்தானே தேற்றிக்கொள்வார். மறக்கமுடியாத கட்டம் அது. சமீபத்தில் டாக்டர் செவன் இது தொடர்பான பதிவினை வெளியிட்டார். பதிவை படிக்க இங்கே கிளிக்கவும்.

லயன் காமிக்ஸ் - கராத்தே டாக்டர் – W.H.O டாக்டர் ஜஸ்டிஸ் - உலக சுகாதார நாள் சிறப்பு அட்டை படம்

இந்த அட்டைப்படதிர்க்கும் கதைக்கும் சம்பந்தமில்லை. இந்த அட்டைப்படம் இந்த புத்தகத்தில் வந்த ஒரு அற்புதமான கதையை மைய்யமாக கொண்டது. அந்த கதையின் தலைப்பு சூப்பர் மென். உங்களில் யாருக்கேனும் நினைவிருக்கிறதா? அது சரி, இந்த கதையை சென்ற ஆண்டே சிறப்பு பதிவாக இடுவதாக சொன்ன ஸ்ட்ராபெர்ரி சோம்பேறி விஸ்வா எங்கே?

லயன் காமிக்ஸ் - ஹாலிடே சூப்பர் ஸ்பெஷல் - மீண்டும் டாக்டர் செவன் - காரிகன் சாகசம்

இங்கிலாந்தில் இருந்து வந்த ஜேம்ஸ் பாண்ட் கதைகளுக்கு போட்டியாக அறுபதுகளில் வந்தவை காரிகன் கதைகள் (அதற்க்கு முன்னரே ஆரம்பித்தாலும், இந்த சமயத்தில் தான் இவை புகழ் பெற்றன). காரிகன் கதைகள் என்றாலே ஒரு சிறப்பு அம்சம் தரமான வில்லன்கள். குறிப்பாக டாக்டர் செவன். காமிக்ஸ் உலகின் தலைசிறந்த வில்லன்களில் முதன்மை இடத்திற்கு போட்டியிடுபவர் டாக்டர் செவன். அவரின் கதைகளில் சிறந்த கதை இது.

காமிக்ஸ் கிளாசிக்ஸ் - ஸ்பைடர் - மறுபதிப்பு -டாக்டர் டக்கர் - நல்ல அட்டைப்படம்?

ஏற்கனவே இந்த கதையை பற்றி சொல்லிவிட்டதால் ஒரே ஒரு கம்ப்ளைன்ட் மட்டும்: ஏம்பா, ரெண்டு வருஷத்திற்கு முன்பே இந்த ஸ்பைடர் பற்றிய பதிவிடுவதாக சொன்ன சோம்பேறி எங்கே?

வாசு காமிக்ஸ் - ஒரிஜினல் தமிழ் காமிக்ஸ் - டாக்டரின் ஆவி - ஆஸ்கர் விருது பெற்ற படம் இந்த கதையில் இருந்து சுடப்பட்டது.

இந்த கதையை பற்றி நாம் ஏற்கனவே அலசி ஆராய்ந்து விட்டதால் புதிதாக சொல்ல எதுவும் இல்லை. புதிய வாசகர்கள் இந்த சுட்டியை பயன்படுத்தி நம்முடைய பழைய பதிவினை படிக்கவும். இந்த அட்டைப்படத்தை வரைந்த ஓவியர் G.K.மூர்த்தி அவர்களை பற்றி தீவிர ஆராய்ச்சி நடந்து வருகிறது. விரைவில் ஓவியர்களை பற்றிய ஒரு பதிவினை இட நான் உத்தேசித்து உள்ளேன்.

மாலைமதி காமிக்ஸ் AFI - ரகசிய எஜன்ட் காரிகன் - நம்பிக்கை துரோகி டாக்டர் செவன்

படத்தினை நண்பருக்கு மின் அஞ்சலில் அனுப்பி வைத்த உயர்திரு முது விசிறி அவர்களுக்கு நன்றி. படத்தை அனுப்ப மறுத்த டாக்டர் செவனுக்கு கண்டனம். வேறென்ன சொல்ல? இந்த பதிவில் இந்த அட்டைப்படத்தினை போட்டால் அவருடைய இமேஜ் பாதிக்கப்படுமாம். என்ன கொடுமை சார் இது?

நண்பர்களே, இது வரை பொறுமையாக படித்தமைக்கு நன்றி. இதனைப் போலவே இன்னமும் பல ஆராய்ச்சி கட்டுரைகளை வழங்கலாமா?

நன்றியுடன்,
ஒலக காமிக்ஸ் ரசிகன்.

தெலுகு வருட பிறப்பு - உகாதி சிறப்பு பதிவு

2010-03-18T16:12:00.000+05:30

பேரன்பிற்கும் பெருமதிப்புக்கும் உரிய அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கங்களையும் தெரிவித்து கொள்ளுகிறேன். நேற்று முன்தினம் தெலுகு வருடப்பிறப்பு ஆகும். இதனை தெலுங்கில் உகாதி என்று கூறுவார்கள்.

எனக்கு தெலுகில் மிகவும் பிடித்த ஹீரோவாகிய நடிகர் பாலக்ருஷ்ணா அவர்கள் வழக்கம் போல பல ~~போலிகளை~~ போளிகளை தின்று தீர்த்து விட்டு கொட்டாவி விட்டவாறே வீட்டில் தூங்கி பொழுதை கழித்தாராம். அதனால் போலி என்று வரும் காமிக்ஸ் கதைகளை கூட பதிவிடலாமே என்று நான் நினைத்தேன். ஆனால் அவாறு செய்தால் அது ரொம்ப ஓவராகிவிடும் என்பதால் இதோ தெலுகில் வந்த சிலபல மர்ம நாவல்களின் அட்டைப்படங்கள் உங்களின் பார்வைக்கு:

இந்த புத்தகங்களை நீங்கள் படிக்கவிரும்பினால், இந்த சுட்டியை உபயோகப்படுத்தி டவுன்லோட் செய்துக் கொள்ளவும். தெலுகு உங்களுக்கு தெலுசா? Download

நண்பர்களே, இது வரை பொறுமையாக ~~படித்தமைக்கு~~ பார்த்தமைக்கு நன்றி. இதனைப் போலவே இன்னமும் பல ஆராய்ச்சி கட்டுரைகளை வழங்கலாமா?உங்களின் விமர்சனங்களையும் பதில்களையும் எனக்கு ஏன் நீங்கள் பின்னுட்டமாக இட கூடாது?

