Saturday, March 7, 2015

காப்பி அடிப்பது ஒரு கலை: வாழ்த்துகள் இயக்குனர் AL விஜய்

அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கத்தையும் தெரிவித்து கொள்ளுகிறேன். முன்னாள் நண்பர், பலநாள் இயக்குனர் AL Vijay ”ஒரிஜினலாக” படமெடுப்பதில் வல்லவர் என்பது நாம் அனைவருக்குமே தெரியும்.

அவரது இயக்கத்தில் 2013 ஆகஸ்ட் மாதம் வெளியான படமான தலைவா படத்தின் போஸ்டர் டிசைனை பாருங்கள்.

Thalaivaa Poster

அதே 2013ஆம் ஆண்டு நவம்பர் ஆறாம் தேதி வெளியான Prisoner of space என்ற கதையின் அட்டைப்படத்தையும் ஒருமுறை பாருங்கள்:

Prisoner of space cover

சரி, நவம்பர் மாதம் வெளியான காமிக்ஸ் கதைதானே பின்னாடி வெளியானது? அப்படி இருக்க ஆகஸ்டில் வெளியான விஜய் பட போஸ்டர் தானே முன்னோடி? அப்போ காமிக்ஸ் கதாசிரியர் செர்ஜ் சோரோகின் தானே காப்பி அடித்திருப்பார்?

அதுதான் கிடையாது. இந்த காமிக்ஸ் இதழின் அட்டை ஒரு வருடத்திற்கு முன்பாகவே வெளிவந்துவிட்டது. ஆகவே, இயக்குனர் விஜய் தன்னுடைய “பெருமையை” தக்க வைத்துக்கொள்ளலாம்.

பின்குறிப்பு: இந்த காமிக்ஸ் ஒரு நல்ல முயற்சி. இதன் டவுன்லோட் லின்க் ஆன்லைனில் எங்கோ கிடைக்கிறதாம். தேடிப்பிடித்து படியுங்கள். அல்லது என்னைப்போல இந்த புத்தகத்தை பதிப்பகத்திடமிருந்தும் வாங்கியும் படிக்கலாம்.

உங்களின் விமர்சனங்களையும் பதில்களையும் எனக்கு ஏன் நீங்கள் பின்னுட்டமாக இட கூடாது?

நன்றியுடன்,
ஒலக காமிக்ஸ் ரசிகன்.

Wednesday, February 18, 2015

Feb 2015: காமிக்ஸ் இதழ்கள்: ஓலைச்சுவடி புத்தக நிலையம், சென்னை

அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கத்தையும் தெரிவித்து கொள்ளுகிறேன். கோமாவில் இருந்து விழித்த நோயாளி போல, நெடுநாள் தூக்கத்தில் இருந்த நான் தற்போதுதான் பதிவிட ஆரம்பித்து உள்ளேன். ஆகையால் முதல் பதிவு, ஒரு தகவல் பதிவுதான்.

சென்னையில் காமிக்ஸ் புத்தகங்கள் எங்கே கிடைக்கும் என்று நண்பர்கள் பலரும் கேட்டு வருகின்றனர். அவர்களுக்காகவே இந்த பதிவு. லயன் முத்து காமிக்ஸ் இதழ்கள் சென்னை DMS வளாக பஸ் ஸ்டாப்பில் அமைந்துள்ள ஓலைச்சுவடி புத்தக நிலையத்தில் கிடைக்கும்.

இந்த ஆண்டு வெளியான அனைத்து காமிக்ஸ் இதழ்களும் இங்கே கிடைக்கும். மற்றுமொரு முக்கியமான விஷயம் இந்த கடையில் வாங்கும் அனைத்து புத்தகங்களுக்கும் குறைந்தபட்சம் 10% Discount உண்டு. முகவரியும் போன் நம்பரும் போட்டோவில் காண்க:

Olaichuvadi

Feb 2015: Books

1. சைத்தான் விஞ்ஞானி (ஸ்பைடர்) 50/-

2. ஆதலினால் காதல் கொள்ளாதீர் (வாய்ன் ஷெல்டன்) 60/-

3. அம்பின் பாதையில் (XIII இரத்தப்படலம்) 120/-

Lion Comics Issue No 245 Feb 2015 Spider Reprint Saithan Vinjaani Front Cover Lion Comics Issue No 246 Feb 2015 Wayne Sheldon Adhalinal Kadhal Kollaatheer Cover 1 Lion Comics   Issue No 247 Feb 2015 XIII Irathap Padalam 22 23 Ambin Pathaiyil Cover 1

இதைத்தவிர மறு பதிப்புகளாக,

1. லார்கோ வின்ச் (100/-)

2. தங்க கல்லரை (100/-) கேப்டன் டைகர்

3. டபுள் த்ரில் ஸ்பெஷல் (100/-)

En peyar Largo Thanga Kallarai Double Thrill Special

இதுபோக ஜனவரி மாத இதழ்கள் அனைத்துமே கிடைக்கும்.

Contact: +91 94 88 576166

IMG_20150217_160528

IMG_20150217_160613  

IMG_20150217_160552

உங்களின் விமர்சனங்களையும் பதில்களையும் எனக்கு ஏன் நீங்கள் பின்னுட்டமாக இட கூடாது?

நன்றியுடன்,
ஒலக காமிக்ஸ் ரசிகன்.

Wednesday, January 9, 2013

லயன் முத்து காமிக்ஸ் எடிட்டர் விஜயன் அவர்களின் பேட்டி

மக்கள்ஸ்,

இந்த இடத்தில் கருத்து சொல்ல நமக்கு வேலையே இல்லை. படித்து தெரிந்து கொள்ளுங்கள் தோழர்களே.

லயன் முத்து காமிக்ஸ் எடிட்டர் விஜயன் அவர்களின் பேட்டி - இன்றைய டெக்கன் கிரானிக்கல் நியூஸ் பேப்பரில்
Deccan Chronicle Chennai Chronicle Dated 09012013 Page No18 Editor SV's Interview

நண்பர்களே, இது வரை பொறுமையாக படித்தமைக்கு நன்றி. உங்களின் விமர்சனங்களையும் பதில்களையும் எனக்கு ஏன் நீங்கள் பின்னுட்டமாக இட கூடாது?

