Showing posts with label Lion comics. Show all posts
Showing posts with label Lion comics. Show all posts

Wednesday, January 9, 2013

லயன் முத்து காமிக்ஸ் எடிட்டர் விஜயன் அவர்களின் பேட்டி

மக்கள்ஸ்,

இந்த இடத்தில் கருத்து சொல்ல நமக்கு வேலையே இல்லை. படித்து தெரிந்து கொள்ளுங்கள் தோழர்களே.

லயன் முத்து காமிக்ஸ் எடிட்டர் விஜயன் அவர்களின் பேட்டி - இன்றைய டெக்கன் கிரானிக்கல் நியூஸ் பேப்பரில்
Deccan Chronicle Chennai Chronicle Dated 09012013 Page No18 Editor SV's Interview

நண்பர்களே, இது வரை பொறுமையாக படித்தமைக்கு நன்றி. உங்களின் விமர்சனங்களையும் பதில்களையும் எனக்கு ஏன் நீங்கள் பின்னுட்டமாக இட கூடாது?

நன்றியுடன்,   
ஒலக காமிக்ஸ் ரசிகன்.

Sunday, April 1, 2012

ஆசை தோசை அப்பளம் வடை - தலை வாங்கி குரங்கு - ஒரு ஆசையான பார்வை

மக்கள்ஸ்,

சாவு வீட்ல சன் மியூசிக் பாக்குற மாதிரி நல்ல இருக்குற நம்ம தமிழ் காமிக்ஸ் உலகத்துல கொஞ்சம் அதிகமாக ஆசைப்பட்ட ஒரு தீவிர காமிக்ஸ் ரசிகனின் கற்பனையே இந்த பதிவு. கொஞ்சம் ஆசை, கொஞ்சம் பேராசை இரண்டும் சேர்ந்த கலவை தான் இந்த பதிவு.

இங்கே பக்கத்துல தலை வாங்கி கையில கத்தியோட வெட்ட காத்திருக்கிறது யார தெரியுமா? நம்மள மாதிரி காமிக்ஸ் ரசிகர்களைத்தான். என்னடா இது சவுக்கு தோப்பு சங்கீதக் கச்சேரில  சவுண்ட் எஃபக்ட் கம்மின்னு கம்ப்ளைன்ட் பண்ற மாதிரி இருக்கேன்னு பாக்குறீங்களா? பதிவை முழுசா படிங்க. பின்னாடி தெரியும்.

தலை வாங்கி ஃபீவர்: கடந்த ஒரு மாதமாகவே தமிழகம் முழுவதும் தமிழ் கூறும் நல்லுலகம் முழுவதுமாக தலை வாங்கி எங்கே? தலை வாங்கி எப்போ வரும்? என்று ஒரு கதறலாக இருந்தது. அந்த கதறலை ஒரு முடிவுக்கு கொண்டு வரும் விதமாக நேற்று முதல் அனைவருக்கும் காமிக்ஸ் கிளசிக்ஸ் லேட்டஸ்ட் இதழ் தலை வாங்கி குரங்கு அனுப்பப் பட்டு இருக்கிறது. எனக்கும் வந்து விட்டது. ஆனால் பதிவிட வேண்டாம் என்று நண்பர் இரவுக் கழுகு கேட்டுக் கொண்டதின் விளைவாக அமைதியாக இருந்தேன். இப்போது கூட தலைவர் முத்து விசிறியின் இந்த பதிவை பார்த்து விட்டே ஆதங்கத்துடன் இந்த பதிவினை இடுகிறேன்.

நம்ம எடிட்டர் சார் மிகவும் நேர்த்தியாக காரணங்களை கூறினாலும் கூட தலை வாங்கியை கலரில் சந்திக்கவே ஆவல். பின்னே என்னங்க, கர்ணன் படமே மேம்படுத்தப்பட்டு அரங்கு நிறைந்த காட்சிகளாக தூள் கிளப்பும்போது தலை வாங்கிக்கு என்ன குறைச்சல்? ஒரு வேலை எடிட்டர் சார் தலை வாங்கியை கலரில் வெளியிட்டு இருந்தால் எப்படி இருந்திருக்கும் என்ற அதீத கற்பனையின் விபரீத விளைவே இந்த பதிவு:

TVK Coverதலை வாங்கிக் குரங்கின் முதல் பக்கம் - முழு வண்ணத்தில் வந்திருந்தால் எப்படி இருக்கும்?

Comics Classics Issue No 27 Dated Mar 2012 Tex Willer Thalai Vangi Kurangu Pg 03

எடிட்டர் சார் இப்படி பதிவிட்டதால் கலகக் குரல் கிளம்பி விட்டதாக நினைத்து விடாதீர்கள். இந்தப் பதிவுக்கும் ஒரு காரணம் இருக்கிறது. அந்த காரணத்தை உங்கள் பார்வைக்கு முன்வைக்கவே இந்த பதிவு.

தமிழ் காமிக்ஸ் வியாபாரிகள்: கடந்த பல ஆண்டுகளாக (தேங்க்ஸ் டு கிங் விஸ்வா மற்றும் அவரது பதிவுகள்) காமிக்ஸ் பற்றிய ஆர்வமும் puththaga சேகரிப்பும் அனைவரிடமும் தொற்றிக்கொண்டு விட்டது. அதனை சில புல்லுருவிகள் காமிக்ஸ் ரசிகர்கள் என்கிற பெயரில் தவறாக உபயோகிக்க ஆரம்பித்தார்கள். முதலில் அவர்கள் செய்தது டெக்ஸ் வில்லர் கதையாகிய இருளின் மைந்தர்கள் கதையை கலரில் நாங்கள் அச்சிட்டுள்ளோம், விலை ஐந்தாயிரம் ரூபாய்தான் என்று சில காமிக்ஸ் வெறியர்களை தூண்டில் போட்டு கொக்கியில் பிடித்ததுதான். நல்ல கவனியுங்க, வித்தவங்க மேல் தப்பு சொல்லல, வாங்குனவன்   மேலேயும் தப்பு சொல்லல. ஆனால் அப்படி கலர் காமிக்ஸ் பற்றிய ஒரு வெற்றிடம் இருப்பதால் இந்த காமிக்ஸ் வியாபாரிகள் அதனை சிறப்பாக உபயோகப்படுத்த ஆரம்பித்து விட்டார்கள்.