நன்றியுடன்,
ஒலக காமிக்ஸ் ரசிகன்.

உலக தொடர்பு நாள் - சிறப்பு பதிவு

2010-03-16T17:46:00.000+05:30

நேற்று உலக தொடர்பு நாள். அதாவது World Contact Day ஆகும். நமக்கெல்லாம் புரியும்படி சொல்வதென்றால் நமது பூமியை தவிர அண்டவெளியில் உள்ள பல கிரகங்களிலும் உயிரினங்கள் வசிப்பதாகவும் அவற்றுடன் தொடர்பு கொள்ளும் நாளாக இது கருதப்படுகிறது. மேலும் இது குறித்து தெரிந்து கொள்ள இந்த விக்கிபீடியா சுட்டியை பயன்படுத்தவும். Wikipedia

இந்த மாதிரி அயல் கிரக தொடர்பு கதைகள் முழுவதும் சைன்ஸ் பிக்ஷன் / பேண்டசி வகையை சேர்ந்தவை என்பதால் அந்த துரையின் தலை சிறந்த ஹீரோவாகிய இரும்புக் கை மாயாவியின் கதைகளில் வந்த அயல் கிரகவாசிகளின் கதைகளை பற்றி இங்கு காண்போம்.

மாயாவி ஆரம்பமே அமர்களமாக தான் ஆரம்பித்தார். ஆம், இந்த இயந்திரத் தலை மனிதர்கள் நம்முடைய எடிட்டர் விஜயன் சாரின் டாப் டென் கதைகளில் ஒன்றாகும். சுருக்கமாக சொல்வதென்றால், இது ஒரு பக்க கமர்ஷியல் படம், நம்ம "தமிழ்நாட்டு டாரண்டினோ" பேரரசு-இளைய தளபதி விஜய் கூட்டணியில் வரும் மசாலா தமிழ் படம் போல.

இரும்புக் கை மாயாவி - முத்து காமிக்ஸ் - இயந்திரத் தலை மனிதர்கள்	இரும்புக் கை மாயாவி - முத்து காமிக்ஸ் - விண்வெளி ஒற்றர்கள்

அதன் பிறகும் சில பல வேளைகளில் மாயாவி (போரடிக்கும் போதெல்லாம்?) ஏதாவது ஒரு அயல் கிரக வில்லன்களுடன் மோதுவார். இந்த கதைகள் எல்லாம் ஆங்கிலத்தில் ஏதாவது ஆண்டுமலரிலோ, அல்லது வேறு ஸ்பெஷல் இதழிலோ ஒரு சிறு கதையாக வந்து இருக்கும். அதனால், இதோ, அப்படி வந்த ஒரு கதை - விண்வெளி ஒற்றர்கள்.

ஆனால், அடுத்து வந்த தவளை மனிதர்கள் அப்படி பட்ட கதை அல்ல. இது ஒரு முழு நீல கதை ஆகும். மாயாவியின் கதைகளில் இது ஒரு சிறப்பான மற்றும் முக்கியமான கதை ஆகும். ஏனெனில் இந்த கதையில் தான் மாயாவி மின்சாரத்தை கடத்தும் ஆற்றலை பெறுகிறார். அதன் மூலம் அதனை ஒரு ஆயுதமாகவே பின்னாளில் பயன் படுத்தவும் செய்கிறார்.

இரும்புக்கை மாயாவி - முத்து காமிக்ஸ் - தவளை மனிதர்கள்	இரும்புக்கை மாயாவி - முத்து காமிக்ஸ் - விண்வெளி விபத்து

அடுத்து வந்த விண்வெளி விபத்து கதை தான் பின்னாளில் ஹாலிவுட்டில் சுடப்பட்டு ஸ்பீசிஸ் என்ற பெயரில் வந்தது. ஆமாம், விண்வெளியில் இருந்து திரும்பும் ஒரு விண்வெளி வீரரின் உடலில் வேற்று கிரக சக்தி ஒன்று புகுந்துக் கொண்டு அட்டுழியம் செய்வதை மாயாவி எப்படி சமாளிக்கிறார் என்பதே கதை.

விண்வெளி கொள்ளையர் கதை சமீபத்தில் தான் காமிக்ஸ் கிளாசிக்ஸ் இதழில் வந்தது. அதனால் அதனைப் பற்றி பெரிய அளவில் சொல்ல வேண்டி இருக்காது. மேல் விவரங்களுக்கு அகோதீக தலைவரின் இந்த பதிவினை கவனிக்கவும்.

இரும்புக்கை மாயாவி - முத்து காமிக்ஸ் - விண்வெளி கொள்ளையர்	இரும்புக்கை மாயாவி - முத்து காமிக்ஸ் - மாயாவிக்கொரு சவால்

மாயாவிக்கொரு சவால் கதையை மிகவும் சிறப்பாக விளம்பரப்படுத்திருப்பார்கள். நானும் அதனை நம்பி வாங்கினேன், தவறில்லை. ஆனால், கதை வெறும் பதினாறு பக்கம்தான். மீதம் இறுக்கம் நூற்றி முப்பது பக்கங்களுக்கு மற்றுமொரு ஹீரோவின் கதையை வெளியிட்டு விட்டார் ஆசிரியர்.

அடுத்து வந்த சைத்தான் சிறுவர்கள் கதை காமிக்ஸ் உலகில் ஒரு மைல் கல் என்று கூட சொல்லலாம். ஏனெனில், இதன் பதிப்பிற்கு பின்னல் ஒரு பெரிய கதையே உள்ளது. அதாவது, எண்பதுகளில் இந்த கதையை கேட்டு ஆசிரியர் இங்கிலாந்தில் இருக்கும் உரிமை நிறுவனத்திற்கு கடிதம் எழுதினர். அவர்களும் ஒப்புக் கொண்டு விட்டனர். அதனை தொடர்ந்து ஆசிரியரும் விளம்பரங்களை வெளியிடலானார். ஆனால், அந்தோ பரிதாபம், குறித்த நேரத்தில் கதையின் இரண்டாம் பாகமே வந்து சேர்ந்தது. முதல் பாகத்தை கேட்டு தந்தி அடித்தால் - அதை விட கொடுமை - ஆம், அந்த உரிமை நிறுவனமே தண்ணீரில் மூழ்கி விட்டதாம். அதனால் உடனடியாக அனுப்ப இயலாது என்றும் கூறிவிட்டனர்.