நன்றியுடன்,   
ஒலக காமிக்ஸ் ரசிகன்.

Monday, October 29, 2012

தமிழில் புதியதாக ஒரு காமிக்ஸ்: ஆர்பிட் காமிக்ஸ்

மக்கள்ஸ், 

விஷயம் எதுவும் இல்லாததால் சமீப காலழ்ந்களில் பதிவுலகம் பக்கம் தலையை காட்ட முடியவில்லை. அதுவுமில்லாமல் அண்ணன் எஸ்.ஜே சூர்யா அவர்களின் புதிய படம் (இசை) ஷூட்டிங் துவங்கி விட்டதால் அது சம்பந்தமான பணிகள் வேறு. ஆகையால் சுத்தமாக காமிக்ஸ் வலைப்பூக்கள் பக்கமே வர இயலவில்லை. மன்னிக்கவும்.

இன்று மாலை நண்பர் கிங் விஸ்வா அவர்களுடன் உரையாடிக்கொண்டு இருந்தபோது காமிரேட்ஹாஜா இஸ்மாயில் அவர்களின் புதிய காமிக்ஸ் முயற்சியை பற்றி சொன்னார். ஏற்கனவே ஐந்து ஆண்டுகளுக்கு முன்பாக இதுபற்றி சொல்லி இருந்தாலும் இப்போது அது நடைமுறைப் படுத்தப்பட்டு இருப்பதாக கூறியதால் இந்த பதிவு.

லைட் ஹவுஸ் பப்ளிகேஷன்ஸ் என்கிற நிறுவனத்தின் மூலமாக ஆர்பிட் காமிக்ஸ் என்கிற வெளியீட்டில் ஆங்கிலம் மற்றும் தமிழ் மொழிகளில் (பழைய பத்து ருபாய் லயன் காமிக்ஸ் சைசில்) 122 பக்கங்களுடன் Rs 25/- விலையில் இந்த புத்தகங்கள் வரவிருக்கின்றன.

காமிரேட் ஹாஜா இஸ்மாயில் அவர்களை ஆசிரியராகக் கொண்டு வரவிருக்கும் இந்த இதழ்களில் ஹாஜா அவர்களின் அற்புதமான எழுத்துக்களுக்கு உயிரோவியம் கொடுக்கவிருப்பவர் நமது எண்ணங்களை கொள்ளை கொண்ட ஓவியர் ஆழி அவர்கள்.

தமிழில் வெளிவர இருக்கும் காமிக்ஸ் கதைகளின் அட்டைப்படங்கள் இதோ:

Orbit Comics Tamil 1 Vinnil Oru Vibareedham
Orbit Comics Tamil 2 Kolaikarak Kazhagam
Orbit Comics Tamil 3 Kadalin Marmam
Orbit Comics Tamil 4 Ennaipol Oruvan

ஆங்கிலத்தில்  வெளிவர இருக்கும் காமிக்ஸ் கதைகளின் அட்டைப்படங்கள் இதோ:

Orbit Comics Eng 1 The Target
Orbit Comics Eng 3 The Shadow of the Trail

இவை சாம்பிள் அட்டைப்படங்களே என்பதால் சிறு குறைகளை கண்டுக் கொள்ளாதீர்கள். அச்சில் குறைகள் இன்றி பிழைகள் இன்றி வரும்.

காமி ரேட் ஹாஜாவிற்கு வாழ்த்து சொல்ல நினைப்பவர்கள் இங்கே சென்று சொல்லலாம்: http://hajatalks.blogspot.in/2012/10/welcome-largo-winch-written-by-haja.html#comment-form

நண்பர்களே, இது வரை பொறுமையாக படித்தமைக்கு நன்றி. உங்களின் விமர்சனங்களையும் பதில்களையும் எனக்கு ஏன் நீங்கள் பின்னுட்டமாக இட கூடாது?

நன்றியுடன்,   
ஒலக காமிக்ஸ் ரசிகன்.

Thursday, August 16, 2012

கோவையில் ஒரு குற்றம் - ஒரு காமிக்ஸ் கடத்தல்

மக்கள்ஸ்,

இன்று மதியம் நடந்த ஒரு உரையாடலை என்னுடைய ஹை ஃப்ரீக்வன்சி ட்ரான்ஸ்பான்டர் மூலம் ஒட்டு கேட்டேன். அந்த உரையாடல் ஈரோட்டை சேர்ந்த ஒரு காமிக்ஸ் பெரும்புள்ளிக்கும், சென்னையை சேர்ந்த ஒரு காமிக்ஸ் மன்னருக்கும்  நடந்த ரகசிய உரையாடல். அதன் ஆரம்ப புள்ளி இன்று காலையில் எடிட்டரின் ப்ளாக்கில் வந்த ஒரு கமென்ட் தான். அந்த கமென்ட் இதோ:

 

Comment in Editor's Blog

இனிமேல் அந்த தொலைபேசி உரையாடல்:

ஈரோடு பெரும்புள்ளி: "தோழர், இரவு கருப்பு. ஓவர்"

காமிக்ஸ் மன்னர்: "தோழர், பகல் வெளுப்பு. ஓவர்".

ஒட்டு கேட்ட நான் (மனதுக்குள்): "யோவ், இதெல்லாம் ரொம்ப, ரொம்ப ஓவர்".

ஈரோடு பெரும்புள்ளி:தம்பி, அந்த காமிக்ஸ் பதிய கமெண்ட்ட படிச்சியா?"

காமிக்ஸ் மன்னர்: "என்னது, பொண்ணு கைய புடிச்சு இழுத்தியா? ஐயையோ நான் இல்ல. அதெல்லாம் நம்ம ஒலக காமிக்ஸ் ரசிகர் பண்ற வேலை".

ஒட்டு கேட்ட நான் (மனதுக்குள்):"அடப்பாவிகளா, வெத்தில கோடி வேர்ல சுண்ணாம்பை கரைச்சு ஊத்துறீங்களே? உங்க போதைக்கு நான் ஊறுகாயா?".