இரத்தப்படலம் ஜம்போ ஸ்பெஷல் வருகின்ற வேளையில் கூட இதே கும்பல் ஒரு காமெடி வேலையை செய்ய நினைத்தது. நல்லவேளையாக டாக்டர் செவனின் புண்ணியத்தில் அந்த வேலை அதோகதியாக அந்தரத்திலேயே நின்று விட்டது.இவர்களே நடுவில் இனிமேல் லயன் காமிக்ஸ் வராது என்றெல்லாம் கதை கட்டி விட்டதை அனைவரும் அறிவார்கள்.

இப்போது இவர்கள் செய்யும் பணி என்னவென்றால் லயன் காமிக்ஸ் இதழ்களில் எதெல்லாம் ரீபிரின்ட் ஆகிறதோ, அவற்றை எல்லாம் கலரில் ருபாய் ஐந்தாயிரம் என்று விற்று விட ஒரு பெரிய பிளான் போட்டு வேலை செய்துக்கொண்டு இருக்கிறார்கள். அதன் முதல் கட்டமே இந்த தலை வாங்கி குரங்கு கதையின் கலர் பிரின்ட்.

ஆமாம், இன்றுதான் எனக்கு தெரிய வந்தது. தலை வாங்கி குரங்கை ருபாய் ஐந்தாயிரம் கொடுத்தால் கலரில் படிக்கலாம். முழு புத்தகமும் கலரில் உள்ளது என்று ஒரு பெரிய மார்கெட்டிங் கும்பல் கிளம்பியுள்ளது. வாசகர்கள் ஜாக்கிரதை.

எடிட்டர் சாருக்கு ஒரு வேண்டுகோள்: சார், தயவு செய்து அடுத்து நீங்கள் வெளியிடவுள்ள டெக்ஸ் வில்லர் கதையை நீங்களே கலரில் வெளியிட்டு விடுங்களேன்? இந்த மாதிரி அத்தனைக்கும் ஆசைப்படுகிற எங்களை மாதிரி காமிக்ஸ் ரசிகர்கள் பலியாகாமல் இருப்போமல்லவா?

நண்பர்களே, இது வரை பொறுமையாக படித்தமைக்கு நன்றி. உங்களின் விமர்சனங்களையும் பதில்களையும் எனக்கு ஏன் நீங்கள் பின்னுட்டமாக இட கூடாது?

நன்றியுடன்,   
ஒலக காமிக்ஸ் ரசிகன்.

Tuesday, March 22, 2011

துப்பறியும் சிங்கம் ராயன்–Buck Ryan 22nd March 1937

பேரன்பிற்கும் பெருமதிப்புக்கும் உரிய அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கங்களையும் தெரிவித்து கொள்கிறேன். சமீப காலமாகவே ஏனோ பதிவிடவே தோன்றவில்லை. அதுவும் அரசியல் களம் சூடுபிடிக்கும் இந்த தருணத்தில் அது சார்ந்த வேலைகள் நம்மை போர் மேகம் போல சூழ்ந்து இருக்க, ஏனோ ஒரு நாளைக்கு இருபத்தி நான்கு மணி நேரம் என்பது சற்று குறைவாகவே தோன்றுகிறது. அதைப்போலவே விஜய் டிவியில் அந்த நேரலை நிகழ்ச்சியில் என்னை அடையாளம் கண்டு கொண்டு மின் அஞ்சல் அனுப்பிய தோழர்களுக்கு நன்றி. நன்றி.

இனிமேல் இந்த தளத்தில் சற்று தகவல் சார்ந்த பதிவுகளை இடலாம் என்று உள்ளேன். அது பற்றி உங்கள் கருத்துக்களை தெரிவியுங்கள். பார்க்கலாம். தகவல் சார்ந்த என்றால் இன்று ஒரு காமிக்ஸ் தகவல் போல. அதாவது ஒவ்வொரு நாளும் காமிக்ஸ் வரலாற்றில் நடந்த சன்பவங்களை பற்றிய மினி பதிவாக இருக்கும். உங்களுக்கு ஒக்கே என்றால் எனக்கும் ஒக்கே. பார்க்கலாம், முதலில் வாரம் ஒரு பதிவாவது இட முடிகிறதா என்று. அதன் பின்னர் தினம் ஒரு காமிக்ஸ் தகவல் என்ற கான்செப்டை தொடரலாம். இன்று ஒரு காமிக்ஸ் தகவல் என்ற கான்செப்ட் எப்படி உருவானது என்றால் தமிழ் காமிக்ஸ் உலகில் முக்கியமான கதாநாயகர்கள், சிருஷ்டி கர்த்தாக்கள், படைப்பாளிகள், முக்கிய நிகழ்வுகள் போன்றவற்றை உங்களுக்கு அறிமுகம் செய்ய உதவும் ஒரு சாளரம் தேவை என்ற கருத்தின் வெளிப்பாடே.

முதலில் துப்பறியும் சிங்கம் ராயன் அவர்களை பற்றிய தகவலுடன் இன்றைய பதிவை துவக்குகிறேன். சரியாக 74 ஆண்டுகளுக்கு முன்பாக இன்றைய தினத்தில் தான் (22nd March 1937) தமிழில் துப்பறியும் சிங்கம் ராயம் (டிடெக்டிவ் ஜூலியன்) அறிமுகம் ஆனார். அவர் தோன்றியதே ஒரு சுவையான விபத்துதான். இந்த கதாபாத்திரத்தை உருவாக்கியவர் பெயர் டான் ப்ரீமன். இவர் இங்கிலாந்தில் வெளிவந்த டெய்லி மிர்ரர் என்ற ஆங்கில தினசரியில் பணிபுரிந்தார். இவரும் ஜாக் மான்க் என்கிற ஓவியரும் இனைந்து எட்கார் வாலஸ் அவர்களின் டெர்ரர் கீப் என்ற தொடரை காமிக்ஸ் வடிவில் கொண்டு வந்திருந்தனர். ஆனால் அந்த கதையின் உரிமம் குறித்த பிரச்சினை காரணமாக அந்த தொடர் திடீரென்று பாதியில் நிறுத்தப்பட்டு விட்டது. அந்த தொடருக்கு பதிலாக திடீரென்று ஆரம்பிக்கப்பட்ட தினசரி காமிக்ஸ் தொடரே பக் ரயான் ஆகும்.