வேறு வழி இல்லாத ஆசிரியர் முதல் பகுதியை சற்று ஒப்பேற்றி கதையை வெளியிட்டார். அதில் தான் அவரின் முழு திறமையும் இருக்கிறது. ஆம், அந்த கதை ஒரு ஒப்பேற்றப்பட்ட ஆரம்பம் என்பது சமீப காலம் வரை (அதாவது ஆங்கில ஒரிஜினலை நான் காணும் வரை) யாருக்கும் தெரியாமலே இருந்து வந்தது. பின்னர் அந்த கதையை தான் ஆசிரியர் நூறு ருபாய் ஸ்பெஷல் இதழில் வெளியிட்டார்.

இரும்புக்கை மாயாவி - முத்து காமிக்ஸ் - சைத்தான் சிறுவர்கள்	இரும்புக்கை மாயாவி - முத்து காமிக்ஸ் -இயந்திரத் தலை மனிதர்கள்

அடுத்து வந்தவை பெரும்பாலும் மறுபதிப்புகளே. ஆனாலும் சிறப்பான அளவில் விற்பனை ஆன புத்தகங்கள் இவை. இயந்திரத் தலை மனிதர்களும் தவளை மனிதர்களும் அந்த வரிசையில் சேரும்.

சரி, போதும் மொக்கை போட்டது என்று பதிவினை முடிக்க நினைத்தால் நேற்று ஒரு சம்பவம் நடந்தது. அதாவது நமது பெங்களூரு விண்வெளி மையத்தில் தாக்குதல் என்பது தான் அந்த தகவல். இதோ, அந்த தகவலுக்கான சுட்டி: Maalaimalar

நன்றியுடன்,
ஒலக காமிக்ஸ் ரசிகன்.

தமிழ் காமிக்ஸில் விபத்துகள்

2010-03-14T21:42:00.000+05:30

அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கங்களையும் தெரிவித்து கொள்ளுகிறேன்.இரண்டு தினங்களுக்கு முன்பு (ப்ரைடே த டுவல்த் – Friday The Twelfth) நான் என்னுடைய வீடு திரும்பிக்கொண்டு இருந்தபோது ஒரு டிரங்கன் மன்க் என்னுடைய வாகனத்தின் மீது மோதி, மோதி விளையடிட்ட்டான்.

அது என்னமோ தெரியலீங்க, எப்பவுமே தப்பு செய்றவந்தான் ஈசியா தப்பிச்சுடுறான். நம்மள மாதிரி ஆட்கள் எல்லாருமே பாதிக்கப்படுறோம். ஆம், சாலை விதிகளை சரியாக கடைபிடிக்கும் (அதாவது, சைக்கிள் ஒட்டும்போதே சீட்பெல்ட் இல்லியான்னு கேட்டவன் நான்) என்னைமாதிரி ஆட்கள் தான் அதிகம் விபத்தினால் பாதிக்கப்படுகிறார்கள்.

அதனால வழக்கம் போல இந்த தடவையும் எதிரில் வந்த டிரங்கன் மன்க்குக்கு எந்த (பெரிய அளவில்) பாதிப்பும் இல்லை - உடலுக்கும் , வாகனத்திற்கும். ஆனால், சரியானபடி வாகனத்தை ஓட்டிவந்த எனக்கோ, உடலிலும், வாகனத்திலும் மோசமான காயங்கள். அந்த வாகனத்தி இனிமேல் உபயோகப்படுத்தவே முடியாதாம். கையிலோ "ஆய்த எழுத்து" சூர்யா மாதிரி ஒரு பெரிய தொட்டில். பதினைந்து நாட்கள் பெட் ரெஸ்டாம். என்ன கொடுமை சார் இது?

இது கூட பரவாயில்லை, ஒத்தை கையால் டைப்பிங் கூட பண்ண முடியவில்லை. இந்த பதிவையே இரண்டு நாட்களாக டைப் செய்துக் கொண்டு இருக்கிறேன். இந்த நிலையில் என்னுடைய சக பதிவராகிய கிங் விஸ்வா, என்னுடைய நிலையை பார்த்தது "சரி விடுங்க பாஸ், பேசாம இரும்புக்கை மாயாவி மாதிரி உங்களுக்கும் ஒரு இரும்புக்கை வச்சுடலாம்" என்று கூசாமல் சொல்கிறார்.

இது கூட பரவாயில்ல, நண்பர் ஐய்யம்பாளயத்தார் வெந்த புண்ணில் வேல் பாய்ச்சுவது போல "இந்த முறை இரும்புக்கையில் பல புது விதமான ஐட்டங்களை கூட சேர்த்து வைக்கலாம், உதாரணமாக செல்போன் சார்ஜர், நெயில் கட்டார், கி செயின் ஹாங்கர்" என்று அடுக்கிக் கொண்டே போகிறார்.

டாக்டர் செவனோ, "லேட்டஸ்ட் காமிக்ஸ் கிளாசிக்ஸ் இரும்புக்கை மாயாவி கதையாகிய விண்வெளிக் கொள்ளையர் கதையில் வருவதைப் போல நியுக்ளியர் நர்ஸ் மூலம் உங்களை குணப்படுத்தலாம், ஆனால் உங்களை நம்பி எப்படி ஒரு நர்சை தனியாக அனுப்புவது?" என்று கிண்டலாக கேட்கிறார்.

இதனால் மனம் நொந்த நான், வழக்கம் போல இந்த சந்தர்ப்பத்தையும் கூட பயன்படுத்திக் கொண்டு ஒரு காமிக்ஸ் பதிவிட்டால் என்ன என்று நினைத்து இதுவரை தமிழ் காமிக்ஸில் வந்த விபத்து சம்பந்தமான அட்டைப்படங்களை உங்களின் பார்வைக்கு சமர்பிக்கிறேன்.

முத்து காமிக்ஸ் - இரும்புக்கை மாயாவி - விண்வெளி விபத்து - என்ன கொடுமை சார்? விபத்துன்னா மாயாவியா?