ஈரோடு பெரும்புள்ளி: “தம்பி, மேட்டர் அதில்லை. கோவையில் ஏதோ ஒரு பழைய புத்தக கடையில் காமிக்ஸ் விக்கறாங்களாம். எனக்கு வாங்கி தர முடியுமா?".

காமிக்ஸ் மன்னர்: "அப்படியா? அண்ணே, அதிக மேய்ச்சலுக்கு ஆசைப்பட்ட அதிக காய்ச்சல் தான் வரும். கண்டிப்பாக அவரு வாங்கிய பிறகு நமக்கு அங்கே என்ன பாக்கி இருக்கும்?".

ஈரோடு பெரும்புள்ளி: "தம்பி, மேட்டர் அதில்லை. உங்களுக்கு தான் தமிழ்நாடு முழுக்க அட்வான்ஸ் புக்கிங் ல காமிக்ஸ் வாங்குற பழக்கம் இருக்கே? அதுல கொஞ்சம் இன்ப்ளூயன்ஸ் பண்ணி டெலிபோன் மூலமாக ஆர்டர் பண்ணி வாங்கி தர முடியுமா?".

காமிக்ஸ் மன்னர்: "வெளங்கிடும். அந்த கதைய நீங்களும் நம்புறீங்களா? அந்த லாஜிக் வச்சு பார்த்தால் நான்தானே அந்த புத்தகங்களை வாங்கி இருக்கணும்? அப்படி இருக்க யாரோ ஒருவர் கமென்ட் போட்டா நான் தெரிந்து கொள்வது? ".

ஈரோடு பெரும்புள்ளி: "அதானே? அப்போ நான் கேள்விப்பட்ட விஷயம் கொஞ்சம் கூட செட் ஆகலையே? அப்போ நிஜம்மாவே உங்களுக்கு தமிழ்நாடு முழுக்க இருக்கும் கடைகளில் அட்வான்ஸ் புக்கிங் வசதி கிடையாதா?".

காமிக்ஸ் மன்னர்:"அட்வான்ஸ் புக்கிங் ஐ விடுங்க. கரன்ட் புக்கிங்கே கிடையாது".

ஈரோடு பெரும்புள்ளி: "அபோ என்ன பண்றது? நான் எப்படி அந்த புக்குகளை வாங்குவது?".

காமிக்ஸ் மன்னர்:"கொஞ்சோம் டைம் குடுங்க. அங்கே நமது காமிரேட் ஒருத்தர் இருக்கார். அவருகிட்டே சொல்லி கடைக்கு போய் வாங்க ட்ரை பண்ணுவோம். கொஞ்சம் வெயிட் பண்ணுங்க. கால் பண்றேன்".

சிறிது நேரம் கழித்தது காமிக்ஸ் மன்னரின் நண்பர் அந்த கடைக்கு வந்துட்டு இந்த இருவரிடமும் கான்ப்ரன்ஸ் கால் மூலம் பேசுகிறார்.

ஈரோடு பெரும்புள்ளி:"தோழர், இரவு கருப்பு. ஓவர்"

காமிக்ஸ் மன்னர்:" "தோழர், பகல் வெளுப்பு. ஓவர்".

காமிரேட்: "யோவ், நீங்கெல்லாம் அந்த அளவுக்கு வொர்த் கிடையாது. வேலைய விட்டுட்டு வந்திருக்கேன். சட்டு புட்டுன்னு மேட்டர சொல்லுங்க. கிளம்பனும்".

காமிக்ஸ் மன்னர்:" "கொஞ்சம் அங்கே இருக்கும் புக்ஸ் என்னென என்று தொலைபேசியில் நண்பருக்கு சொல்லுங்க. அவருக்கு தேவைப்படுகிற புக்ஸை சொல்வாரு, வாங்கி குடுங்க".

காமிரேட்: "பாஸ், ஆல்ரெடி இங்கே ஒருத்தர் காமிக்ஸ் டைட்டில் எல்லாம் இதேமாதிரி போன்ல வேறே யாருக்கிடேயோ சொல்லிக்கிட்டு இருக்கார். இருங்க கொஞ்சம் ஒட்டுக்க் கேக்குறேன். பாஸ் அவரு பேரு பிள்ளையார் தம்பி. ஹல்லோ, கொஞ்சம் இருங்க, பாஸ் அந்த சைட்ல பேசுறதும் இப்போ நம்ம கூட கான்ப்ரன்ஸ் காலில் இருப்பவருடைய குரலும் ஒரே மாதிரி இருக்கு".

ஈரோடு பெரும்புள்ளி: "நான் தானுங்க அது. என்னோடைய இரண்டாவது செல் போனில் பேசிக்கொண்டு இருக்கிறேன். ஒருவேளை உங்க நண்பர் வருவதற்கு லேட் ஆகிவிட்டால் இந்த புத்தகங்கள் கிடைக்காமல் போய் விடும் அல்லவா? அதனால் தான் என் நண்பர் பிள்ளையார் தம்பியை அனுப்பி வைத்தேன்".

காமிரேட்: "யோவ், இதுக்கு எதுக்குயா என்ன வரச் சொன்னீங்க? இதுக்காக இருவது கிலோ மீட்டர் பைக்ல வந்தேன். இப்போ என்னடான்னா அந்த பிள்ளையார் தம்பியே 49 புக்குகளை வாங்கி விட்டார். நான் வீட்டுக்கு போறேன்".

மக்கள்ஸ், இதோ இந்த புத்தகங்கள் தான் பாக்கி இருப்பவை. சுமார் நூற்றி அறுபது புத்தகங்கள் வந்தன. பல மினி லயன் காமிக்ஸ், திகில் காமிக்ஸ் ஆரம்ப கால லயன் காமிக்ஸ் என்று பலரும் வந்ததாக இந்த புத்தக கடை அதிபர் சொல்கிறார். இது மட்டுமில்லாமல் கடந்த வாரம் ராணி காமிக்ஸ் ஒரு முப்பது புத்தகங்கள் விற்பனை ஆனதாகவும் சொல்கிறார்.