இந்த பக் ரயான் தொடர் மிகவும் சிறப்பான வரவேற்ப்பு பெற்று இருபத்தி  ஐந்து ஆண்டுகள் தொடர்ந்து டெய்லி மிரர் பத்திரிக்கையில் வந்து சாதனை புரிந்தது. முப்பதுகளின் முடிவிலும், நாற்பதுகளிலும் இங்கிலாந்தில் மிகவும் புகழ் பெற்ற பிரைவேட் ஐ என்ற தனியார் துப்பறியும் கதை வரிசையை சார்ந்து இந்த பக் ரயான் கதைகள். இந்த கதைகளை தமிழில் கொணர்ந்தது தனி கதை.

Buck Ryan Detective Julian Drawn By Jack Monk in Daily Mirror Sample 2 Buck Ryan Detective Julian Drawn By Jack Monk in Daily Mirror

ராணி காமிக்ஸ் 1984 ஆம் ஆண்டு துவக்கப்பட்டபோது வாராந்தரி ராணி இதழில் இருந்த திரு ராமஜெயம் அவர்களை அழைத்து ராணி காமிக்ஸின் ஆசிரியராக பதிவி உயர்வு தந்தனர் (பின்னர் இதுவே ஒரு கோர்ட் கேஸ் ஆனது வேறு கதை). அவரும் ஜேம்ஸ் பான்ட் கதைகள், ப்லீட்வே நிறுவனத்தினரின் வெஸ்டர்ன் கதைகள் (செவ்விந்தியர், குதிரை வீரர் கதைகள்), சாகச கதைகள் என்று வெளியிட்டு கொண்டு இருந்தார். ஒரு குறிப்பிட்ட காலத்திற்கு பிறகு கதைகளின் தட்டுப்பாடு ஏற்படவே டெய்லி மிரார் பத்திரிக்கையின் கதைகளை அசோசியேடட் பிரெஸ் மூலமாக தமிழில் கொணர்ந்தார். அப்படி வந்தவர்தான் பக் ரயான். ஆங்கில பெயரான பக் ரயான் என்பது அங்கே ஓக்கேதான். ஆனால் தமிழில் இந்த பெயர் உச்சரிக்க கடினமாக இருந்த காரணத்தினால் அப்போதைய ராணி காமிக்ஸ் எடிட்டர் திரு ராமஜெயம் அவர்கள் அந்த பெயரை துப்பறியும் சிங்கம் ராயன் என்று மாற்றினார். ராயன் தமிழில் வந்த முதல் கதை மயக்க ஊசி ஆகும்.

அழகிப்போட்டியில் ஜெயிக்கும் பெண்ணின் பரிசுப்பணத்தை அபகரிக்க நினைக்கும் கொடியவர்களின் கொட்டத்தை ராயன் அடக்குவது இந்த கதையின் சாராம்சம். தெளிவான சித்திரங்களும், அலட்டல் இல்லாத நடையும், நம்பும்படியாக இருக்கும் கதையோட்டமும் இந்த தொடரின் சிறப்பு அம்சங்கள்.

ராணி காமிக்ஸ் எகிப்திய மம்மி அட்டைப்படம்

முதல் ராயன் கதை - மயக்க ஊசி

Rani Comics Issue 57 Nov 1 1986 Egipthiya Mummy 2nd Story Buck Ryan First Appearance Rani Comics Issue 57 Nov 1 1986 Egipthiya Mummy 2nd Story Buck Ryan First Appearance 1st Page

இந்த கதையின் வரவேற்ப்பை பற்றி சரிவர கணிக்க முடியவில்லை. ஏனென்றால் அட்டைப்படத்தில் வந்த எகிப்திய மம்மி என்ற கதை மிகவும் வித்தியாசமான கதையோட்டத்தை கொண்டிருந்த காரணத்தினால் புத்தகத்தின் வெற்றி முதல் கதைக்கா அல்லது இரண்டாவதாக வந்த மயக்க ஊசி கதைக்கா என்பது புரியாத புதிராக இருந்தது.

இரண்டாவதாக வந்த ராயன் கதை துப்பறியும் பெண் என்ற கதையாகும். இந்த கதையானது முழுநீள கதையாக (அதாவது புத்தகம் முழுவதும் வரும் ஒரே கதையாக) வெளிவந்தது. ஆனால் இந்த கதையிளும்கூட அட்டையில் ரயான் தோன்றவில்லை. அவரது உதவியாளரே வருகிறார். ஒரு விஞ்ஞானி, அவரின் உதவியாளர், மர்மமான நிகழ்வுகள், முக்கியமான முடிச்சுகள், துடிப்பான ஓட்டம் என்று கதை சுவாரஸ்யமாக நகருகிறது.

அட்டையில் ராயன் பெயர் கொண்ட முதல் கதை துப்பறியும் பெண்

ராணி காமிக்ஸில் வந்த இரண்டாவது ராயன் கதை 

Rani Comics Issue 69 May 1 1987 Thuppariyum Pen Buck Ryan 2nd Appearance Rani Comics Issue 69 May 1 1987 Thuppariyum Pen Buck Ryan 2nd Appearance 1st Page

மிகவும் கன்சர்வேடிவ் ஆக இருக்கும் தமிழ் காமிக்ஸ் உலகிற்கு இந்த அட்டைப்படம் ஒரு கிளு கிளு அனுபவத்தை அளித்தது. கிளிவேஜ் காட்டி வந்த முதல் அட்டைப்படம் இதுவாகவே இருக்கும். அதற்காகவே இந்த புத்தகம் அன்றைய விசிலடிச்சான் குஞ்சுகளால் மிகவும் ரசிக்கப்பட்டது (வழக்கமாக அனைத்து ஜேம்ஸ் பாண்ட் கதைகளும் இந்த அம்சதிற்காகவே ரசிக்கப்பட்டது என்று சொல்பவர்களும் உண்டு).

மூன்றாவதாக வந்த அட்டைப்படம் அதையும் தாண்டி ஒருபடி மேலே சென்று டூ பீஸ் லெவலில் கவர்ச்சி காட்டியது. கதையும் சற்று கிளுகிளுப்பாகவே நகரும். இந்த கதையில் ஒரு முக்கிய விஷயம் இருந்தது. அதாவது இது ஒரு குறிப்பிட்ட கதை வரிசையில் இரண்டாம் பாகம் ஆகும். ஆனால் முதலில் படிப்பவர்களுக்கு அந்த எண்ணமே தோன்றாமல் அதனை எடிட் செய்து திரு ராம ஜெயம் அவர்கள் அளித்த விதம் இன்றும் பலரை ஆச்சர்யப்பட வைக்கிறது. 