விபத்துன்னா மாயாவியா? என்ற கேள்வி சரிதானே? ஏனென்றால் மாயாவி உருவானதே ஆய்வுக் கூடத்தில் நடந்த ஒரு விபத்து மூலமாகத்தானே? அதனால் அவரின் கதையின் அட்டைப்படத்தை வெளியிடுவதில் தவறில்லையே?

முத்து காமிக்ஸ் - தீ விபத்தில் திரைப்பட சுருள் – அட்டைப்படம் – One of the Best ever Covers

இந்த கதை ஒரு கிளாசிக் கதை ஆகும். இந்த புத்தகத்தை நான் சமீபத்தில் ஒரு பழைய புத்தக கடையில் வாங்கினேன் (திருச்சியில் இல்லை). அந்த கடைகாரர் பயங்கர புத்திசாலி போல. அட்டைப்படத்தில் உள்ள விலை குறித்த பகுதியை கிழித்து விட்டால் விலை தெரியாதாம். மக்களே, உங்களில் யாருக்காவது பழைய புத்தக கடைக்காரர் நண்பர்களாக இருந்தால் சொல்லுங்கள் - தயவு செய்து அட்டையில் விலை உள்ள பகுதியை கிழிக்க வேண்டாம் என்று.

முத்து காமிக்ஸ் - இரும்புக் கை மாயாவி - விபத்தில் சிக்கிய விமானம்

விபத்தில் சிக்கிய விமானம் ஒரு மாயாவியின் சிறுகதை ஆகும். இந்த கதையை ஆங்கிலத்தில் டவுன்லோட் செய்ய கீழ்க்காணும் சுட்டியை பயன்படுத்தவும். அந்த சுட்டியில் நியுயார்க்கில் மாயாவியும் இருக்கும், ஆனால் என்ன ஆங்கிலத்தில், கலரில் இருக்கும். Rapidshare

ராணி காமிக்ஸ் - சூப்பர் ஹீரோ டைகர் - மர்ம விபத்து

அடுத்ததாக நம்ம எல்லோருக்கும் பேவரிட் ஆன ராணி காமிக்ஸ் ஹீரோ, மன்னிக்கவும் சூப்பர் ஹீரோ டைகர் அவர்களின் கதை ஒன்று. மர்ம விபத்து. டைகரிடம் எனக்கு பிடித்த ஒன்று அவரின் வசனம் - டொட்ட டாங். சமீபத்தில் நம்ம இயக்குனர் சரணின் படமாகிய அசல் (அஜித் நடித்தது) படக்த்தில் ஒரு பாடல் கூட இந்த வசனத்தை மைய்யமாக கொண்டே இருக்கும்.

அந்த படத்தின் பாடலை எழுதிய கவிஞர் இந்த காமிக்ஸ் ஹீரோவின் வாசகரோ? Who knows.விபத்து, விபத்துன்னு சொல்லிட்டு விபத்து உள்ள ஒரு அட்டைப்படத்தி மிஸ் பண்ணால் எப்படி? அதனால் இதோ ராணி காமிக்ஸில் வந்த மர்ம ரோஜா அட்டைப்படத்தின் ஸ்கான். இந்த படத்தில் உள்ள விபத்தினை பாருங்கள்.

ராணி காமிக்ஸ் - சீக்ரெட் ஏஜென்ட் 007 ஜேம்ஸ்பாண்ட் - மர்ம ரோஜா

கடைசியாக முடிக்கும் முன்பு வாசகர்களுக்கு ஒரு போட்டி: நம்ம நண்பர்கள் சொன்னது போல இரும்புக் கை மாயாவி இப்போதைய உலகில் இருந்தால் அவரது இரும்புக் கையில் வழக்கமான ஆயுதங்கள் தவிர வேறென்ன புதிய உபகரணங்களை மேற்கொள்ளலாம் என்பதை ஏன் நீங்கள் பின்னூட்டம் மூலம் தெரிவிக்கக் கூடாது? சிறந்த பின்னூட்டத்திற்கு பரிசும் உண்டு.

நண்பர்களே, இது வரை பொறுமையாக படித்தமைக்கு நன்றி. இதனைப் போலவே இன்னமும் பல ஆராய்ச்சி கட்டுரைகளை வழங்கலாமா? உங்களின் விமர்சனங்களையும் பதில்களையும் எனக்கு ஏன் நீங்கள் பின்னுட்டமாக இட கூடாது?

நன்றியுடன்,
ஒலக காமிக்ஸ் ரசிகன்

ஹோலிப்பண்டிகை - தமிழ் காமிக்ஸ் உலகில் வண்ணங்கள்

2010-02-28T11:47:00.000+05:30

அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கங்களையும் தெரிவித்து கொள்ளுகிறேன்.சமீப காலமாக பல்வேறு மொக்கை பதிவுகளை இந்த காமிக்ஸ் உலகம் சந்தித்து உள்ளது. இதில் போட்டியாக காமிக்ஸ் டாக்டர் வேறு களமிறங்கி உள்ளார். இருந்தாலும் தன முயற்சியில் சற்றும் மனம் தளராத விக்ரமாதித்தன் போல நானும் ஒரு புதிய பதிவுடன் வந்து உள்ளேன்.

நம்மில் பலருக்கு ஹோலிப்பண்டிகை பற்றி தெரிந்திருக்கும். வெய்யில் காலம் ஆரம்பிக்கும் பருவத்தின் முதல் பௌர்ணமி இரவுதான் ஹோலிப்பண்டிகை என்பது ஐதீகம். இந்த பண்டிகையை பற்றி சரியாக தெரியாதவர்கள் இந்த சுட்டியை உபயோகப்படுத்தி தகவல்களை அறிந்து கொள்ளலாம்.

வண்ணங்களை நண்பர்களின் மீது பூசி விளையாடும் இந்த ஹோலிப்பண்டிகை தமிழகத்தில் பலருக்கும் தெரிந்து இருக்காது. ஆனால் வடநாட்டில் வாசித்தவர்களுக்கும் அந்த கலாச்சார முறையை தெரிந்தவர்களுக்கும் இந்த பண்டிகை பிடித்தமான ஒன்றாகும். எனக்கும் பிடித்த இந்த பண்டிகை நாளில் தமிழ் காமிக்ஸ் உலகில் வண்ணங்களை மைய்யமாக கொண்டு வந்த காமிக்ஸ் புத்தகங்களின் அட்டைப் படங்களை உங்களின் மேலான பார்வைக்கு சமர்பிக்கிறேன்.