IMG402
IMG404

ஆனால் நண்பர்களே, பிரச்சினை இதுவல்ல. இங்கே இருக்கும் அணைத்து புத்தகங்களுமே லேட்டஸ்ட் புக்ஸ் தான். அப்படி இருக்க இவை ஒவ்வொன்றும் விலை இருவது ருபாய் என்றே இந்த கடைகாரர் விற்கிறார். வழக்கமாக பத்தடு ரூபாய்க்கு விற்கப்படும் இந்த புத்தகங்கள் இப்படி சில தீவிர வேட்டையர்களால் இப்போது இருவது ருப்வாய் என்கிற விலையை எட்டியுள்ளது. இதுதான் கவலை அளிக்கும் விஷயம். இதனை படிக்கும் நண்பர்கள் சற்றே யோசிக்க வேண்டும்.

நண்பர் முத்து  விசிறியின் பாலிசி தான் என்னுடையதும் - பத்து  ரூபாய்க்கு மேல் எந்த ஒரு பழைய புத்தகமும் வொர்த் இல்லை. அதை அந்த விலை கொடுத்து வாங்குவதும் தேவை இல்லை.

நண்பர்களே, இது வரை பொறுமையாக படித்தமைக்கு நன்றி. உங்களின் விமர்சனங்களையும் பதில்களையும் எனக்கு ஏன் நீங்கள் பின்னுட்டமாக இட கூடாது?

நன்றியுடன்,   
ஒலக காமிக்ஸ் ரசிகன்.

Sunday, April 1, 2012

ஆசை தோசை அப்பளம் வடை - தலை வாங்கி குரங்கு - ஒரு ஆசையான பார்வை

மக்கள்ஸ்,

சாவு வீட்ல சன் மியூசிக் பாக்குற மாதிரி நல்ல இருக்குற நம்ம தமிழ் காமிக்ஸ் உலகத்துல கொஞ்சம் அதிகமாக ஆசைப்பட்ட ஒரு தீவிர காமிக்ஸ் ரசிகனின் கற்பனையே இந்த பதிவு. கொஞ்சம் ஆசை, கொஞ்சம் பேராசை இரண்டும் சேர்ந்த கலவை தான் இந்த பதிவு.

இங்கே பக்கத்துல தலை வாங்கி கையில கத்தியோட வெட்ட காத்திருக்கிறது யார தெரியுமா? நம்மள மாதிரி காமிக்ஸ் ரசிகர்களைத்தான். என்னடா இது சவுக்கு தோப்பு சங்கீதக் கச்சேரில  சவுண்ட் எஃபக்ட் கம்மின்னு கம்ப்ளைன்ட் பண்ற மாதிரி இருக்கேன்னு பாக்குறீங்களா? பதிவை முழுசா படிங்க. பின்னாடி தெரியும்.

தலை வாங்கி ஃபீவர்: கடந்த ஒரு மாதமாகவே தமிழகம் முழுவதும் தமிழ் கூறும் நல்லுலகம் முழுவதுமாக தலை வாங்கி எங்கே? தலை வாங்கி எப்போ வரும்? என்று ஒரு கதறலாக இருந்தது. அந்த கதறலை ஒரு முடிவுக்கு கொண்டு வரும் விதமாக நேற்று முதல் அனைவருக்கும் காமிக்ஸ் கிளசிக்ஸ் லேட்டஸ்ட் இதழ் தலை வாங்கி குரங்கு அனுப்பப் பட்டு இருக்கிறது. எனக்கும் வந்து விட்டது. ஆனால் பதிவிட வேண்டாம் என்று நண்பர் இரவுக் கழுகு கேட்டுக் கொண்டதின் விளைவாக அமைதியாக இருந்தேன். இப்போது கூட தலைவர் முத்து விசிறியின் இந்த பதிவை பார்த்து விட்டே ஆதங்கத்துடன் இந்த பதிவினை இடுகிறேன்.

நம்ம எடிட்டர் சார் மிகவும் நேர்த்தியாக காரணங்களை கூறினாலும் கூட தலை வாங்கியை கலரில் சந்திக்கவே ஆவல். பின்னே என்னங்க, கர்ணன் படமே மேம்படுத்தப்பட்டு அரங்கு நிறைந்த காட்சிகளாக தூள் கிளப்பும்போது தலை வாங்கிக்கு என்ன குறைச்சல்? ஒரு வேலை எடிட்டர் சார் தலை வாங்கியை கலரில் வெளியிட்டு இருந்தால் எப்படி இருந்திருக்கும் என்ற அதீத கற்பனையின் விபரீத விளைவே இந்த பதிவு:

TVK Coverதலை வாங்கிக் குரங்கின் முதல் பக்கம் - முழு வண்ணத்தில் வந்திருந்தால் எப்படி இருக்கும்?

Comics Classics Issue No 27 Dated Mar 2012 Tex Willer Thalai Vangi Kurangu Pg 03

எடிட்டர் சார் இப்படி பதிவிட்டதால் கலகக் குரல் கிளம்பி விட்டதாக நினைத்து விடாதீர்கள். இந்தப் பதிவுக்கும் ஒரு காரணம் இருக்கிறது. அந்த காரணத்தை உங்கள் பார்வைக்கு முன்வைக்கவே இந்த பதிவு.

தமிழ் காமிக்ஸ் வியாபாரிகள்: கடந்த பல ஆண்டுகளாக (தேங்க்ஸ் டு கிங் விஸ்வா மற்றும் அவரது பதிவுகள்) காமிக்ஸ் பற்றிய ஆர்வமும் puththaga சேகரிப்பும் அனைவரிடமும் தொற்றிக்கொண்டு விட்டது. அதனை சில புல்லுருவிகள் காமிக்ஸ் ரசிகர்கள் என்கிற பெயரில் தவறாக உபயோகிக்க ஆரம்பித்தார்கள். முதலில் அவர்கள் செய்தது டெக்ஸ் வில்லர் கதையாகிய இருளின் மைந்தர்கள் கதையை கலரில் நாங்கள் அச்சிட்டுள்ளோம், விலை ஐந்தாயிரம் ரூபாய்தான் என்று சில காமிக்ஸ் வெறியர்களை தூண்டில் போட்டு கொக்கியில் பிடித்ததுதான். நல்ல கவனியுங்க, வித்தவங்க மேல் தப்பு சொல்லல, வாங்குனவன்   மேலேயும் தப்பு சொல்லல. ஆனால் அப்படி கலர் காமிக்ஸ் பற்றிய ஒரு வெற்றிடம் இருப்பதால் இந்த காமிக்ஸ் வியாபாரிகள் அதனை சிறப்பாக உபயோகப்படுத்த ஆரம்பித்து விட்டார்கள்.