ஜனாதிபதி கொலை அட்டைப்படம் - கவர்ச்சி கன்னிதான் அட்டையில்

திரு ராமஜெயம் அவர்களின் மேற்பார்வையில் கடைசி ராயன் கதை

Rani Comics Issue 83 Dec 1 1987 Janathipathi Kolai Buck Ryan 3rd Appearance Rani Comics Issue 83 Dec 1 1987 Janathipathi Kolai Buck Ryan 3rd Appearance 1st Page

கதையோட்டம் இப்படி செல்லும்: இங்கிலாந்தில் இருக்கும் ரயான் ஒரு கொலை முயற்சியை தடுக்கிறார். கொல்லப்ப இருந்தவர் ஒரு நாட்டின் ஜனாதிபதி. அவரை சொந்த நாட்டிற்க்கு திரும்ப விடாமல் ஒரு கொலைகார கூட்டம் முயல்கிறது. அதன் தலைவன் ஒரு ராணுவ கேப்டன் (அப்பாடா, கதை தலைப்பு செட் ஆகிவிட்டது). ரயான் அவர்களின் முயற்சிகளை முறியடித்து அவர்களின் கண்களில் மண்ணை தூவி விட்டு அவரை சொந்த நாட்டிற்க்கு கொண்டு செல்வதே கொலைகார கேப்டன் என்ற முதல் பாகத்தின் கதை. 

இரண்டாவது பாகத்தில் அந்த தீவில் ஜனாதிபதியின் ஆசை நாயகி (முன்னாள் காபரே ஆட்டக்காரி) ஆட்சியை அபகரிக்க செய்யும் சூழ்சிகளும், அதனை ரயான் அடக்கும் சாகசங்களுமே கதை. பிணத்தை ஐஸில் வைத்து பாதுகாப்பது, கொலைக்கருவியை மறைப்பது என்று கதை சற்று வேறுபட்டு நடக்கிறது.

முதன் முதலாக அட்டையில் ராயன் - கொலைகார கேப்டன்

ராயனின் கடைசி கதை கொலைகார கேப்டன்

Rani Comics Issue 102 Sept 16 1988 Kolaikara Captain Buck Ryan 4th Appearance Rani Comics Issue 102 Sept 16 1988 Kolaikara Captain Buck Ryan 4th Appearance 1st Page

இதன் பின்னர் வேறெந்த ரயான் கதைகளும் ராணி காமிக்ஸில் வெளிவரவில்லை. ஜனாதிபதி கொலை கதை மற்றும் வண்ணத்தில் ரீபிரின்ட் செய்யப்பட்டது (மிகவும் மோசமான கதையமைப்புடன்). இதன் பின்னர் சுமார் பத்து வருடங்கள் ரயான் அவர்களின் கதை தமிழில் வரவில்லை. பின்னர் லயன் காமிக்ஸில் இந்த ஹீரோவே டிடெக்டிவ் ஜூலியன் என்ற பெயரில் வந்தபோது பழைய காமிக்ஸ் ரசிகர்கள் பலரும் மிகவும் சந்தோஷப்பட்டனர். ஒரு நல்ல கதை தொடர் மறுபடியும், வேறொரு காமிக்ஸ் இதழில் வேறொரு பெயரில் மிகவும் நல்ல தமிழாக்கத்துடன் வெளிவந்தால் யார்தான் சந்தோஷப்படமாட்டார்கள்?

டிடெக்டிவ் ஜூலியன் முதல் கதை லயன் காமிக்ஸில்

கார்ட்டூன் கொலைகள்-துப்பறியும்சிங்கம் ராயன் டிடெக்டிவ் ஜுலியனாக மாறினார்

Lion Comics Issue 152 Sept 1999 Detective Julian Buck Ryan Cartoon Kolaigal Wrapper Lion Comics Issue 152 Sept 1999 Detective Julian Buck Ryan Cartoon Kolaigal 1st Page

இந்த கால கட்டத்தில் பல ராணி காமிக்ஸ் ஹீரோக்களும், ஹீரோயின்களும் லயன் மற்றும் முத்து காமிக்ஸில் வெளிவந்தனர் மற்றும் வெளிவர இருந்தனர். (இதனைப்பற்றிய பதிவு விரைவில்). கார்ட்டூன் கொலைகள் ஒரு தொழில் முறை விரோதம் காரணமாக நிகழும் தொடர் கொலைகளை பற்றிய சுவையான கதை. மிகவும் ரசிக்கத்தக்க திருப்பங்களும், தெளிவான கதையோட்டமும் கொண்ட இந்த கதை உங்களை மிகவும் ரசிக்க வைக்கும் என்பதில் இருவேறு கருத்திருக்க இயலாது.

லயன் காமிக்ஸில் வந்த இரண்டாவது டிடெக்டிவ் ஜூலியன் கதை பரலோகப்பரிசு. இந்த கதை என்னை மிகவும் ரசிக்க வைத்த ஒன்றாகும். மொக்கையான கேள்விகளை கேட்டு அதனை ஒரு போட்டியாக வைத்து அதற்க்கு லட்சக்கணக்கில் பரிசுகளை வழங்குகிறது. இதன் பின்னர் இருக்கும் மர்மம் பற்றி விளங்காத மர்மத்தை விளக்கும் கதையாகும் இது. இதனைப்பற்றி வேறுதுவும் இப்போதைக்கு சொல்வதற்கில்லை. ஏன் என்பதை அடுத்த பேராவில் சொல்கிறேன்.

ராயன் - டிடெக்டிவ் ஜூலியன் - லயன் காமிக்ஸில் இரண்டாவது கதை

பரலோகப்பரிசு - ஒரு சிறந்த துப்பறியும் கதை

Lion Comics Issue 158 Feb 2000 Detective Julian Buck Ryan Paraloga Parisu Wrapper Lion Comics Issue 158 Feb 2000 Detective Julian Buck Ryan Paraloga Parisu 1st Page

மூன்றாவதாக வந்த கதை முத்து காமிக்ஸில் வந்தது. தலைப்பே மிகவும் வித்தியாசமானது. நொறுங்கிய நாணல் மர்மம் - சரிதானே? ஏன் இந்த கதைகளைப்பற்றி அதிகம் சொல்ல வில்லை என்றால் இந்த மூன்று புத்தகங்களும் தற்போது லயன் காமிக்ஸ் ஆபீசில் விற்பனைக்கு கிடைக்கின்றன. இந்த மூன்று புத்தகங்களையும் வாங்கி படித்து மகிழுங்கள். சுமார் அறுபது, எழுபது ஆண்டுகளுக்கு முன்னர் வெளிவந்த ஒரு கோல்டன் ஒல்டி கதையை வெறும் ஐந்து ரூபாய்க்கும், பத்து ரூபாய்க்கும் படிக்கும் வாய்ப்பு உங்களுக்கு அவ்வளவு எளிதில் வாய்க்காது.