நண்பர்களே, இது வரை பொறுமையாக படித்தமைக்கு நன்றி. இதனைப் போலவே இன்னமும் பல ஆராய்ச்சி கட்டுரைகளை வழங்கலாமா? உதாரணமாக இன்று பௌர்ணமி. அதனால் பௌர்ணமியை மைய்யமாக வந்த காமிக்ஸ்கள் என்று கூட நம்முடைய சக பதிவர்கள் பதிவிடலாம். அல்லது இன்று காட்டுக்குள்ளே வேட்டையாடிக் கொண்டு இருக்கும் ஒரு பதிவரை கருத்தில் கொண்டு கானகத்தில் கலவரம், இருண்ட காட்டில் இரண்டு மர்மம், கானக கலாட்டா, என்று கூட பதிவிடலாம்.

நன்றியுடன்,
ஒலக காமிக்ஸ் ரசிகன்.

வேதாளர் - முகமூடி வீரர் மாயாவி - பிறந்த நாள்

2010-02-17T19:35:00.000+05:30

அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கங்களையும் தெரிவித்து கொள்ளுகிறேன்.டெய்லி ஸ்டிரிப் என்று சொல்லப்படும் தினசரி காமிக்ஸ் தொடர்களின் வாசகர்களுக்கும், பொதுவான காமிக்ஸ் ரசிகர்களுக்கும் இன்று ஒரு முக்கியமான நாளாகும். ஆம், பிப்ரவரி மாதம் பதினேழாம் நாள் தான் முதன் முதலில் வேதாளன் என்று இந்திரஜால் காமிக்ஸ் / குமுதம் /முத்து காமிக்ஸ் / முத்து மினி காமிக்ஸ் / கொமிக் வோல்ட் இதழ்களிலும் முகமூடி வீரர் மாயாவி என்று ராணி காமிக்சிலும் அழைக்கப்பட்ட பேன்டம் (The Phantom) காமிக்ஸ் ரசிகர்களை சந்தித்தார்.

சரியாக எழுபத்தி நான்கு ஆண்டுகளுக்கு முன்பு வேதாளர் முதன் முறையாக ஒரு தினசரி பத்திரிகையில் தோன்றினார். அந்த கதைதான் சிங் கொள்ளையர்களை பற்றிய கதை. சிங் சகோதரர்கள் என்று அழைக்கப்பட்ட அந்த கதை பெற்ற வெற்றியை தொடர்ந்து பின்னாளில் வேதாளரின் கதையானது உலக நாடுகளில் பல மொழிகளில் பல்வேறு வடிவங்களில் இன்றளவும் தொடர்கின்றது.முதன்முதலில் வந்த அந்த வேதாளரின் கதையின் பக்கம் இதோ உங்களின் பார்வைக்கு.

இந்த கதையை படிக்க விரும்பும் வாசகர்களின் வேண்டுகோளுக்கிணங்க, இதோ அந்த தினசரி கதையின் டவுன்லோட் லின்க்குகள்:

அன்றுமுதல் இன்று வரை வேதாளர் பல மொழிகளில் பல வடிவங்களில் நம்மை மகிழ்வித்து வந்துள்ளார். முதன்முதலில் ஒரு முழு புத்தக வடிவில் வேதாளர் தோன்றியது டைம்ஸ் ஆப் இந்தியா நிறுவனத்தின் இந்திரஜால் காமிக்ஸின் முதல் இதழில் தான். தமிழிலும் கூட முதல் வேதாளரின் கதை இதே பதிப்பகத்தின் தமிழ் வடிவம்தான். அந்த புத்தகம் என்னிடம் இல்லாததாலும், நண்பர்கள் அதனின் ஸ்கான் வடிவத்தை தராததாலும் நான் அதற்க்கு அடுத்தபடியாக தமிழில் குமுதம் புத்தகத்தில் வந்த முகமூடி கதையின் முதல் பக்கத்தை அளிக்கிறேன்.

குமுதத்தில் அறுபதுகளில் ஐந்து (ஆறு?) முகமூடி கதைகள் வந்தன.உலகிலேயே இந்த ஐந்து கதைகளையும் தன்னிடம் நல்ல நிலையில் வைத்து இருக்கும் ஒரே நபர் - பயங்கரவாதி டாக்டர் செவன் தான். ஐயா, தயவு செய்து அதன் முதல் பக்கங்களையாவது எங்களுக்கு காட்டுங்கள். உங்களுக்கு புண்ணியமாக போகும்.

முதல் வேதாளர் கதை - இந்திரஜால் காமிக்ஸ்	குமுதம் - முகமூடி - முதல் கதை - முதல் பகுதி

முதல் இந்திரஜால் காமிக்ஸ் கதையை ஆன்லைனில் படிக்க,இங்கே கிளிக் செய்யவும்.Scribd
டவுன்லோட் செய்ய, இந்த சுட்டியை பயன்படுத்தவும். MediaFire

தமிழில் எனக்கு தெரிந்த வரையில் தெளிவான படங்களுடன், சிறந்த சித்திரங்களை கொண்டு சிறப்பான மொழி பெயர்ப்பில் வந்த வேதாளர் கதைகள் முத்து குழுமத்தில் மட்டுமே வெளியிடப்பட்டன. அதனை படிக்கும் வாய்ப்பு பலருக்கும் கிட்ட வில்லை. ஆம், எண்பதுகளிலேயே வேதாளர் கதைகளை முத்து குழுமத்தினர் நிறுத்தி விட்டனர்.

முத்து காமிக்ஸில் முதல் வேதாளர் கதை	முத்து மினி காமிக்ஸில் முதலும் கடைசியுமான வேதாளர் கதை

படங்களை கொடுத்து உதவிய என்னுடைய நண்பர்களுக்கும், வேண்டப்பட்ட விரோதிக்கும் நன்றிகள்.