இரத்தப்படலம் ஜம்போ ஸ்பெஷல் வருகின்ற வேளையில் கூட இதே கும்பல் ஒரு காமெடி வேலையை செய்ய நினைத்தது. நல்லவேளையாக டாக்டர் செவனின் புண்ணியத்தில் அந்த வேலை அதோகதியாக அந்தரத்திலேயே நின்று விட்டது.இவர்களே நடுவில் இனிமேல் லயன் காமிக்ஸ் வராது என்றெல்லாம் கதை கட்டி விட்டதை அனைவரும் அறிவார்கள்.

இப்போது இவர்கள் செய்யும் பணி என்னவென்றால் லயன் காமிக்ஸ் இதழ்களில் எதெல்லாம் ரீபிரின்ட் ஆகிறதோ, அவற்றை எல்லாம் கலரில் ருபாய் ஐந்தாயிரம் என்று விற்று விட ஒரு பெரிய பிளான் போட்டு வேலை செய்துக்கொண்டு இருக்கிறார்கள். அதன் முதல் கட்டமே இந்த தலை வாங்கி குரங்கு கதையின் கலர் பிரின்ட்.

ஆமாம், இன்றுதான் எனக்கு தெரிய வந்தது. தலை வாங்கி குரங்கை ருபாய் ஐந்தாயிரம் கொடுத்தால் கலரில் படிக்கலாம். முழு புத்தகமும் கலரில் உள்ளது என்று ஒரு பெரிய மார்கெட்டிங் கும்பல் கிளம்பியுள்ளது. வாசகர்கள் ஜாக்கிரதை.

எடிட்டர் சாருக்கு ஒரு வேண்டுகோள்: சார், தயவு செய்து அடுத்து நீங்கள் வெளியிடவுள்ள டெக்ஸ் வில்லர் கதையை நீங்களே கலரில் வெளியிட்டு விடுங்களேன்? இந்த மாதிரி அத்தனைக்கும் ஆசைப்படுகிற எங்களை மாதிரி காமிக்ஸ் ரசிகர்கள் பலியாகாமல் இருப்போமல்லவா?

நண்பர்களே, இது வரை பொறுமையாக படித்தமைக்கு நன்றி. உங்களின் விமர்சனங்களையும் பதில்களையும் எனக்கு ஏன் நீங்கள் பின்னுட்டமாக இட கூடாது?

நன்றியுடன்,   
ஒலக காமிக்ஸ் ரசிகன்.

Tuesday, September 20, 2011

காமிக்ஸ் புத்தகங்கள் விற்பனைக்கு

பேரன்பிற்கும் பெருமதிப்புக்கும் உரிய அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கங்களையும் தெரிவித்து கொள்கிறேன். சென்ற பதிவானது பெருவாரியான மக்களையும், காமிக்ஸ் ரசிகர்களையும் கவர்ந்துள்ளது கண்கூடாக தெரிந்தது. அதே சமயம் பதிவு இடுவதில் ஏன் ஒரு தொய்வு என்று கேட்டும் பல மின் அஞ்சல்கள். என்னுடைய பனி நிமித்தமாக நியூசிலாந்து சென்று மூன்று மாதங்கள் அங்கேயே தங்க வேண்டிய சூழல். அதனாலேயே இந்த தாமதம். இனிமேல் தொடர்ந்து பதிவிட முயல்கிறேன்.

சமீப காலங்களில் காமிக்ஸ் பற்றிய விழிப்புணர்வு பெரிதும் வந்துள்ளது. அமெரிக்க தமிழ் FM ரேடியோவில் என்னை பேட்டி  கண்டபோது நான் சில காமிக்ஸ் தளங்களை பற்றி குறிப்பிட்டு பேசி இருந்தேன். அந்த தளங்களை பற்றிய விவரம் தமிழர்களிடையே பரவி இருந்தது குறிப்பிடத்தக்கது. குறிப்பாக முத்து விசிறியின் தளம். அப்போது முதல் பலரும் பழைய காமிக்ஸ்களை வாங்குவது பற்றியே எனக்கு மின் அஞ்சல் அனுப்பி வருகின்றனர். அவர்களுக்கு பதில் அளிக்கும் வகையில் இந்த பதிவு இடப்பட்டுள்ளது.

காமிக்ஸ் நண்பர் நிதர்சன் – 9677142992:

திருச்சியை சேர்ந்த தமிழ் காமிக்ஸ் ரசிகராகிய திரு நிதர்சன் அவர்கள் சென்னையில் தங்கி உள்ளார். அவர் தற்போது மறுபடியும் பனி நிமித்தம் காரணமாக அயல்நாடு செல்ல இருப்பதால் அவரிடம் இருக்கும் பல காமிக்ஸ் புத்தகங்களை விற்பனை செய்ய நினைக்கிறார். வழக்கமாக நாம் காமிக்ஸ் விற்பனை செய்பவர்களை ஊக்குவிப்பதில்லை. ஆனால் நண்பர் நிதர்சன் சற்றே வித்தியாசமானவர். கண்டபடி விலை பேசும் கயவர்களிடையே இவர் நேர்மையாக புத்தக விலை என்னவோ அதனையே கொடுத்தால் போதும் என்று விற்கிறார். அவரை தொடர்பு கொள்ளுங்கள். அவரிடம் இருக்கும் புத்தகங்களின் போட்டோக்கள் இதோ:

Nitharsun Books Comics 01

Nitharsun Books Comics 02
Nitharsun Books Comics 03
Nitharsun Books Comics 04

லயன் காமிக்ஸ் அலுவலகத்தில் இருக்கும் புத்தகங்கள்: 04562 272649

இன்றுகூட கிங் விஸ்வா'வின் தமிழ் காமிக்ஸ் உலகத்தில் ஒருவர் வந்து பழைய காமிக்ஸ் எங்கே கிடைக்கும் என்று கேட்டு இருக்கிறார். அவர்களுக்கு எல்லாம் பதிலாக இந்த பத்தி: 

கடந்த பதினைந்து வருடங்களில் வந்த லயன் காமிக்ஸ், முத்து காமிக்ஸ் மற்றும் காமிக்ஸ் கிளாசிக்ஸ் இதழ்களை லயன் காமிக்ஸ் அலுவலகத்தில் இருந்து நீங்கள் தபால் மூலம் வாங்கலாம். நீங்கள் செய்யவேண்டியது எல்லாம் எந்தெந்த புத்தகங்கள் வேண்டும் என்பதை (கீழ்க்காணும் லிஸ்ட்'டில் இருந்து) முடிவு செய்து அவற்றின் மொத்த விலைக்கு மணி ஆர்டரோ அல்லது காசோலையோ அனுப்பினால் உடனடியாக லயன் காமிக்ஸ் ஆபீசில் இருந்து உங்களுக்கு புத்தகங்களை அனுப்பி வைப்பார்கள்: புத்தகங்களின் பட்டியல் இதோ:

Previous Issues for sale

நண்பர்களே, இது வரை பொறுமையாக படித்தமைக்கு நன்றி. இதனைப் போலவே இன்னமும் பல கட்டுரைகளை வழங்கலாமா? அல்லது சென்ற பதிவைப்போல சிறப்பு நாட்களை பற்றிய பதிவுகளையாவது இடலாமா? இல்லை, இதுபோலவே நம்ம பழைய ஸ்டைலில் பல அறிய தமிழ் காமிக்ஸ்களை உங்கள் பார்வைக்கு வழங்கலாமா? நீங்கள் கூறுங்கள். முடிவெடுப்போம்.

உங்களின் விமர்சனங்களையும் பதில்களையும் எனக்கு ஏன் நீங்கள் பின்னுட்டமாக இட கூடாது?

நன்றியுடன்,   
ஒலக காமிக்ஸ் ரசிகன்.

Thursday, April 14, 2011

சித்திரை முதல் நாள் - சிறப்பு பதிவு - எரிந்த மனிதன்

பேரன்பிற்கும் பெருமதிப்புக்கும் உரிய அனைத்து காமிக்ஸ் ரசிகர்களுக்கும் எனது நன்றிகளையும் மரியாதை கலந்த வணக்கங்களையும் தெரிவித்து கொள்கிறேன். சென்ற பதிவானது பெருவாரியான மக்களையும், காமிக்ஸ் ரசிகர்களையும் கவர்ந்துள்ளது கண்கூடாக தெரிந்தது. ஆனால் அதே சமயம் ஒலக காமிக்ஸ் ரசிகரின் பழைய ஸ்டைல் பதிவுகள் வேண்டும் என்றும் பல்லாயிரக்கணக்கான வேண்டுகோள்கள் வந்த வண்ணம் இருக்கின்றன (ங்கொப்புரானே சத்தியமா). ஆகையால் இதோ பழைய பாணியில் ஒரு சிறப்பு பதிவு. இந்த பதிவானது இன்று பிறந்த நாள் கொண்டாடும் நம்ம காமிக்ஸ் உலகின் 'முடி' சூடிய மன்னராகிய கிங் விஸ்வாவிற்கு அர்ப்பணம். 

முத்து காமிக்ஸ் இதழ்களில் வெளிவந்த கதைகளில் இரும்புக்கை மாயாவிக்கு பிறகு மிகவும் புகழ் பெற்ற கதை வரிசை லாரன்ஸ் டேவிட் மற்றும் ஜானி நீரோ ஸ்டெல்லா ஆகும். அதுவும் ஜானி நீரோ மற்றும் ஸ்டெல்லா கதையில் வரும் கர்னல் ஜேக்கப் கதாபாத்திரம் மிகவும் சிறப்பு பெற்றது. அவர் ஜானி நீரோவை சந்திக்க வருவது, ஸ்டெல்லா அவர்களின் பேச்சை கேட்பது, ஸ்டெல்லாவை கழட்டி விட ஜானி நீரோ நினைப்பது, ஸ்டெல்லா எப்படியாவது ஜானி நீரோவுடன் ஒட்டிக்கொண்டு, பல சமயங்களில் ஜானி நீரோவை காப்பாற்றுவது என்று இந்த கதை சிறப்பாக செல்லும்.

அதைப்போலவே அகொதீக கழக சதிகளை முறியடிக்கும் இரட்டை உளவாளிகளான லாரன்ஸ் டேவிட்டையும் யாராலுமே மறக்க முடியாது. லாரன்ஸ் முழுக்க முழுக்க மூளை பலத்தையும், டேவிட் தன்னுடைய அசாத்திய உடல் வலுவையும் கொண்டு  அகொதீக கழக கண்மணிகளை வெற்றி பெரும் விதமே தனி பாங்கு. இந்த இரண்டு விதமான கதை வரிசைகளும் ஒன்றாக ஒரே கதையில் வந்தால் எப்படி இருக்கும் என்ற ஒரு விபரீதமான சிந்தனையின் விளைவே இந்த பதிவு.

இந்த பதிவையும், இந்த முழு நீள காமிக்ஸ் கதையையும் படித்தது ரசிக்கும் முன்பு நீங்கள் நெடுநாள் முன்பு படித்த "தலை கேட்ட தங்க புதையல் (லாரன்ஸ் டேவிட் சாகசம்) + தங்க விரல் மர்மம் (ஜானி நீரோ சாகசம்)" ஆகிய இரண்டு கதைகளையும் சற்றே நினைவில் கொள்ளுங்கள். மிகவும் முக்கியம். அந்த இரண்டு கதைகளையும் நினைவில் கொண்டு வந்த பின்பு இந்த கதையை படிக்க செல்லுங்கள். அப்போதுதான் வசதி.