முத்து காமிக்ஸில் முதல் முறையாக ஜூலியன் வருகை

நொறுங்கிய நாணல் மர்மம் - லேட்டஸ்ட் கதை - தூள் கதை

Muthu Comics Issue No 311 Dated 03-02-2009 Buck Ryan Detective Julian Norungiya Naanal Marmam Front Cover Muthu Comics Issue No 311 Dated 03-02-2009 Buck Ryan Detective Julian Norungiya Naanal Marmam 1st Page

நீங்கள் செய்ய வேண்டியது என்னவெனில் உடனடியாக இந்த தொலைபேசி எண்ணிற்கு போன் செய்யுங்கள்.

Phone Number: +91-4562 272649 (IST: 10.00 AM – 05.00 PM)

Mail ID: Lioncomics@yahoo.com

Dashiellhammettஎனக்கு பக் ரயானை பற்றிய சிந்தனைகள் வரும்போதெல்லாம் உடனடியாக தோன்றும் மற்றுமொரு சிந்தனை இந்த படத்தை பற்றியதாகும். மால்டீஸ் பால்கன் என்ற இந்த படமானது காமிக்ஸ் ரசிகர்களுக்கு பிடிக்க பல காரணங்கள் இருந்தாலும் தலையாய காரணம்: இந்த படத்தின் கதையை எழுதியவர் நம்ம காமிக்ஸ் ரசிகர்களுக்கு நன்கு பரிச்சயம் ஆன டஷீல் ஹாம்மெட் ஆகும். இந்த டஷீல் ஹம்மெட் தான் நம்ம பயங்கரவாதி டாக்டர் செவனின் பரம எதிரியாகிய சீக்ரெட் ஏஜன்ட் காரிகனை உருவாக்கியவர்.

லக்கி லுக் மற்றும் டெக்ஸ் வில்லர் கதைகளில் வரும் பிங்கர்டன் துப்பறியும் ஏஜென்சியில் சிறு வயதிலேயே (21) வேலைக்கு சேர்ந்து ஏழு வருடங்கள் பணி புரிந்தார் டஷீல் ஹாம்மெட்.  அந்த அனுபவத்தின் காரணமாகவே அவர் பல துப்பறியும் கதைகளை எழுதினர். அந்த நாவல்கள் பலவும் பின்னர் சினிமாவாகவும் உருப்பெற்றன. அவற்றில் மிகவும் போற்றப்படும் ஒன்றே மால்டீஸ் பால்கன் ஆகும்.

maltese-falcon-by-content-artofmanlinessdotcomw499h371 the maltese falcon poster

ஒரு பால்கன் சிலையில் பல கொடிகள் பெறுமானமுள்ள வைர வைடூரியங்கள் மறைத்து வைக்கப்பட்டுள்ளன. பல நூற்றாண்டுகளாக அதனை ஒரு கும்பல் தேடி வருகிறது. பின்னர் பல ஆண்டுகள் அந்த பறவை சிலை காணாமல் போய் விடுகிறது. திடீரென்று அது திரும்பவும் வரும்போது அதனால் ஏற்படும் உயிர்ச்சேதங்களும், அதனை டிடெக்டிவ் சாம் ஸ்பேட் துப்பு துலக்கும் விதமும் அலாதியான ஒரு படம் பார்க்கும் அனுபவத்தை அளிக்கும். மறவாமல் பாருங்கள்.

நண்பர்களே, இது வரை பொறுமையாக படித்தமைக்கு நன்றி. இதனைப் போலவே இன்னமும் பல கட்டுரைகளை வழங்கலாமா? அல்லது சிறப்பு நாட்களை பற்றிய பதிவுகளையாவது இடலாமா?

உங்களின் விமர்சனங்களையும் பதில்களையும் எனக்கு ஏன் நீங்கள் பின்னுட்டமாக இட கூடாது?

நன்றியுடன்,  
ஒலக காமிக்ஸ் ரசிகன்.

Saturday, May 1, 2010

தமிழ் காமிக்ஸ் உலகில் “தல”

பேரன்பிற்கும் பெருமதிப்புக்கும் உரிய அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கங்களையும் தெரிவித்து கொள்ளுகிறேன். இன்று மே தினம். அதாவது உழைப்பாளர் தினம். அதாவது உழைப்பாளர்களின் பெருமையை உலகுக்கு காட்டும் தினமாகும். இந்த நாளில் அனைத்து அரசாங்க மற்றும் தனியார் துறை நிறுவனங்களுக்கும் விடுமுறையாகும். ஆனால், உழைப்பாளர் தினத்திலேயே உழைக்கவில்லைஎனில் மற்ற நாளில் என்ன உழைப்பீர்கள்? என்ற கேள்வியுடன் நண்பர் திரு அய்யம்பாளையம் வெங்கடேஸ்வரன் அவர்கள் விடாபிடியாக இன்றும் தன்னுடைய கடமையை செய்ய பணிக்கு சென்றுள்ளார். அவர் வாழ்க, அவருடைய கடமை உணர்ச்சி வாழ்க.

இந்த உழைப்பாளர் தின நாளில் பிறந்தவர்தான் நம்முடைய அல்டிமேட் ஸ்டார் அஜித். அவரை ரசிகர்கள் செல்லமாக "தல" என்று அழைப்பார்கள். இந்த நாளில் அவரின் பிறந்த நாளை போற்றும் விதமாக இந்நாளில் நமது காமிக்ஸ் உலகில் இதுவரை "தல"யை மைய்யமாக கொண்டு வந்த காமிக்ஸ்களை பற்றி அலசவே இந்த பதிவு.

முதன் முதலில் நான் படித்த "தல" கதை டெக்ஸ் வில்லர் தோன்றும் (அறிமுகமாகும்) தலை வாங்கி குரங்கு. எனக்கு இன்னமும் நினைவிருக்கிறது அந்த நாள். டெக்ஸ் கூட ஒரு ஜென்டில் மென் ஹீரோதான் (ஆனால் நண்பர் கனவுகளின் காதலன் அவர்கள் எப்போது டெக்ஸின் கப்படிக்கும் சட்டையை பற்றியே கூறுவதால் ஒருவேளை அவர் இத கருத்தில் இருந்து மாறுபடலாம்). நம்ம தல போல வருமா என்று பாடல் வரும்போது எனக்கு என்னமோ டெக்ஸ் தான் நினைவுக்கு வருகிறார். 