முத்து காமிக்ஸ் வேதாளர் கதைகளை வெளியிடுவதை நிறுத்தியவுடன் தமிழில் வேதாளர் கதைகளை படிக்க ரசிகர்கள் பத்து ஆண்டுகளுக்கும் மேலாக காத்து இருக்க வேண்டிய சூழ்நிலை ஏற்பட்டது (இடையில் இந்திரஜால் நிறுவனத்தினர் "சுந்தர" தமிழில் வெளியிட்டு வந்துக்கொண்டுதான் இருந்தனர்). ராணி காமிக்ஸில் மாயாவி என்ற பெயரில் வேதாளர் தோன்றினார். அதன் பின்னர் ஒவ்வொரு இரண்டாம் இதழும் மாயாவியின் கதை என்ற நிலை தொடர்ந்தது. ராணி காமிக்ஸை சரிவில் இருந்து மீட்ட சுந்தர பாண்டியனாக மாயாவி விளங்கினார்.

ராணி காமிக்ஸில் முதல் ~~வேதாளர்~~ மாயாவி கதை	கொமிக் வோல்ட் இதழில் வந்த பேன்டம் கதை

இந்த தொண்ணுறுகளில் தமிழில் சில பல மொக்கை காமிக்ஸ் முயற்சிகள் நடந்தன. கண்மணி காமிக்ஸ், கொமிக் வோல்ட் என்று வந்த இந்த இதழ்கள் பல வண்ணத்தில் சிறப்பான பின்புலத்தில் வந்தாலும் அவை பெரிய அளவில் எடுபடவில்லை.இதில் அல்டிமேட் ஜோக் இந்த கொமிக் வோல்ட்தான். வேதாளர் என்றும் இல்லாமல், மாயாவி என்றும் இல்லாமல் பேன்டம் என்ற பெயரில் வந்து படு தோல்வியை தழுவியது.

ஆனால், வேதாளர் ஆங்கிலத்தில் தொடர்ந்து சக்கை போடு போட்டுக் கொண்டுதான் இருந்தார். தொண்ணுறுகளில் டைமண்ட் காமிக்சிலும், இரண்டாயிரத்தில் எக்மாண்ட் வெளியீடுகளிலும் வந்து வெற்றி பெற்றார். ஏன், இப்போதும்கூட இந்த வேதாளர் கதைகள் ஆறு கதைகளை கொண்ட பெரிய கலெக்டர்ஸ் எடிஷனாக விற்பனையாகிக் கொண்டுதான் இருக்கின்றன.

டைமண்ட் காமிக்ஸ் - முதல் வேதாளர் கதை	எக்மாண்ட் காமிக்ஸ் - முதல் வேதாளர் கதை

இதுவரையில் வேதாளரை பற்றி ஒரு தொலைக்காட்சி படமும், ஒரு சினிமா படமும் எடுக்கப்பட்டு உள்ளன. அவற்றை பற்றி தெரிந்து கொள்ள நண்பர் காமிக்ஸ் பிரியரின் பதிவுக்கு செல்லுங்கள்.

முதல் வேதாளர் தொலைக்காட்சி படம் 1943	முதல் வேதாளர் சினிமா படம் 1996

காமிக்ஸ் பிரியரின் வேதாளர் பதிவு.

நண்பர் புலா சுலாகி அவர்கள் வேதாளர் கதைகளை முழுவதுமாக வழங்கி உள்ளார். அவற்றை படிக்க கீழ்கண்ட லிங்க்குகளை கிளிக் செய்யவும்.

நன்றியுடன்,
ஒலக காமிக்ஸ் ரசிகன்.

மோட்டார் சைக்கிள் சாம்பியன் வேலன்டினோ ரோஸ்சி

2010-02-16T20:56:00.000+05:30

அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கங்களையும் தெரிவித்து கொள்ளுகிறேன். சென்ற பதிவில் வந்து வருகை தந்த அனைத்து ரசிகர்களுக்கும் நன்றி. குறிப்பாக கமென்ட் இட்ட அந்த புண்ணியவான்கள் வாழ்க (முதல் மற்றும் கடைசி நபர்களை தவிர்த்து).

இன்று பிப்ரவரி மாதம் பதினாறாம் நாள். என்னடா இவன் மார்ச் பதினைந்தாம் தேதி போல இது ஏதாவது ஸ்பெஷலான நாளா? என்று நீங்கள் கேட்பது புரிகிறது. (அது சரி, மார்ச் பதினைந்தாம் தேதி என்ன ஸ்பெஷல் என்று தெரியாதவர்கள் பின்னூட்டம் செய்க - பதில் தரப்படும்).இன்றுதான் என்னுடைய மனம் கவர்ந்த மோட்டார் சைக்கிள் சாம்பியன் வேலன்டினோ ரோஸ்சி அவர்களின் பிறந்த நாள். ஐவரும் நான் பிறந்த வருடமே பிறந்து இருப்பது மற்றுமொரு சிறப்பு. நான் சைக்கிள் ஓட்ட ஆரம்பித்த நாள் முதலே பைக் ஓட்ட வேண்டும் என்பது ஆசை. (பைக் ஓட்ட ஆரம்பித்த பிறகு கார் ஓட்ட ஆசைப்பட்டது வேறொரு கதை-அது அப்படியே தொடர்கதையாக போகிறது - இப்போதும் கூட).

இதற்க்கு பிறகுதான் தமிழ் காமிக்ஸில் வந்த பைக் மற்றும் பைக் சார்ந்த கதைகளை பற்றிய ஒரு பதிவிடும் எண்ணமே வந்தது. அதன் பலனே இதோ இந்த பதிவு. இப்படி ஒரு பதிவே இடும் அளவுக்கு அவர் என்ன பெரிய சாம்பியனா என்றும் சிலர் கேட்கலாம், தவறில்லை. இந்தியாவில் இன்னமும் கூட ரேசிங் என்பது பிரபலம் அடையவில்லை.தல அஜித் குமார் கார் ஓட்டினால் தான் கார் ரேசிங் பற்றியே பேசப்படுகிறது. என்ன கொடுமை சார் இது? நம்முடைய சச்சின் டெண்டுல்கர் அப்படி கிரிக்கெட்டில் பெரிய ஆளோ, ரோஜர் பெடரர் எப்படி டென்னிஸ் ஆட்டதிலோ, அப்படி தான் இவர் பைக் ரேசிங்கில்.