வரலாற்றின் பக்கங்களை கூர்ந்து படித்தவர்களுக்கு ஸ்பானிஷ் மன்னனாகிய ஹெர்னான் கோர்டஸ் படையெடுத்து அஸ்டெக் சாம்ராஜ்ஜியத்தை அழித்தது நினைவில் வரலாம். மேலும் விவரங்கள் அறிய இந்த இணைப்பில் படித்தது தெரிந்து கொள்ளுங்கள். இனிமேல் சற்றும் பொறுத்திராமல் உடனடியாக பொன்னர் சங்கர் படத்திற்கு போவோம், ச்சே பழக்க தோஷம்.  இனிமேல் சற்றும் பொறுத்திராமல் உடனடியாக பதிவிற்கு போவோம்.

பூவிழி காமிக்ஸ் - எரிந்த மனிதன் - கதை & படம் ஐஸ்வர்யா. முதல் பக்கம் - தலை கேட்ட தங்க புதையல் முதல் பக்கங்கள்
Poovizhi Comics Erindha Manidhan 1st Page

முதல் கட்டங்களில் வெறும் கொள்ளையர்களாக இருந்தவர்கள் கடைசியில் திடீரென்று அஸ்டெக் கொள்ளையர்களாக மாறிவிடுவது ஒரு திருப்பம் என்றாலும்கூட வரலாற்றை படித்தவர்களுக்கு அது ஒரு கசப்பான விஷம் (விஷமே மோசம், அதில் கசப்பான விஷம் என்றால் என்ன என்பதை இந்த கதையை முழுவதுமாக படித்தது தெரிந்து கொள்ளுங்கள்).

பை தி வே, இந்த பக்கங்கள் எல்லாம் அப்படியே தலை கேட்ட தங்க புதையல் கதையின் ஆரம்ப பக்கங்கள் என்பதை சொல்ல வேண்டிய அவசியம் இல்லையென்றே கருதுகிறேன். For those who came in late, முத்து காமிக்ஸில் வந்த தலை கேட்ட தங்க புதையல் என்ற கதையின் ஆரம்ப காட்சிகளை இவர்கள் அப்படியே தழுவி வரைந்து இருக்கிறார்கள். அப்புறம் ஒரு முக்கியமான விஷயம் - இன்னமும் கூட லயன் காமிக்ஸ் ஆபீசில் காமிக்ஸ் கிளாசிக்ஸ் வரிசையில் வந்த தலை கேட்ட தங்க புதையல் வெறும் பத்து ரூபாய்க்கே கிடைக்கிறது. இல்லாதவர்கள் வாங்கி படியுங்கள். (Phone Number to Contact Lion Comics Office: 04562-72649).

பூவிழி காமிக்ஸ் - எரிந்த மனிதன் - கதை & படம் ஐஸ்வர்யா - இரண்டாம் பக்கம் - தலை கேட்ட தங்க புதையல்

Poovizhi Comics Erindha Manidhan 2nd Page

மக்கா, வழக்கமாக காமிக்ஸ் புத்தகங்களில் கதைக்கேற்ப படம் வரைவார்கள். ஆனால் இங்கேயோ நிலைமை தலைகீழ். என்ன படம் மாடலுக்கு கிடைத்ததோ அதற்கேற்ப கதையின் போக்கை அமைத்திருக்கிறார்கள். இந்த பக்கத்தில் கடைசி இரண்டு கட்டங்களில் இருந்து தலை கேட்ட தங்க புதையல் கதையில் இருந்து நம்ம கதை உடனடியாக ஒரு யூ டர்ன் போட்டு தங்க விரல் மர்மம் (ஜானி நீரோ, ஸ்டெல்லா மற்றும் கர்னல் ஜேக்கப்) கதைக்கு மாறிவிடுகிறது. ஒரே ஒரு கொடுமை என்னவென்றால் கதை மறுபடியும் தலை கேட்ட தங்க புதையல் படங்களிற்கு மாறும்போது ஸ்டெல்லா கதாபாத்திரத்தை (கிரே) ஆபரேஷன் செய்து பெண்ணாக மாற்றியது போல டேவிட் செய்யும் சண்டைகளை எல்லாம் ஸ்டெல்லா (கிரே) செய்வது போல வைத்து ஆணுக்கு இங்கே பெண் சளைத்தவள் இல்லை என்ற பாரதியின் வாக்கை மெய்ப்பிக்க முயன்று இருக்கிறார்கள். அதற்கே அவர்களை பாராட்ட வேண்டும்.

பூவிழி காமிக்ஸ் - எரிந்த மனிதன் - கதை & படம் ஐஸ்வர்யா - பக்கம் 3 - தலை கேட்ட தங்க புதையல்

Poovizhi Comics Erindha Manidhan 3rd Page

கர்னல் ஜேக்கப் பாத்திரம் தன்னுடைய பாத்திரத்தின் பெயர் ஜேக்கம் என்று கூறுவதில் இருந்தே அவர்கள் இந்த கதையை தங்க விரல் மர்மம் கதாசிரியருக்கு டெடிகேட் செய்திருப்பதை உணரலாம். அதிலும் அவர் நான் மன்னர் கோர்டசின் கொள்ளு பேரன் என்று கூறி வரலாற்றையே நானூறு வருடங்கள் முன் நகர்த்துகிறார். (கொய்யால, இந்த கதையில கூடவா லாஜிக் பார்கிறீர்கள்? என்று நீங்கள் உச்சஸ்தாயியில் கத்துவது கேட்கிறது). சரி, ஒக்கே, அப்படியே விட்டு விடலாம்.