லயன் காமிக்ஸ் - முதல் டெக்ஸ் கதை - தலை வாங்கி குரங்கு 

லயன் காமிக்ஸ் - முதல் டெக்ஸ் கதை - தலை வாங்கி குரங்கு 

Lion019ThalaiVaangiKurangu_thumb1 Lion019ThalaivaangikKuranguBack_thum

அடுத்தபடியாக நான் கடையில் வாங்கிய திகில் காமிக்ஸ் இதழ் - தலையில்லா ராஜா. இதில் வரும் ஒரு கதையை நண்பர் ஒருவர் பல வருடங்களாக பதிவிடுகிறேன் என்று சொல்லியே நாளை கழித்து வருகிறார். இந்த புத்தகம் ஒரு அரிய புத்தகம் ஆகும். கிடைத்தால் என்ன விலையாயினும் வாங்கி விடுங்கள். 

திகில் காமிக்ஸ் - கருப்பு கிழவி கதைகள்-தலையில்லா ராஜா 

திகில் காமிக்ஸ் - கருப்பு கிழவி கதைகள்-தலையில்லா ராஜா 

39 Thalaiyilla Raja New_Thalaiyilla Raaja

பிறகு ராணி காமிக்ஸில் முகமூடி வீரர் மாயாவி (மாயாவி குத்து கும்மாங்குத்து - மறக்க முடியுமா?) தோன்றும் தலை வெட்டி மன்னன் கதை. இது போன்ற மொக்கையான மொழிமாற்றத்தை யாரும் படித்திருக்கவே இயலாது. என்ன கொடுமை என்றால் கடந்த ஜெனரேஷனில் வந்த பல காமிக்ஸ் ரசிகர்கள் இது போன்ற மொக்கை கதைகளைத்தான் நினைவில் கொண்டிருக்கிறார்கள்.

ராணி காமிக்ஸ் - முகமூடி வீரர் மாயாவி தோன்றும் தலை வெட்டி மன்னன் - மொக்கை தமிழாக்கம்

Rani Comics Phantom Thalai Vetti Mannan

இந்த கதை வேவு வீரர் ஜேம்ஸ் பான்ட் தோன்றும் மொட்டை தலை ஒற்றன் கதையாகும். இந்த கதையையும் இதன் ஆங்கில மூலக்கதையையும் படித்தவர்கள் கேட்ட முதல் கேள்வி இதுதான்: "மொட்டை தலைக்கும் முழங்காலுக்கும் என்னையா சம்பந்தம்?". அந்த அளவுக்கு பல வர்ணனைகள் இந்த கதையில் இருக்கும். மறக்க முடியாத ஒரு ஜெம்: கிளைமாக்சில் ஜேம்ஸ் பான்ட் கூறுவது: "இந்த ஜாடிக்கு மூடி தேவை இல்லை".

ராணி காமிக்ஸ் - வேவு வீரர் 007 - மொட்டை தலை ஒற்றன் - என்னாமா டைட்டில் வைக்கிறாங்கோ?

Rani Comics Mottai Thalai Otran

நான் முத்து காமிக்ஸில் ரசித்து படித்த கதை இந்த கதையாகும். தமிழில் நான் படித்த லாரன்ஸ் டேவிட்டின் முதல் கதை இதுவே. மறக்க முடியாத ஒரு வில்லன் பாத்திரம் இந்த கதையில் வருவார். மிஸ்டர் XYZஐ மறக்க முடியுமா தோழர்களே?

முத்து காமிக்ஸ் - சி.ஐ.டி. லாரன்ஸ் & டேவிட் சாகசம் - தலை கேட்ட தங்க புதையல்

TT-COVER

ஒரு அற்புதமான ஆக்ஷன் சீன் எப்படி அட்டைப்படமாக மாறுகிறது என்பதற்கு இது ஒரு சிறந்த உதாரணம் ஆகும். காமிக்ஸ் கிலாசிக்சில் வந்த இந்த அட்டைப்படதினை பற்றிய விரிவான பதிவினை விரைவில் (ஒரிஜினல் ஒலக காமிக்ஸ் ரசிகன் ஸ்டைலில்) நீங்கள் படிக்கலாம். குறிப்பாக டேவிட் எப்படி ஆபரேஷன் செய்யப்பட்டு மாறுகிறார் என்பதே முக்கிய அம்சம். மறந்து விடாதீர்கள்.

காமிக்ஸ் கிளாசிக்ஸ்  - சி.ஐ.டி. லாரன்ஸ் & டேவிட் சாகசம் - தலை கேட்ட தங்க புதையல்

CC 14-2

நண்பர்களே, இது வரை பொறுமையாக படித்தமைக்கு நன்றி. இதனைப் போலவே இன்னமும் பல ஆராய்ச்சி கட்டுரைகளை வழங்கலாமா? அல்லது சிறப்பு நாட்களை பற்றிய பதிவுகளையாவது இடலாமா?

உங்களின் விமர்சனங்களையும் பதில்களையும் எனக்கு ஏன் நீங்கள் பின்னுட்டமாக இட கூடாது?

நன்றியுடன்,  
ஒலக காமிக்ஸ் ரசிகன்.

Thursday, April 22, 2010

அய்யம்பாளயத்தாரின் அதிரடி அரசியல் பிரவேசம்

பேரன்பிற்கும் பெருமதிப்புக்கும் உரிய அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கங்களையும் தெரிவித்து கொள்ளுகிறேன். தமிழ் காமிக்ஸ் உலகில் பல பதிவர்கள் இருந்தாலும்கூட தனியிடத்தினை பிடித்தவர் திரு அய்யம்பாளையம் வெங்கடேஸ்வரன் அவர்கள். யாருக்கும் அஞ்சாமை, சீரிய சிந்தனை, நேர்மையான போக்கு, என்று பல குணாதிசயங்களை கொண்ட இவர் சுலபத்தில் அனைவரின் கருத்தினையும் கவர்ந்தவர் என்பது உள்ளங்கை நெல்லிக்கனி.