சரி, நண்பருக்கு பிறந்த நாள் வாழ்த்து சொல்லி ஆகி விட்டது அல்லவா? அதனால் வழக்கம் போல பைக் ரேசிங் அல்லது டூ-வீலர் சம்பந்தப்பட்ட காமிக்ஸ் கதைகள் இதோ:

முத்து காமிக்ஸ் - வைரஸ் எக்ஸ்	முத்து காமிக்ஸ் - சிங்கத்திர்கொரு சவால்	முத்து காமிக்ஸ்-மரண மச்சம்

வைரஸ் எக்ஸ்-இந்த கதையை பற்றி சொல்லித்தான் தெரிய வேண்டுமெனில் நீங்கள் இன்னமும் காமிக்ஸ் பல்கலை கழகத்தில் ஒரு மாணவனே. ஆம், ஆசிரியர் விஜயனின் டாப் டென் கதைகளில் ஒன்றான இதனை பற்றி நம்முடைய அன்பிற்கு பாத்திரமான திரு முத்து விசிறி அவர்களின் முழு நீள பதிவு இங்கே உள்ளது. இந்த கதையை முதலில் வெளியிட்டவர்கள் மாலைமதி காமிக்ஸ் AFI நிறுவனத்தினர். இந்த கதையின் ஆங்கில பதிப்பினை படிக்க இங்கே கிளிக் செய்யவும்.

சிங்கத்திர்கொரு சவால் - நம்முடைய மனம் கவர்ந்த நாயகன் ஜானி ஹசார்ட் (முத்துவில் ஜார்ஜ், ராணியில் ஜானி) தோன்றும் ஒரு அசலான பைக் ரேசிங் கதை. இதனை பற்றி விரிவாக வேறொரு நாளில் நம்முடைய கிங் விஸ்வ பதிவிட போவதால் இதற்க்கு மேலும் ஒன்றும் சொல்லப்போவதில்லை. ஆனால், மிஸ் செய்யக் கூடாத கதைகளில் இதுவும் ஒன்று.

மரண மச்சம் - மறுபடியும் ஜானி ஹசார்ட் தோன்றும் மற்றுமொரு கதை. இதன் முடிவினில் ஜானி பைக் ஒட்டி சென்று தப்பிப்பார். அதனால் தான் அட்டையில் இந்த மூன்று கார் பைக் வந்து உள்ளது. இந்த அட்டையின் கதையை தெரிந்து கொள்ள இங்கே கிளிக் செய்யவும்.

மினி லயன் - மரண சர்க்கஸ்	மினி லயன்-கருப்பு பாதிரி மர்மம்	காமிக்ஸ் கிளாசிக்ஸ்- மர்ம தீவு

மரண சர்க்கஸ்-மினி லயனில் வந்த இரண்டாவது கதை இதுதான். இந்த கதை ஒரு நடைமுறை கதை ஆகும், சூப்பர் ஹீரோக்களோ அல்லது துப்பறியும் கதைகளோ நிறைந்த அந்த நாட்களில் இது போன்ற கதைகள் ஒரு மாற்றத்தை தந்தது. மினி லயன் பற்றி மேலும் தெரிந்து கொள்ள இங்கே கிளிக் செய்யவும்.

கருப்பு பாதிரி மர்மம்-லயன் காமிக்ஸில் இரட்டை வேட்டையர்கள் வந்து கலக்கி கொண்டு இருந்த நேரத்தில் இந்த புயல் வேக ரெட்டையர்கள் மினி லயனில் தோன்றினார்கள். மொத்தமே ரெண்டே ரெண்டு கதைகளில் வந்து இருந்தாலும் கூட அவர்களை இன்னமும் என்னால் மறக்க இயலவில்லை. ஐயா கிங் விஸ்வா, இவர்களை பற்றிய ஒரு முழு நீள பதிவினை இடுமாறு உங்களை வேண்டிக் கொள்கிறேன், வழக்கம் போல முத்து விசிறி அவர்களிடம் இந்த கதைகளும் ஒரிஜினலும் இருக்குமல்லவா?

மர்ம தீவு-ஆரம்ப காலத்தில் லயன் காமிக்ஸில் வந்த (இரண்டு வண்ணங்களில்) கதையை காமிக்ஸ் கிளாசிக்சில் ரீபிரின்ட் செய்யும்போது இந்த அட்டைப்படத்தை உபயோகித்தனர். ஆர்ச்சி பைக் ஓட்டுவது சூப்பர் ஆக இல்லை? இதனைப் போலவே ஸ்பைடர் மற்றும் இரும்புக் கை மாயாவியும் பைக் ஓட்டினால் எப்படி இருக்கும்?

சிங்கத்தின் குகையில்-என்னால் மறக்கவே இயலாத ஒரு காமிக்ஸ் கதை. தமிழ் காமிக்ஸில் வந்த தலை சிறந்த கதாபாத்திரங்கள் பற்றி யாராவது (வேறு யார்? நம்ம கிங் விஸ்வா'தான்) பதிவிடும்போது இதனை மறக்கவே முடியாது. ஆனால் இந்த அட்டைப்படத்திற்கும் கதைக்கும் துளியும் சம்பந்தம் கிடையாது. இருந்தாலும் ஒன்றுக்கு மூன்று பைக்குகள் இருப்பதால் இந்த அட்டைப்படம் இங்கு வந்துள்ளது. மன்னிக்கவும்.

மரண ஒப்பந்தம்-முத்து காமிக்ஸில் கடந்த சில வருடங்களில் வந்த அட்டைப்படங்களில் ஒரு சிறந்த அட்டைப்படம் இது என்பது பலரின் கருத்து. எனக்கு அதில் உடன்பாடில்லை. இருந்தாலும் ஒரு மசாலா கதைக்கு இந்த மாதிரி மசாலா அட்டைப்படமே சரிப்பட்டு வரும்.

கொலைகார கோமாளி-இந்த கதை திகில் காமிக்ஸில் வந்த ஒரு கருப்பு கிழவி கதைக்கானது ஆகும். அந்த கதையை படிக்க இங்கே செல்லவும்.

ஜேம்ஸ் பாண்ட்-அதிரடி உளவாளி	ராணி காமிக்ஸ்-மர்ம ரோஜா	ராணி காமிக்ஸ்-மரண தண்டனை

அதிரடி உளவாளி-ஜேம்ஸ் பாண்ட் காமிக்ஸ் ஆரம்பித்து சிறப்பாக நடத்திய ஆசிரியர் ராமஜெயத்தின் முதல் இதழ் இது தான். நம்ம விஸ்வா'வின் நண்பர் தான் இதன் பதிப்பாளர். இந்த இதழின் ஒரிஜினல் ஆபிஸ் காபி புத்தகங்களை இன்னமும் கூட விஸ்வா வைத்துள்ளார் என்பது சிறப்பு அம்சம். இதனை பற்றி மேலும் தெரிந்து கொள்ள, இங்கு செல்லவும். - தமிழ் காமிக்ஸ் உலகம்.