பூவிழி காமிக்ஸ் - எரிந்த மனிதன் - கதை & படம் ஐஸ்வர்யா – பக்கம் 4 -

Poovizhi Comics Erindha Manidhan 4th Page

மெக்சிகோ வரைபடம் எல்லா கடைகளிலும் கிடைக்கும், அதுக்கு எதுக்கு இவர் அதனை தனியாக தரவேண்டும்? மெக்சிகோவில் என்ன பிரமிட்?  இந்த நவநாகரீக உலகில் நகரை வரவேற்பது போல எதற்கு ஒரு பாழடைந்த நகரம்? என்றெல்லாம் நீங்கள் கேட்பதை நான் இனிமேலும் கண்டுகொள்ளவே போவதில்லை. நீங்களும் கதையை மட்டுமே ரசியுங்கள். பாஸ், ரஜினி படத்திற்கு எதுக்கு கதை மற்றும் லாஜிக்? கதையானது இப்போது மறுபடியும் தலை கேட்ட தங்க புதையல் காமிக்சிற்கு மாறுகிறது. லாரன்சும் டேவிட்டும் கர்னல் XYZன் பாசறையில் இருந்து தப்பிக்க முயல்கின்றவேளை இது.

பூவிழி காமிக்ஸ் - எரிந்த மனிதன் - கதை & படம் ஐஸ்வர்யா – பக்கம் 5

Poovizhi Comics Erindha Manidhan 5th Page

இந்த சீகுவேன்ஸ் எல்லாமே முத்து காமிக்ஸ் தலை கேட்ட தங்க புதையல் கதையில் வருபவை. லாரன்ஸ் டேவிட் இருவரும் கேப்டன் XYZன் மறைவிடத்தில் தப்பிக்க முயல்வதில் இருந்து இந்த நிகழ்வுகள் நடைபெறுவதை பழைய காமிக்ஸ் ரசிகர்கள் மறந்திருக்க மாட்டார்கள். அதை கூட பொறுத்துக்கொள்ளலாம் பாஸ், ஆனால் டேவிட்டை இப்படி பெண் வடிவில் எப்படி பார்ப்பது என்று புகார் அளிக்க வேண்டாம். நிமிர்ந்த நன்நெஞ்சும், நேர் கொண்ட பார்வையும் கொண்ட பாரதியின் புதுமைப் பெண்ணாக டேவிட் விளங்குவது பெண்ணியவாதிகளுக்கு ஒரு வெற்றி.

பூவிழி காமிக்ஸ் - எரிந்த மனிதன் - கதை & படம் ஐஸ்வர்யா – பக்கம் 6 -

Poovizhi Comics Erindha Manidhan 6th Page

ஓநாய்களை பந்தாடி விட்டு தடியர்களை பந்தாட நம் ஜோடி ரெடி ஆகிறது. சமீபத்தில் நண்பர் கிங் விஸ்வா இந்த பதிப்பகத்தாரை நேரில் சந்தித்தது விட்டு வந்தாராம் (இன்னமும் வீடியோ இன்டர்வியூ எடுக்கவில்லை). ஒரு வேளை இந்த காமிக்ஸின் எடிட்டர் பூவிழியின் வாசத்தில் என்று தன்னுடைய காமிக்ஸ் நினைவுகளை பற்றி எழுதும்போது இப்படி எழுதுவாரோ? = அலெக்ஸ் & கிரே ஜோடியானது சேவாக் & டோனி ஜோடியை போல அதிரடிகளை தொடர்ந்து தந்து கொண்டே இருந்ததால் ஆண்டுமலரில் அவர்களுக்கு எரிந்த மனிதன் என்ற கதையில் வாய்ப்பு அளிக்கப்பட்டது & எரிந்த மனிதன் சற்றும் சோடை போகவில்லை. 'பளிச்' வெற்றி பெற்றது. 

பூவிழி காமிக்ஸ் - எரிந்த மனிதன் - கதை & படம் ஐஸ்வர்யா – பக்கம் 7 -

Poovizhi Comics Erindha Manidhan 7th Page

கதை இப்போது தங்க விரல் மர்மம் காமிக்ஸ் கதைக்கு மூவ் ஆகிறது. இனிமேல் சற்று விறுவிறுப்பாக செல்லும். கதையும் நடுப்பகுதியை நெருங்கி விட்டது. ஆமாம், எட்டாம் பக்கம் வந்து விட்டது பாருங்கள். கதை மொத்தமே பதினாறு பக்கங்கள்(தான்).

பூவிழி காமிக்ஸ் - எரிந்த மனிதன் - கதை & படம் ஐஸ்வர்யா – பக்கம் 8 -

Poovizhi Comics Erindha Manidhan 8th Page

மக்கள்ஸ், இனிமேல் நோ ரன்னிங் கமெண்ட்ரி. நீங்களே ஜாலியாக கதையை படியுங்கள். குறிப்பாக இந்த ஓவியங்களை ரசியுங்கள். அடுத்த எட்டு பக்கங்கள் இதோ உங்கள் மேலான பார்வைக்கு:

பூவிழி காமிக்ஸ் - எரிந்த மனிதன் - கதை & படம் ஐஸ்வர்யா – பக்கம் 9 To 16 -

Poovizhi Comics Erindha Manidhan 9th Page
Poovizhi Comics Erindha Manidhan 10th Page
Poovizhi Comics Erindha Manidhan 11th Page
Poovizhi Comics Erindha Manidhan 12th Page copy
Poovizhi Comics Erindha Manidhan 13th Page
Poovizhi Comics Erindha Manidhan 14th Page copy
Poovizhi Comics Erindha Manidhan 15th Page
Poovizhi Comics Erindha Manidhan 16th Page

நண்பர்களே, இது வரை பொறுமையாக படித்தமைக்கு நன்றி. இதனைப் போலவே இன்னமும் பல கட்டுரைகளை வழங்கலாமா? அல்லது சென்ற பதிவைப்போல சிறப்பு நாட்களை பற்றிய பதிவுகளையாவது இடலாமா? இல்லை, இதுபோலவே நம்ம பழைய ஸ்டைலில் பல அறிய தமிழ் காமிக்ஸ்களை உங்கள் பார்வைக்கு வழங்கலாமா? நீங்கள் கூறுங்கள். முடிவெடுப்போம்.

உங்களின் விமர்சனங்களையும் பதில்களையும் எனக்கு ஏன் நீங்கள் பின்னுட்டமாக இட கூடாது?

நன்றியுடன்,   
ஒலக காமிக்ஸ் ரசிகன்.

Related Posts with Thumbnails