தன்னுடைய காமிக்ஸ் பூக்கள் என்ற சிறுவர் இலக்கிய சிந்தனை வலைப்பூவிலேயே பல அனல் கக்கும் அரசியல் கருத்துக்களை அஞ்சாமல் அள்ளி வீசுபவர் அய்யம்பாளையம் சார் என்பது அவரின் வலைதளத்தினை தொடர்பவர்களுக்கு நன்றாக தெரியும். பல நாட்களாக தன்னுடைய கொள்கைகளை வகுத்துக்கொண்டிருந்த நண்பர் இப்போது அரசியல் உலகில் அடியெடுத்து வைக்கிறார். மிக, மிக விரைவில் கோட்டைக்கு போகப் போகும் அவரைப் பாராட்டி, இந்த நாளில் நமது காமிக்ஸ் உலகில் இதுவரை கோட்டைகளை மைய்யமாக கொண்டு வந்த காமிக்ஸ்களை பற்றி அலசவே இந்த பதிவு.

முதன் முதலில் விஜயன் சாரின் தயாரிப்பில் வந்த கோட்டை கதை இதுதான். இந்த கதையை ராணி காமிக்ஸ் மறுபடியும் வெளியிட்டார்கள். அட்டைப்படம் அட்டகாசம்.

லயன் காமிக்ஸ் Issue No 011 - மாடஸ்டி ப்ளைசி - மரணக் கோட்டை – Death of a Jester

Lion011MaranaKottai2

தொன்னூறுகளில் வெளிவந்த பார்வதி சித்திரக்கதை புத்தகங்களில் வாண்டுமாமா அவர்களின் சிறந்த கதைகள் வெளிவந்தன. அவற்றில் இரண்டு.

பார்வதி சித்திரக் கதைகள் - வாண்டுமாமா - ஓநாய்க் கோட்டை - அங்கதன் கோட்டை அதிசயம்

PCK Onaaik Kottai
PCK Angadhan Kottai Athisayam

ராணி காமிக்ஸ் இதழ்களில் பல கோட்டை சம்பந்தமான கதைகள் வந்தன. அவற்றில் சிலவற்றை உங்களின் பார்வைக்கு வைத்துள்ளேன்.

ராணி காமிக்ஸ் - ஆசிரியர் ராமஜெயம் - கிட கார்சன் சாகசம் - மரக்கோட்டை - அற்புதமான கதை

Rani Comics Marak Kottai

ராணி காமிக்ஸ் - ஆசிரியர் ராமஜெயம் - ஜூலி சாகசம் - பீரங்கிக் கோட்டை - சென்சார் செய்யப்பட்ட படங்கள்

Rani Comics Beerangi Kottai

ராணி காமிக்ஸ் - கொத்தியவர் அ.மா.சாமி - கோட்டைக்குள் குத்து வெட்டு - கிட கார்சன்

Rani Comics Kottaikkul Kuthu Vettu

ராணி காமிக்ஸ் - கொத்தியவர் அ.மா.சாமி - மர்மக் கோட்டை - பெண் சி.ஐ.டி மாடஸ்தி

Rani Comics Marma Kottai

ராணி காமிக்ஸ் - கொத்தியவர் அ.மா.சாமி - கடல் கோட்டை - நெஞ்சை அள்ளும் படக்கதை 

Rani Comics Kadal Kottai

ராணி காமிக்ஸ் - கொத்தியவர் அ.மா.சாமி - கடல் கோட்டை - முகமூடி வீரர் மாயாவி சாகசம்

Rani Comics Kadal Kottai Phantom

ராணி காமிக்ஸ் - கொத்தியவர் அ.மா.சாமி - கொலைகாரன் கோட்டை - கிட கார்சன் சாகசம்

Rani Comics Kolaikaran Kottai

வாண்டுமாமா அவர்களின் எழுத்தில் கோட்டை சார்ந்த மேலும் இரண்டு கதைகள் உங்களின் பார்வைக்கு. இவற்றில் இந்த கரடிக் கோட்டை புத்தகம் இன்னமும் விற்பனைக்கு உள்ளது. மேல் விவரங்களுக்கு இந்த பதிவினை படிக்கவும்.

வாண்டுமாமா - நெருப்பு கோட்டை - இல்லாத புத்தகம்

வாண்டுமாமா - கரடி கோட்டை

Palaniappa Brothers OO81 Neruppu Kottai Karadikkottai

தமிழ் காமிக்ஸ் உலகில் கேப்டன் பிரின்சை தெரியாதவர்கள் குறைவே. அவரின் ஒரே கதை இரண்டு பதிப்பகங்களின் மூலம் வந்துள்ளது. பார்த்து ரசியுங்கள்.

ஸ்டார் காமிக்ஸ் - பனிமலைக்கோட்டை

திகில் காமிக்ஸ் - பனி மண்டல கோட்டை

star comics pani mandala kottai Thigil Comics Pani mandala kottai

வாசகர்களுக்கு ஒரு போட்டி: அரசியல் உலகில் அடியெடுத்து வைக்கும் அய்யம்பாளையம் வெங்கடேஸ்வரன் சாருக்கு பிற்காலத்தில் அரசியல் விடிவெள்ளி, வாழும் கலைஞர், ஓடும் வள்ளுவர் என்றெல்லாம் பட்டப்பெயர்கள் வழங்கப்படும். ஆனால், இப்போதைய நிலையில் (பேரரசர் என்பதை தவிர) வேறு பட்டப்பெயர்கள் இல்லாமல் இருக்கிறார் அய்யம்பாளையம் வெங்கடேஸ்வரன் சார். ஒரு அரசியல்வாதிக்கு அழகே பட்டப்பெயர் தான். ஆகையால் நமது அய்யம்பாளையம் வெங்கடேஸ்வரன் சாருக்கு ஒரு சரியான பட்டப்பெயரை தேர்ந்தெடுத்து வழங்குங்கள்.  பொருத்தமான பெயரை வழங்குபவர்களுக்கு பரிசு பதவி வழங்கப்படும்.

நண்பர்களே, இது வரை பொறுமையாக படித்தமைக்கு நன்றி. இதனைப் போலவே இன்னமும் பல ஆராய்ச்சி கட்டுரைகளை வழங்கலாமா? அல்லது சிறப்பு நாட்களை பற்றிய பதிவுகளையாவது இடலாமா?

உங்களின் விமர்சனங்களையும் பதில்களையும் எனக்கு ஏன் நீங்கள் பின்னுட்டமாக இட கூடாது?

நன்றியுடன்,  
ஒலக காமிக்ஸ் ரசிகன்.