மர்ம ரோஜா-ராணி காமிக்ஸில் ஆசிரியர் ராமஜெயத்தின் கடைசி இடழ் இதுதான். இந்த புத்தகத்தில் மொத்தம் மூன்று கதைகள் இருக்கும். இரண்டாவது கதை தான் நம்ம சூப்பர் ஹீரோ டைகர் தோன்றிய கடைசி கதை - ஆம், அதில்தான் பாட்ஷா கைது செய்யப்படுவார். நினைவு இருக்கிறதா?

மரண தண்டனை-இந்த கதையில் பைக் வரவே வராது. அட்டையில் கூட இன்ஸ்பெக்டர் ஆசாத் பைக்கில் இருந்து இறங்கிக் கொண்டுதான் இருப்பார். நான் கேட்ட சில பல அட்டைப்படங்களை நண்பர்கள் என்றழைக்கப்படும் சில துரோகிகள் தராததால் இந்த அட்டைப்படங்களை எல்லாம் போட்டு ஒப்பேற்ற வேண்டி இருக்கிறது. வேறென்ன செய்ய?

அசோக் காமிக்ஸ்-ரகசிய எதிரி	முத்து காமிக்ஸ்-விசித்திர கொள்ளையர்

ரகசிய எதிரி-தமிழ் காமிக்ஸில் வந்த முதல் மட்டும் முழுதான பைக்கர் ஹீரோ யாரென்றால் அது நம்ம ஜேசன் வைல்ட் தான். பெயர்க்கு ஏற்றார்ப் போலவே வைல்ட் ஆகவே வண்டி ஓட்டுவார். இதே வரிசையில் வந்த ஜான் சில்வர் ஒரு விமான பைலட் - அவருக்கு ஏற்படும் அனுபவங்கள் சிறப்பான ஒரு கதை வரிசையை ஏற்படுத்தியதால் அதனை தொடர்ந்து அந்த ஆசிரியர்கள் இந்த பைக்கர் ஹீரோவை உருவாக்கினர். என்ன துரதிர்ஷ்டம் என்றால் இவரின் கதைகள் தமிழில் மொத்தமே மூன்று முறை தான் வந்து இருக்கிறது. இறந்து முறை அசோக் காமிக்ஸில். மூன்றாவது கதை எந்த காமிக்ஸில் வந்தது என்று சொல்வோருக்கு சிறப்பு பரிசு உண்டு.

விசித்திர கொள்ளையர்-இந்த அட்டைப்படத்தை நான் கடைசியாக போட்டதற்கு ஒரு காரணம் உண்டு. ஆம், கதையில் கூட இந்த காட்சி கடைசியில் தான் வரும். இந்த ஜோடி தப்பிக்கும்போது பைக்கை உபயோகிப்பார்கள். அது ஒரு சிறப்பான பைக் ஆகும்.

நன்றியுடன்,
ஒலக காமிக்ஸ் ரசிகன்.

பறக்கும் தட்டு - கண்டுபிடிப்பாளர் மரணம்

2010-02-15T19:56:00.000+05:30

அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கங்களையும் தெரிவித்து கொள்ளுகிறேன். சென்றவாரம் நான் செய்தித் தாளில் படித்த ஒரு தகவலே இந்த பதிவுக்கு மூல காரணம். ஆம், நானும் நம்முடய மருத்துவர் ஐயா போலவே பதிவுகளை இட ஆரம்பித்து விட்டேன். அதன் விளைவே இந்த பதிவு இப்போது உங்கள் பார்வையில்.

நம்மில் அனைவருமே சிறுவயதில் பிரிஸ்பீ என்று ஆங்கிலத்தில் அழைக்கப்படும் பறக்கும் தட்டினை கொண்டு விளையாடி இருப்போம். கிராமத்தில் இருந்த சிறுவர்கள் கூட எண்பதுகளில் இந்த பறக்கும் தட்டினை வைத்து விளையாடி மகிழ்ந்த காலம் உண்டு. அந்த பறக்கும் தட்டினை கண்டுபிடித்த வால்டர் மோரிசன் என்ற அமெரிக்கர் கடந்த வாரம் செவ்வாய்க்கிழமை அன்று மரணம் அடைந்தார்.இதோ அவரைப் பற்றிய தகவலும் புகைப்படமும்.

காமிக்ஸ் இதழ்களில் பல பறக்கும் தட்டு கதைகள் வந்து இருந்தாலும் எனக்கு மிகவும் பிடித்த கதை இதோ - ஓவியர் மாலியின் கைவண்ணத்தில் பறக்கும் தட்டு பார்க்க ஏதோ ஒரு லட்டு போல இருக்கும். 007 ஜேம்ஸ் பாண்ட் கூட பார்க்க ஹிந்தி நடிகர் ராஜ் பாப்பர் போல காட்சி அளிப்பார்.

ஸ்வீடன் நாட்டில் இருந்து வெளிவந்த செமிக் என்ற பதிப்பகத்தார் வெளியிட்ட ஜேம்ஸ் பாண்ட் கதைகளை ஆசிரியர் திரு ராமஜயம் அவர்கள் முதன்முதலில் வெளியிட்டார். அதன் பின்னர் ராணி காமிக்ஸ் நிறுவனமும் தங்களின் ராணி சிண்டிகேட் மூலம் ராணி காமிக்ஸில் அந்த நாட்டு கதைகளை வெளியிட ஆரம்பித்தனர். அவற்றில் ஒன்றுதான் இந்த கதை.

சரி, வெறும் இந்த அட்டைப்படத்தை மட்டும் போடவேண்டாம், வேறு ஏதாவது தகவல் இருந்தால் அளிக்கலாம் என்று எண்ணி கூகுல் இமேஜசில் சென்று பறக்கும் தட்டு" என்று டைப் செய்து தேடித் பார்த்தால், நம்ம கிங் விஸ்வாவின் பறக்கும் குண்டு பதிவின் லிங்க் வருகிறது. என்ன கொடுமை சார் இது?

நன்றியுடன்,
ஒலக காமிக்ஸ் ரசிகன்