Wednesday, April 21, 2010

தமிழ் காமிக்ஸ் உலகில் ராணிகள்

பேரன்பிற்கும் பெருமதிப்புக்கும் உரிய அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கங்களையும் தெரிவித்து கொள்ளுகிறேன்.இன்று ஏப்ரல் இருபத்தி ஒன்றாம் தேதி. இன்றுதான் இங்கிலாந்து ராணி இரண்டாம் எலிசபெத்தின் பிறந்த நாள்.இந்த நாளில் நமது காமிக்ஸ் உலகில் இதுவரை ராணிகளை மைய்யமாக கொண்டு வந்த காமிக்ஸ்களை பற்றி அலசவே இந்த பதிவு.

என்னடா, சமீபத்தில் ஒரே பிறந்தநாள் பதிவுகளா என்று என்னும் நண்பர்களே, சற்று பொறுங்கள். இன்று நம்முடைய பெருமதிப்பிற்குரிய மின்சார துறை அமைச்சர் திரு ஆற்காட்டார் அவர்களின் பிறந்த நாளும்கூட. சரி, அவருக்கு பொருத்தமாக சமீபத்தில் நம்முடைய லயன் காமிக்ஸ் கவ்பாய் ஸ்பெஷலில் வந்த இரும்புக் கை மாயாவி கதையை வெளியிடலாம் என்றுதான் நினைத்தேன் (அந்த கதையின் பெயரை சொன்னால் தீவிர தி மு க ஆதரவாளர்கள் என்னை விட மாட்டார்கள்). ஆனால், சென்ற பதிவே பல அரசியல் விளையாட்டுக்களை நடத்தி விட்டதால் வேறு வழி இல்லாமல் அந்த அரசியல் நொடி வீசும் பதிவினை இடாமல் இந்த சாதா பதிவு. என்சாய் மக்களே.

லயன் காமிக்ஸ் - சாகச வீரர் சாம்சன் - மந்திர ராணி - மறக்க முடியாத கதை

Lion Mandhira Rani

இந்த மந்திர ராணி கதை தமிழில் ஏற்கனவே வேறொரு இதழில் வந்துள்ளது. அது எந்த இதழ் என்று கூறுபவர்களுக்கு கனவுகளின் காதலரின் ஒன்றுவிட்ட சகோதரி மேகான் பாக்ஸின் மேலான் முத்தங்கள் கிடைக்கும். இது ஒரு அற்புதமான கதை. இந்த கதையில் ஒரு புதிர் சொல்லும் கிழவன் ஒருவர் வருவார். அந்த கட்டம் என்னால் இன்னமும் மறக்கவே இயலவில்லை. நன்றி விஜயன் சார்.

அடுத்தபடியாக, மிநிலயனில் வந்த சுஸ்கி & விஸ்கி சாகசமாகிய ராஜா, ராணி & ஜாக்கி. இந்த கதையில் ஒரு இடத்தில் புரூப் ரீடர் ஒரு தவறை கவனிக்க மறந்து இருப்பார். அது என்ன என்று யாராலாவது சொல்ல இயலுமா? இதனை சொன்னால் என்றும் தர்ம பத்தினியாக விளங்கும் புஷ்பவதி பூங்காவனத்தின் டூ பீஸ் புகைப்படம் ஒன்று அன்பளிப்பாக கிடைக்கும்.

மினி லயன் காமிக்ஸ் - சுஸ்கி & விஸ்கி சாகசம் - ராஜா, ராணி & ஜாக்கி - ஒன்ஸ்மோர் விஜயன் சார்

Mini Lion#019 - Raja Rani Jackie

அடுத்தபடியாக நாம் காணவிருப்பது ராணி காமிக்ஸில் வந்த ராணி கதை பெயரை கொண்ட கதைகள். ஏக்சுவளி இரண்டு கதைகள் வந்துள்ளன. அவற்றின் விவரங்கள் இதோ:

ராணி காமிக்ஸ் Issue No 302- முகமூடி வீரர் மாயாவி - வேதாளர் - கொலைகார ராணி

Rani Kolaikara Rani
Rani Kolaikara Rani 1st page

இந்த கதை ஒரு சிறந்த கதையாக இருந்தாலும்கூட, மொக்கையான மொழிபெயர்ப்பில் பெரிதும் பாதிக்கப்பட்டு ரசிக்கவே இயலாத அளவுக்கு இருக்கும். உதாரணமாக பீனிக்ஸ் நாட்டு மன்னர் தன்னுடைய மகளை மாயாவிக்கு அறிமுகப்படுத்தும்போது "இவள்தான் டெய்சி - என்னுடைய மகள் - பேரழகி" என்று கூறுவார். அந்த கட்டத்தை படித்து பாருங்கள். அடுத்து ஒரு கட்டத்தில், மாயாவியை பார்த்து "ஆபத்தாண்டவா" என்று கதறுவார். என்ன கொடுமை சார் இது?

அடுத்து நாம் பார்க்கவிருப்பது ராணி காமிக்ஸில் கடைசி கால கட்டத்தில் வந்த ஒரு கதை. இந்த கதைக்கு "மொக்கை ராணி" என்று கூட பெயரிட்டு இருக்கலாம். அந்த அளவுக்கு மொக்கை போட்டு இருப்பார் இந்த இதழின் ஆசிரியர். முடியலடா சாமி, என்று மாயாவியே வாய் விட்டு கதறுவார். இந்த கதைக்கும் இந்திரஜால் காமிக்ஸ் கூலாகூ கொடுசூலி கதைக்கும் என்ன சம்பந்தம் என்பதை பயங்கரவாதி டாக்டர் செவன் அவர்கள்தான் சொல்ல வேண்டும்.

ராணி காமிக்ஸ் Issue No 494 - வேதாளர் - முகமூடி வீரர் மாயாவி அதிரடி - அழகு ராணி

Rani Azhagu Rani
Rani Azhagu Rani 1st page

நண்பர்களே, இது வரை பொறுமையாக படித்தமைக்கு நன்றி. இதனைப் போலவே இன்னமும் பல ஆராய்ச்சி கட்டுரைகளை வழங்கலாமா? அல்லது சிறப்பு நாட்களை பற்றிய பதிவுகளையாவது இடலாமா?

உங்களின் விமர்சனங்களையும் பதில்களையும் எனக்கு ஏன் நீங்கள் பின்னுட்டமாக இட கூடாது?

நன்றியுடன்,  
ஒலக காமிக்ஸ் ரசிகன்.

Related Posts with Thumbnails